Luka 13:34 - Iaai Bible 1901 (New Caledonia)

³⁴ Jerusalema, Jerusalema lö, at ame hlingâ ta je perofeta, me lû ödrin adre kunʼ ödrin kâu! e se hia wek he ka ûkhacaköuâ lakom, helâ me hinyen denakhoto ame tube lakon ge li labenyin, mʼ öbun höcö bi öbun!

Luka 13:34 ပူးပေါင်းရင်းမြစ်များ

Nehemia 9:26

Ke so bi ödrin e ca ûling, ke ödrin e hna degeci u, me hna hotudrin ai ânyâm hnanyibu, me hlingâ ânyâm je perofeta tavat adre me thawʼ ödrin, he ka ohmetu ödrin köu, ke ödrin e oâ hmonyin ae gan hmâ.

Nehemia 9:30

Ke se hia je huna u je hokhnyoki ödrin, me thawʼ ödrin hnen hanom a deny ânyâm je perofeta: ke ödrin e ca belöng: anyin a wale u je hnʼ ödrin ka tavat aten je hnyei.

Salamo 149:2

E so e he Isaraela ka senyin ka at a op e: E so e hobâ je laku Ziona ka Tuhödra.

Salamo 17:8

Tuö nya ju helâ me wahlidriny ecmak, Ikhölö nya ju hnyi hmenon li labenyâm,

Salamo 36:7

Khonguk lö, shaiba ge iûnyihnathuiny ânyâm betenge! Kʼ ame labageju lakon tavat hnyi hmenon li labenyâm.

Salamo 57:1

KHONG lö, betenge ju gak, betenge ju gak; Anyin ame kic gam hanuk: Eke, oge me he ka ikhölö hnyi hmenon li labenyâm,

Salamo 81:13

E na he ju lakeik ba ling nya, Me vheno dek je gethen hnen at Isaraela!

Salamo 91:4

E ame be ka tubi u ge leûnen, Ke u me he ka lubaduöng hmelen li labenyin: Haba anyin hnathu, me, hnân bec me bec ae gan.

Isaia 30:15

Anyin a walang hna ha hnen Than Iehova, Kabi Isaraela, ka habe, Adre me he ka omeli öbun, öbun ka hmetu me menâ; ke haba tang hwegiöbun, me ame he ka e bi hnyi labawia me labageju: ke so bi e ca webun.

Isaia 50:2

Ieû can a e ba at hnyi ûen oge me o hnyin? ke oge me hongot ke ba at âme ieû? Hawa, e okhulit hnyamok me ca khanö nya he ka omelo? ke ba but manik man he ka hûgûnâ? Wâ bi, hnyi hnok hna thawâ oge me omada köiö, me wia je wagewe me me hnyebuba bi: ame bokong ut haledra je wâ anyin ae ba köiö, ke adre mok ut ge beic.

Jeremia 2:30

Oge kot je lakubun ke ûnyi baû bi; adre me ca kap hna nʼ ödra; hnen anyibun hele vat hna an anyibun je perofeta, helâ me liona at ame ohia.

Jeremia 26:23

ke adre me hum Uria ûheny Aigupito me hom e kö Jehoiakima than, me e ame hlingâ e ge hele vat me khûâ unyin ka hnyi erkemok anyin houmonu.

Jeremia 35:14

A hwâdâ but hofuc bo Jonodaba nöku Rekaba waleji e ame hûna ka je lakon, mʼ ödrin e ca ic waina, ke ödrin e ca ic ke ne o but hnyi bong ang, anyin ödrin e löng hoton hna hûna hnen kamödrin: ke so bi, oge hia but fuc köbun me vesâkong me ha, ke öbun e ca ling nya bi.

Jeremia 35:17

anyin a wale walang hna ha hnö Iehova Khongon sabaoth, Khongu Isaraela, ka habe, Wâ bi, oge me he ka oâ ka at Juda, me aten Jerusalema, hia ta je ûnyi ae kong waleji oge ha gadra: anyin a oge hia but fuc ködra ke adre me ca löng bi: ke oge hia but hongot ködra ke adre me ca ieû bi.

Jeremia 6:16

Walang hna ha hnö Iehova, ka habe, Todrʼ öbun hnyi je gethen, me wâ, me hnö je gethen kâû adrem, ewa gethen ae so, me vheno e, me öbun e he bi ka wâ hna menâ hobi kâu je hanubun: ke haingodra, ka habe, Ohmun e ca he ka vheno e.

