Luka 12:37 - Iaai Bible 1901 (New Caledonia)

³⁷ Hnahic hnen je athnyaba, wale e ka o than ka ō ʼdrin, ödrin e hmâkâ: e hnathu inya oge me ha köbun, e ame he ka hûkâlâ wen hnyekon, me olabʼ ödra ju, me he but he ka bi athnyaba kodra.

Luka 12:37 ပူးပေါင်းရင်းမြစ်များ

Isaia 62:5

Anyin a helâke hidröu ame hom hlu, helâe ame he je lakom ka faipoipo möu: ke ame he Khongom ka senyin köu, helâ me at ame hap faipoipo ame senyinâ âiân.

Jeremia 32:41

Eke, oge me he ka senyin ködra, he ka mâdrâ kodra so, ke e hnathu oge me he ka te ödra hnyi hnyei ang, hnyekuk ae bekhot me hanuk ae bekhot.

Zefania 3:17

E bi hnyi wanbâm Iehova Khongom, at ae hwege, kʼ ame he bi ka omelö: e ame he ka senyin köu ke hobâ, e ame he ka laba wia hnyi anyin betenge, e ame he ka senyin gam ge khumöng.

Mataio 24:42

Anyin a wale, hmâkâ thö: anyin ae ca khanʼ öbun ûen ame he ka o hnyin Tuhö-bun.

Luka 12:36

ke so öbun e tha ûcû me tavat adre me halubahingen tuhödra ûheny hnyi hna faipoipo; me adre me he ka ie khöng kâu, e ka o ka seseto.

Luka 12:43

Hnahic hnen athnyaba eling, e ka o tuhan me wâ a gʼ ame ânyâ helâe.

Luka 17:8

ke ame ca bân he ka ha kâu, ka habe, Penapena thö hnok hna he ka han, ke hûkâlâ ju wen hnyekom, me huliwa könya ke ne o but oge hia but han me ic; ke hwaban e, u me he ka han me ic?

Luka 21:36

Ke hmâkâ ju öbun hnyi je ûen bia, me labö hic, me me khanʼ Öbun he ka kec ge ta je ûnyi hia eang ame he ka o, me he ka ûtitilen hnyi hnyimakan Nokon at.

Luka 22:27

Anyin a ie at ae beönua, a at ame laba ka han, hawa athnyabainy? hawa ca at ame han? ke inya ang unyibun helâ me athnyaba.

Ioane 12:26

A ne ke at ame he ka bi atök, e so e ame he hotuk; ke haba dok o ge me he ka laba hnyin, me ame he minya atök ka laba eling: a ne he ke at ka bi atök ame he Cica ka ogânâ e.

I. Korinito 2:9

helâ me hna sihnalimen, ka habe, Ame ca wâ hnen ecmak, kʼ ame ca long ge hnyiköny, Kʼ ame ca dit ka hnyi hnyin at ta je ûnyi Waleji a penapena Khong hobi kodra adre me hnyok kâu.

Filipi 1:21

Anyin haba anyik möt me hobi kö Keriso; ke haba iny ka mok, me wale hnahicik.

Filipi 1:23

Anyin oge me loloâ hnyi li ûnyi eang, ke haba wek bi, me he ka he but, e me tha inya me Keriso; wale so ae nua:

II. Peteru 1:11

anyin a helâe adre me he ka ti hnʼ öbun he ka dit ka hnyi dokhu ame ca ba balua a dokhon Tuhöta At a omeli öta, a Iesu Keriso.

II. Peteru 3:14

Anyin a wale, hnyat a oûnykûmik lö, haba öbun tavat öbun e halubahingen ta je ûnyi e, hwege thö, mʼ adre me ö ʼbun dö hnyi ûsoköu ae ba hnyikongon me hnân haikongu öbun hnyi hnyimakan.

Hna Omanenâ 14:13

Ke oge me löng hofuc ûnyi hnyi drany ame ha könya, ka habe, Sihnalimen ju, ka habe, Hnahic hnen wamok, tavat adre me mok unyin Than hwân walang ang: eke, ame ha Hanu, mʼ adre me menâ thö ûnyi hnyi anyidra ta je huliwa; anyin ame tha hnu hotudra anyidra ta je huliwa.

Hna Omanenâ 16:15

(Wâ bi, oge me he ka o helâ me at venöu. Hnahic hnen at ame hmâkâ, me tuö anyin je ûkhaû, wâ e nye he ka he thu, mʼ ödra wâ thö anyin hmehma.)

Hna Omanenâ 3:21

Haba at ame ton, me oge me he ka ham kâu he ka tha laba mönya hon anyik theron helâji me inya oge me tuk, me oge me tha laba me Cica hon anyin theron.

Hna Omanenâ 7:17

anyin ame he Arenio ka hat ödra, waleji a e hnyi wanben theron, ke e ame he ka lili ödra ka hnyi köiöiny möt ame pupua: ke ame be Khong ka kot degecâ ta je deköiö hia ûnyi hnyi ta je emaködra.