Luka 13:35 - Iaai Bible 1901 (New Caledonia)

³⁵ Wâ bi, adre hia but hna degecâ umöbun uma: ke inya oge me ha köbun, Öbun e ca he hmetu ka ō nya, ke ne o but öbun e he ka ha, ka habe, Hnen hnahic at ame o but hnyi ien Than.

Luka 13:35 ပူးပေါင်းရင်းမြစ်များ

Salamo 118:26

Hnahic hnen at ame o hnyi iö Iehova: Öhmun e hia but ha hnahici öbun ûnyi hnyi uma umo Iehova.

Salamo 69:25

E so e he ka ba wan anyidra je lap; Ke ca he ke at ka laba hnyi umödra je uma mano.

Isaia 52:7

E so hmonyin hon je bucen li can at ame hom ûthumetu ae so, at ame haimemenâ ûsoköu, at ame hom ûthumetu ae kese, at ame haimemenâ ûhomeli; at ame ha kö Ziona, ka habe, Ame musi Khongom!

Jeremia 22:5

Ke öbun e ne ca löng je hofuc ang, oge me khemanyin gak bi, haingö Iehova, a gʼ ame he ka ba wan uma eang.

Jeremia 35:17

anyin a wale walang hna ha hnö Iehova Khongon sabaoth, Khongu Isaraela, ka habe, Wâ bi, oge me he ka oâ ka at Juda, me aten Jerusalema, hia ta je ûnyi ae kong waleji oge ha gadra: anyin a oge hia but fuc ködra ke adre me ca löng bi: ke oge hia but hongot ködra ke adre me ca ieû bi.

Mika 3:12

Anyin a wale adre me he ka wia kânâiny Ziona helâ me utkânâ can gabun, ke haba Jerusalema, me ame he bi hnân digic thatûnyi hnyin, ke buceniny uma me ame he ka helâ me je hut hnyi hnyot.

Zakaria 12:10

Ke oge me he ka hingâlâ hon lap anyi Davita me aten Jerusalema, hanuiny ibetengiö baû me hanuiny khöû; ke adre me he ka ō nya waleji adre dâ: ke adre me he ka tenge gan, helâ me at ame tenge ge nokon a khaca, ke adre me he ka vec gan, helâ me at ame vec ge nokon a bân.

Zakaria 14:2

Anyin oge me he ka ûkhacaköuâ ta je hnyei hia ûcon Jerusalema he ka vat; ke adre me he ka hûgûnâ taun, me söh je uma, me okongoâ omomo: ke adre me he ka hom bâ hafiny taun, ke adre me ca he ka subâ degecâ ûnyi hnyi taun kolon tavat.

Mataio 21:9

Ke haba tavat adre me bödra me tavat a bilidra, adre me kuku me ha, ka habe, Hosana ka Nöku Davita: Hnen hnahic at ame o but hnyi ien Than; Hosana ethö beönua.

Mataio 23:37

Jerusalema, Jerusalema lö, at ame hlingâ ta je perofeta, me lûâ tavat adre me kunâ kâu! iny ibi osehia wek he ka ûkha-caköuâ lakom helâ me hinyen denakhoto ame tube lakon ge li labenyin, mʼ öbun ka höcö öbûn!

Luka 19:41

E hakekeny jut, kʼ ame wâ taun, me e ame tenge gan,

Luka 21:24

Ke adre me ke ka ta ge homakan hele vat, me he ka hom hwenbʼ ödra ka aten ta je hnyei: kʼ ame he ka uto Jerusalema hnen aten ta je hnyei, ke ne o but ame bekhöt ut ûen aten ta je hnyei.

Ioane 12:13

me adre me bi lan pama me he ka ûkhanö mē, me hongot, ka habe, Hosana: hnahic hnen Than Isaraela, ame o but hnyi ien Than.