Je tenge anyi Jeremi 1:16

Can ta je ûnyi eling, me oge me tenge; ke haba emakök, me ame hingölö köiö ûnyi hnyi li emakök; Anyin ae ûsâkâûö but mönya at ûötubweli, at a hamen he ka okahwa hnyekuk: E ba but thatûnyi anyin je lakuk, anyin ame ton iwahnaihmiony.

Je tenge anyi Jeremi 4:13

Can hulo anyin je perofetainy, me hulo anyin tavat bihut, Hnyat adre hia but hingâlâ dra dren tavat ae wisa hnyi wanben e.

Hosea 11:2

Adre me hawʼ ödra, me adre me he but ûnyi gadra: adre me bi hut ka je Baala, me leû uto ae bo so ka je idola.

Hosea 11:7

E hwege lakeik he ka digic nya: eja ke ne adre ne hongot kö Beönua, me ba at a khaca ame he ka ogânâ e.

Joela 2:23

Ke senyin dö, öbun je lakon Ziona me hobâ ga Iehova Khongubun; anyin a e ame ham köbun we a bân ae ûcû, ke e ame kunâ köbun we, wale we a bân me we a biliny, hnyi tehi a bân.

Zakaria 1:4

Ca he öbun ka helâ me lakamöbun waleji adre me hongot ka ta je perofeta kâû adrem, me ha, ka habe, Walang hna ha hnö Iehova tuhan sabaoth, ka habe, Hmetu ju öbun walang ang ûnyi hnyi debun ta je gethen ae kong, ke anyibun je huliwa ae kong: ke adre me ca long bi, kʼ adre me ca tevehlöng könya, haingö Iehova.

Mataio 22:3

kʼ ame kunâ lathnyabainy he ka hom tavat adre hia but hawâ ka hnyi bijeûiny faipoipo: kʼ adre me höcö.

Mataio 22:6

ke haba je kolon adre me kât lathnyabainy, me okongoâ, me hlingâ.

Luka 15:28

Me e ame ka hmonyin me höcö he ka dit: ke ame didrut kamen me ûjengö e.

Luka 19:44

me othahoni u me kânâ, u me je lakom unyâm; ke ame ca he ka hnen ke veto hon ke veto hnyi wanbâm; anyin ae ca khanö u ûen adre me senʼ u hnyin.

Luka 23:28

Ke haba Iesu ame hwio thö, me ha kodra, ka habe, Omomo Jerusalema lö, ca tengiö nya bi, ke tengiʼ öbun bi me lakubun.

Ta je huliwa 7:52

Ewa perofeta a ca ovecâ hnen lakamöbun? ke ödrin e hlingâ minya tavat a hodra ka omanenâ a gʼ ame he ka o At ae Wisa; wale öbun e alecuâ me hlingâ walang ang;

Ta je huliwa 7:59

Ke adre me lûö Setefano, kʼ ame tiga hic me ha, ka habe, Than Iesu lö, kap ju hanuk.

Ta je huliwa 8:1

KE Saulo minya ame ogâ anyin mok. Ke haba hnyi bong eling ame kû gan hmâ but hna ovecâ ekalesia hnyi Jerusalema; ke adre me vese hia but ka hnyi ta je ke keihen hnyei Juda me Samaria, ke hake je aposetolo thiju.

Deuteronomi 32:29

Ödra na metâ ju, me wâhmakhmeto ûnyi eang, Mʼadre me he ka ûnykûme obiny ködra!

Deuteronomi 5:29

E na hu ju gadra hnyok ae ûcû mʼ adre me outö nya, me löng bala hnok ta je hna hûna hia, mʼ adre me so me je mâtrânidra nyiele balua!

Hna Omanenâ 11:8

Ke haba li unyidru ame mokut hnyi getheniny taun ae gan, haba ien hoton hanu, me Sodoma, me Aigupito, waleji adre osatauroâ hnyin Tuhödru.

Rutha 2:12

E so Iehova ame bi hwaban ânyâm huliwa, me e so ame he Iehova Khongu Isaraela he ka ti bi hwaban köu, wale at a u je he jem he ka laba hmelen li labenyin.