Luka 14:18 - Iaai Bible 1901 (New Caledonia)

¹⁸ Ke ödrin hia thithö adre me hwân he ka ve ha vhelidra. Haingen ke at kâu, ka habe, Oge hia but ûco ke utkânâ, ke hamök he ka he ka wâ e: ö u hnö nya ju ang.

Luka 14:18 ပူးပေါင်းရင်းမြစ်များ

Jeremia 6:10

Oge me he ka fuc me koû köia, me me löng? wâ bi, adre ca peritomonâ je hnyikönyödra, me me ca khanʼ ödra he ka tevehlöng: wâ bi, adre me wia hofuc ho Iehova me me hnân bi ûhiö; adre me ca senyinâ e.

Luka 14:17

ke e ame kunâ athnyabainy hnyi ûen han he ka ha ka tavat adre me bödra ka hawâ, ka habe, Ai öbun; anyin adre hia but penapena ta je ûnyi.

Luka 14:19

Ke haingen ke at, ka habe, Oge hia but ûco je bolok a faiv je ûcon, ke oge me he but ka cubic ödrin: ö u hnö nya ju ang.

Luka 18:24

Ke ame wâ e Iesu, me haingen, ka habe, Huliwa but at ae tren omjeû he ka didro ka hnyi dokhu dokhon Khong!

Luka 8:14

Haba keihen ame kölu hnyi wanben ta je ûö ae ûdedö, wale tavat adre me long, me he but, me ame kû takû ödra hnen ta je vhet, me omjeû, me ta je senyin ge möt ang, kʼ adre me ca wa wan ae metu.

Ioane 1:11

E ame o but ka hnyi hing hwajekhon, kʼ ame ca kap e hnen lakeiny.

Ioane 5:40

ke öbun höcö he ka he könya me me hu möt gabun.

Filipi 3:4

ke so bi e hu but gak hnân labageju ka hnyi unyin: ame ne he ke at ka ûnykûme a gʼ ame hu but gan hnân labageju ka hnyi unyin, me hu gan hmâ bi könya:

II. Timoteo 4:10

anyin a hia but Dema hna degeci nya, kʼ ame hnyokâ hmeledrany, ke ame he but Thesalonika ai; ke Kerese ame he but Galatia ai, kʼ ame he but Tito Dalamatia ai.

II. Timoteo 4:4

ke adre me he ka wia ta je hnyikönyödra ûnyi hnyi hnathu, me saû but ka hnyi ta je vekhet.

Heberu 12:16

wâ e nye hu ke at bi ûnyi monu, me at thothom baga helâ me Esau, waleji at ame ham hwajekhon atö he ka ûco ûjeû.