Luka 13:17 - Iaai Bible 1901 (New Caledonia)

¹⁷ Kʼ ame tiga ha je hofuc eling, me ame hmehma hia but je iwahnaihmiony mē: ke ame senyin bi tavat ge ta je ûnyi hia ae hmanenang e ame mâdrâ.

Luka 13:17 ပူးပေါင်းရင်းမြစ်များ

Salamo 109:29

E so he ka khavâ te je iwahnaihmiöny mönya ge hmehma, Ke so adre me tubi ödra bi ge ilitmak helâ me ûkhaû.

Salamo 111:3

E mec me hmanenang anyin huliwa: Ke ame tethmâ bala bi hwakecin ae wisa.

Salamo 132:18

Oge me he ka khavâ ta je iwahnaihmiöny mē ga hmehma: Kʼ ame he ka khulelau hon e anyin korona.

Salamo 40:14

E so adre me he ka hmehma me tha monumonu Tavat adre me elâm hanuk he ka ohia e: E so adre me he ka ohmetuhmeto me ohmehma Tavat adre me senyin ge hna okongu nya.

Esodo 15:11

Iehova lö, ewa at ae tha ûcû möu unyin ta je khong? Ia ae tha ûcû möu, e hmanenang hwakecâm ae kap, Ke hnân outen, odra ka ogânö u, at ame ânyâ ta je ûnyi hnân lâiâ?

Isaia 4:2

Hnyi bong eling ame he ka hmanenang me mec hanö Iehova, kʼ ame he ka so me kese wan kânâ ka at Isaraela tavat adre kec möt.

Isaia 45:24

Ame he ka ha könya ke at, ka habe, E hu but gak thibi ûnyi ga Iehova wisa me hwege: ame he ka o tavat kâu, ke adre me he ka hmehma, waleji tavat adre me hmönyidra kâu.

Isaia 66:5

Long ju öbun hofuc ho Iehova, tavat adre me öbubuny ge hwan hofuc, ka habe, A hia but ha hnen je liamekeiny möbun tavat adre me hûkötiʼ öbun, me digic öbun can iök, ka habe, E so adre oganö Iehova, mʼ öhmun e he ka wâ anyibun senyin; ke adre me he ka hmehma.

Luka 14:6

Ke ca khanʼ ödra hmetu bi he ka thu je hofuc eling.

Luka 18:43

Me e ame ie bwela but, me he hoton, me haisoâ Khong: ke a wâ but e hnen tavat hia, me adre me olungâ Khong.

Luka 19:48

ke adre me ca wâ ke ûnyi he ka ânyâ; anyin ame belöng kâu tavat hia thithö.

Luka 20:40

Ke hwaban e me ba hmetu at ae hwege hnyekon he ka hnö gan ke ûnyi.

Ta je huliwa 4:21

Ke ödrin e hia but thawâ ooti ödru, me ödrin e hnʼ ödru but, anyin a ödrin e ca wâ deny he ka bi hwaban ködru ge tavat; anyin a tavat hia adre me ogânâ Khong can ta je ûnyi a ânyâ.

II. Timoteo 3:9

Ke so bi, adre me ca he ka vheno bala hwakecin e, anyin ame he ka manen dut hwakecidra ae monu ka tavat hia thithö, helâ me imaneniny hwakecidru könya.

Tito 2:8

me hofuc ae metâ, ke ca khanʼ ödra he ka haikongu ödra; me me hmehma but at ame ûö bi ûnyi, anyin ae ba ke ûnyi ae monu hnân he ka hai öta.

I. Peteru 3:16

ke e hu gabun ûnykûm sa ae so; waleling me me hmehma ju tavat adre me haikongo hwakecibun ae so unyin Keriso: anyin adre me haikongu öbun.