Luka 14:13 - Iaai Bible 1901 (New Caledonia)

¹³ Ke u ka he ka ânyâ bijeû, hawâ thö je theduoc, me ta je bâbu, me ta je mat, me ta je wadröu:

Luka 14:13 ပူးပေါင်းရင်းမြစ်များ

II. Samuela 6:19

Ke e ame khenâ oûco ka i tavat hia, wale ka ûseiny Isaraela hia, obaga me omomo minya, ûsa khaca ong areto, me khaca uthmeno, me khaca u wan vine ae meleca. Me ame vese thö tavat hia ka hnyi je hnyabadrin.

II. Man Ûlabainy Je Than. 30:24

Anyin a Hezekia than Juda ame ham ka ûkhacaköu hnân bi hut wan thauzan je bolok me seven thauzan je mamoe; ke haba je taben ödrin e ham ka ûkhacaköu wan thauzan je bolok me ten thauzan je mamoe: me se hia tavat bihut ödrin e okabi ödrin bi.

Nehemia 8:10

Ke e ame ha ködrin, ka habe, He thʼ öbun, an ju pipikhenya me ijem ûnyi ae senem, me kunâ je jekhoû ka tavat adre me ca penapena hobi kâu: anyin ae kap ka Tuhötin bong ang: ke ca he öbun ka hmak; anyin a haba tang hwegiöbun me senyin kö Iehova.

Nehemia 8:12

Ke ame he tavat hia he ka han me ic, me kunâ je jekhoû, me ti senyin, anyin a ödrin e wâhmakhmetoâ je hofuc adre me omanenâ ködrin.

Jobu 29:13

Ame o but könya hofuc hnahic ûnyi ge at ame he ka mokcu: Ke oge me osenyinâ hnyekon safac.

Ta je Vejec 14:31

Haba at ame ovecâ at ae theduoc me ame haikongoâ At a op e: He haba at ame betenge ge at ae theduoc, me ame ogânâ e.

Ta je Vejec 22:9

Ame he ka hnahic at ae hu li ecmak ae so; Anyin a e ame he ka han at ae theduoc.

Isaia 58:10

ke u je ne betenge ge at ae mekihnânem, me osekonâ at adre ovecâ; awe, ame he ka o melamâm hnyi menekholom, ke ame he anyâm lit ka helâ me jebigo:

Isaia 58:7

Hawa, ca e bi minya, he ka khenâ âm je jeû ka at ae mekihnânem, ke u me he ka hom tavat ae theduoc adre me obâ but ka hnyi hnyabam? ke u ka wâ at ame he thu mʼ u me he ka okhavâ e; ke u me ca he bi ka lubaduöng ge je liamekeiny möu.

Mataio 15:30

Me ame o but kâu tavat ae se hia, tha ödra me ta je mat, me ta je wadröu, me ta je hum, me ta je bâbu, me keihen tavat ae se hia minya, me adre me khûʼ ödra ka hnyi hmelen li can; me e ame omeli ödra:

Mataio 22:10

Me ame he but lathnyaba eling ka hnyi ta je gethen, me ûkhacahöuâ hia tavat ödrin e wâ, tavat ae kong ke tavat ae so: me ame unöngöt hna faipoipo ge at.

Luka 11:41

Ke so bi öbun e ne ham onyen hnyi betenge; awe, ame he ka so ta je ûnyi hia unyibun.

Luka 14:12

Haingen minya ka at a hawa e, ka habe, U ka thu han jebigo ame ne han sahac, ca hawâ lahânâm, me je liamekeiny möu, me ânyâm lap, me tavat tren omjeû ae hakekeny köu; wâ adre nye he ka hawo u hmetu, me bi hwaban köu.

Luka 14:14

ke adre me he ka ohnahici u; anyin ae ca hu gadra ûnyi he ka bi hwaban hmetu köu: anyin adre me he ka bi hwaban köu hnyi ûen möt hmetu a tavat ae wisa hwakecidra.

Luka 14:21

Me ame o but athnyaba, me omanenâ ta je ûnyi eling ka tuhan. Me ame hmonyin tuhan uma, me ha ka athnyabainy, ka habe, Ie he bi thö ka hnyi je gethen me je hna ngenu hnyi taun, ke hawâ thö jem ta je theduoc, me ta je bâbu, me ta je wadröu, me ta je mat.

Ta je huliwa 9:39

Haba Peteru ame todrö me tha he mödru. E ame o but, me adre me hom e ka hnyi hnyeule ethö: ke ame tha tot mē ta je safac hia adre me ûtengiö, kʼ ödrin e omanenâ ta je ûkot me je ûkhaû ame tibet Doreka, ke tiga e bi unyidra.

Deuteronomi 14:29

kʼ ame he ka hnyi han unyâm at Levi, anyin ae ba hwajekhon me iny unyâm, me atkanyua, me nakahme, me safac, a tavat hnyi je hnyabam me me sekudrin; me me he Iehova Khongom ka ohnahici u hnyi ta je huliwa anyin hnyamâm u me ânyâ.

Deuteronomi 16:11

ke u me he ka senyin hnyi hnyimakö Iehova Khongom, u, me nokom baga, me hlu, me athnyabaem a baga, me momo, me at Levi hnyi je hnyabam, me atkanyua, me nakahme, me safac unyâm, hnyi dok ame he Iehova ka ûca hnân umen ien.

Deuteronomi 16:14

ke u me he ka senyinâ ânyâm bijeû, u, me nokom baga, me hlu, me athnyabaem baga, me momo, me at Levi, me atkanyua, me nakahme, me safac hnyi ta je hnyabam.

I. Timoteo 3:2

E ûcû ka pisop he ka ba hnyikongon, me khaca âiân, me at hokhnyok, me at hnyokâ wisa, me at ame ânyâ hwakecin ae so, me at ame betenge ge atkanyua, me at ae khana ûne;

I. Timoteo 5:10

ke momo adre me haisoâ hnyi ta je huliwa ae so; ka habe, ame hia but hat lakon, me betenge ge ta je atkanyua, me osûâ je li can wakap, me hadruâ tavat adre me vec, me ânyâ bala ta je huliwa hia ae so.

Tito 1:8

ke so bi at ame betenge ka ta je atkanyua, at ame hnyokâ ûnyi ae so, at ame hnyokâ wisa, kʼ ame owisa wisa, at ae kap, kʼ ame ka hom ûhnyûkongo e bi;

Filemona 1:7

Anyin ae hu gak senyin me kaukahwa ae gan hmâ ûnyi ge ânyâm ibetengiö, anyin a ûnyi gam liamekeiny mönya, a gʼ adre hia but okahwa je hnyekon wakap.

Heberu 13:2

Ca hnying bi he ka betenge ge ta je atkanyua: anyin a haba keihen, me adre me kap ta je angela helâe, kʼ adre me ca ûnykûme bi.