Luka 13:19 - Iaai Bible 1901 (New Caledonia)

¹⁹ E ûcû me wan sinapi ame hom ke at me tā hnyi iny hnyei; me ame kû thö me hlau, me ûö ae gan hmâ but; me ame laba hnyi je anginy ta je meno ame gâ ethö.

Luka 13:19 ပူးပေါင်းရင်းမြစ်များ

Khumöng Hwanyi Solomona. 4:12

Utkânâ adre hlöng homagouleny, waek, öiök An adre hlöng, pupua adre okeceâ haten.

Khumöng Hwanyi Solomona. 4:16

Ang hnyi hwadro lö, hmak dö; ang hnyi hwaiöu lö, aiö u; Bwang ut ka hnyi ik hnyei, me me bon je ûö ae bo so. E na o ju oûnykûmik ka hnyi iny hnyei, Me me an wan haleny je ûö ae ûnyi hnathu.

Khumöng Hwanyi Solomona. 6:2

A he but hââng oûnykûmik ka hnyi iny hnyei, ka hnyi ta sa basama He ka ûhalin hnyi ta hnyei, me aoc je sa sosani.

Khumöng Hwanyi Solomona. 8:13

At ame labâ je hna belök lö, Haba je la waem adre me tevehlöng ifucâm: Ö u hnö nya he ka hnyi long e.

Isaia 53:1

IE at a kap anyihmun ûthumetu? kʼ adre hia but omanenâ kö ia benyi Iehova?

Isaia 53:10

Ke so bi e ûcû kö Iehova he ka thu hwetö e; e ame hia but ohlöuhlöuâ e: ke u ka he ka hudo e hnân hudiny hulo, me e ame he ka wâ je mâtrân, e ame he ka osehia bongon je bong, ke haba we Iehova ame he ka sot unyin.

Isaia 58:11

ke ame he bala bi Iehova ka su u, me osekuni u hnyi je dok ae atgec, me ohwegiâ je jeien unyâm; ke u me he ka helâ me hna belök adre hû, ke helâ me an ame ca hme bi köien.

Isaia 61:11

Anyin a kânâ ame okûâ je vongon, ke ta hnyei ame okûâ je hatong adre me tä hnyin; helâe minya ame he Iehova ka okûâ kwakecin ae wisa me ogânâ hnyi hnyimakan ta je hnyei hia thithö.

Isaia 9:7

Ame ca he ka hu obiny ûganiny anyin musi, me ûsoköu hon theron anyi Davita, me hon dokhon dokhu, he ka ohmâ e me cö e ge hna owisa me hwakecin ae wisa hwân walang ang ke ne o but nyiele balua. Ame he ka ânyâ e hnen weny ae gan hmâ anyi Iehova tuhan sabaoth.

Jeremia 31:12

Ke adre me he ka o me khumöng hnyi dok ae gorany hnyi Ziona, me tha he ka hnyi soi Iehova, ka hnyi hwit, me waina, me wakaco, me je nokon mamoe, me kau: ke ame he je hnyekudra ka helâ me hna belök adre hû; ke adre me ca he balua hmetu he ka tenge.

Ezekiela 31:6

Haba ta je meno hia ame gâ ethö, adre me bi haûʼ ödra hnyi je vheiny, ke haba je menoiny hn yot hia adre me hnokoâ hmelen je vheiny, ke haba je hnyei hia ae gan adre me laba hnyi hmenon.

Daniela 4:12

Ke e hmanenang je lan, ke se hia je wan, ke hu han hnyin e hobi kâu hia: ke haba ta je menoiny hnyot me adre me tung hmelen, ke haba je meno adre me gâ ethö, me adre me tabâ je anginy, kʼ adre me han ta je ûnyi hia ae möt ûnyi hnyin e.

Daniela 4:21

ke hmanenang je lan, ke se hia je wan, ke hu han hnyin hobi kâu hia; ke je menoiny hnyot adre me laba hmelen, me je meno adre me gâ adre bi uma hnyi je anginy:

Zakaria 2:11

Ke ame he ta je hnyei ae se hia ka tha hien me Iehova hnyi bong eling, ke adre me he bi ka lakeik: ke oge me he ka laba hnyi wanbâm, me u me he ka wâ a ga kunö nya köu Iehova tuhan sabaoth.

Mataio 17:20

Me e ame ha ködrin, ka habe, Anyin ae ûhnyûkong anyibun labageju: anyin e hnathu inya oge me ha köbun, ka habe, a ne hu gabun labageju helâ me wan sinapi, me öbun e he ka ha ka bucen ang, ka habe, Kec dö kâe; me ame he ka kec; ke ba ke ûnyi ame he ka pason köbun.

Mareko 4:30

Ke e ame ha, ka habe, Ate me he ka oûco dokhu dokhon Khong me ieû? Ke ewa ûhöûcû ate me he ka oûco mē?

Luka 17:6

Haba Than ame ha, ka habe, A ne hu gabun labageju helâ me wan sinapi, öbun e he ka ha ka ûö sukamine eang, ka habe, Ok dö me iwân, me konim u but eû hnyi köiö; me ame he ka ling öbun.

Ta je huliwa 2:41

Ke adre me bapataisoâ tavat adre me kap hwan: me adre me bihanen kodra hnyi bong eling helâ me theri thauzan tavat

Ta je huliwa 21:20

Ke adre me long ut, me adre me ogânâ Khong; me adre me ha kâu, ka habe, Liamekeiny möhmun lö, u me wâ ta je thauzan anyin at Juda adre me labageju; ke ödra hia adre me ti hnyokâ hnanyibu;

Ta je huliwa 4:4

Ke ame labageju but tavat ae se hia adre me long hofuc; ke haba ûseiny obaga, me helâ me faiv thauzan.

Roma 15:19

hnen maniny ta je haten me ûöman, me man maniny Hanu Kap; wale a hwân hnyi Jerusalema igigilo ke ne o but hnyi Iluriko oge me khetâ ûthumetu ae so anyin Keriso;

Hna Omanenâ 11:15

Ke adre tûâ trutru anyin angela a seveniny; me ame o je hwan hofuc ae gan hnyi drany, ame ha, ka habe, Haba dokhu dokhon hmeledrany, me adre hia but wia hnân hobi kâu Tuhöta me Keriso a anyin: me e ame he bi ka musi nyiele nyiele balua.