Luka 12:20 - Iaai Bible 1901 (New Caledonia)

²⁰ Ke haba Khong ame ha kâu, ka habe, U at ae monu, adre me he ka hom hanom hnyi lit ang; ke hobi kö ia bi ju ta je ûnyi u je penapena?

Luka 12:20 ပူးပေါင်းရင်းမြစ်များ

Esetera 5:11

Ke haba Hamana ame omanenâ ködrin hmanenanginy anyin tang omjeû, me ûseiny je lakon, me ta je ûnyi hia than ame oganâ hnyin, me hnen hna ogöranyâ e hon je than me lathnyabainy than.

Jobu 27:8

Eja ke ne a ne hom troban ge at ame ca ot, me ewa gejon bi E ka he Khong ka hom hanon?

Salamo 39:6

Ame labö vheno tavat hia hnyi hmenon thibi: E ûnyibaû anyidra ûtuböny: E ame khon, ke ca khana ewa at ame he ka hlo.

Salamo 49:10

Anyin a e ame wâ a gʼ ame labö mokcu tavat ae metâ, Ke ame tha hia but at ae monu me at ae ba oûnykûminy, Me hna but je omjehedrin ka keihen,

Salamo 73:19

Eke, ame ie logot ka ohiʼ ödra! Adre me aû but hnen je ûnyi hnân ootâ.

Salamo 78:30

Ke adre me ca thawâ bala bi hnödra hna weny, Ke tiga e bi utiö hnyi je hnyimödra,

Ta je Vejec 10:2

E ba troban uma omjeûiny hwakecin ae kong: Ke haba hwakecin ae wisa, wale ûhomeli ûnyi hnyi hna mok.

Ta je Vejec 11:4

E ca ûnyi hnathu omjeû hnyi ûen hmonyin: Ke haba hwakecin ae wisa me wale ûhomeli ûnyi hnyi hna mok.

Ta je Vejec 13:7

E hu tavat adre me otreni ödra omjeû, me ba bi: Ke hu tavat adre me otheduoci ödra, me gan bi omjeû gadra.

Ta je Vejec 27:1

U ma ca hobâ ge bong nyi, Anyin ae ca khanö u ûnyi ame he ka o hnyi bong.

Ta je Vejec 28:8

Haba at ame osehia anyin ta je ûnyi ge hnen hna më ham hnân heleû troban me bi gânâ, E ame ûkhöûnâ hobi kâu bi at ame betenge ge ta je theduoc.

Isaia 56:12

Haingodra, ka habe, Ai öbun, oge mâ he ka hok waina, ke otin e he ka ijem gânâ grâg; he bong nyi ame he ka helâ me bong ang, bong ae gan me pason he ka ha.

Jeremia 17:11

Haba kore ame mokulec ta je lakon, ke ca ta je hing lakon bi, helâe ge at ae tren omjeû ke ca hoton bi wisa; hnyi wanben bonginy je bong, e ame he ka hna degecâ bi e, ke haba hnyi obiny e ame he ka at ae monu.

Amosa 6:13

öbun tavat öbun e hobâ ûnyi ae ba onyen me ha, ka habe, Hawa, ohmun e ca bi faoihmun meno ge tang hwegiöhmun?

Nahuma 1:10

Eja ke ne adre ne vhet helâ me ûö ae ûdedö, me ti khubet hnyi hnödra hna ic, adre me he ka thung ödra helâ me thatûnyin hwit ae mada.

Luka 11:40

Öbun je monu, haba at ame mâdrâ hoton, hawa ame ca mâdrâ minya hnyin?

I. Thesalonika 5:3

Ödra ka ha, ka habe, Hnahic ut me laba khötkic, me ame he ka ie o but kodra ûohiö, helâ me momo ae erkin ame vec hnyin; ke ca khanʼ ödra he ka kec ut.

I. Timoteo 6:17

Hûna thö ka tavat tren omjeû eang hmeledrany ka habe, Ca he ödra bi ka bi gan, me ca he ka gejon ta je omjeû wale ame ca tethmâ, ke so bi ka Khong ae möt at ame ham köta hia ta je ûnyi hnân osenyini öta;

I. Timoteo 6:7

anyin ate ca hom ke ûnyi ka hnyi hmeledrany, ke ca khanʼ öta bi he ka hom ke ûnyi ûnyi hnyin;

Iakobo 4:14

ke so bi e ca khanʼ öbun ûnyi ame he ka o nyi. Ieû anyibun möt. Ûbun hainy meic, ame manen hnyi ûen ae okhulit, me ame hia but.