Luka 11:9 - Iaai Bible 1901 (New Caledonia)

⁹ Ke haba inya oge me ha köbun, ka habe, Sumâtâ thö, me adre me he ka ham köbun; elâm dö, me öbun e he ka wâ; seseto thö, mʼ adre me he ka khong ut köbun.

Luka 11:9 ပူးပေါင်းရင်းမြစ်များ

Salamo 118:5

Hnyi anyik vec oge me hongot kö Ja: Me ame long könya hnö Ja, me e ame ip nya hnyi dok ae gan.

Salamo 27:4

Khaca thibi ûnyi oge hia but sumâtâ ga Iehova, kʼ oge me he bala ka elâm e; A oge me he bala ka laba hnyin uma umo Iehova hnyi je bongon hia anyik möt, He ka wâ hmanenangi Iehova, me hnö hnyi umen uma ae kap,

Salamo 27:8

Hnyi ûen u je ha, ka habe, Elâm dʼöbun hnyimakök; me ame ha hnyekuk, ka habe, Iehova lö, oge me he ka elâm hnyimâkâm.

Salamo 34:10

E ba an, ke mekihnânem bi je nak liona: Ke haba tavat adre me elöm Iehova, me ba ke ûnyi ae so ame he ka hia gadra.

Salamo 34:4

Oge me elöm Iehova, me e ame ling nya, Me omeli hya ûnyi hnyi anyik je ot hia.

Salamo 50:15

Ke hao nya thö hnyi bonginy vec; Oge me he ka omeli u, ke ume he ka oganö nya.

Khumöng Hwanyi Solomona. 5:6

Oge me khong ka oûnykûmik, Ke oûnykûmik ame hia but hwio me he. E ame fuc eja ke ame sēnyin hnyekuk: Oge me elâm e, ke oge me ca wâ bi; Oge me hawâ e, ke e ame ca ieû könya.

Isaia 45:19

Oge me ca ba ikhâlâ hnyi dok a menekholominy hnyei; oge me ca ha ka je mâtrâni Jekob, ka habe, Elâm baûö nya thö: inya Iehova at ame ha wisa, oge me haimemenâ ta je ûnyi ae ûcû.

Jeremia 29:12

Ke öbun e he ka hao nya, me öbun e he ka he me hic könya, me oge me he ka ling öbun.

Jeremia 33:3

ame ha, ka habe, Hongot dö könya, me oge me he ka thu köu, me omanenâ köu ta je ûnyi ae gan, me hmak, wale ae ca khanö u.

Daniela 9:3

Me oge me bwele thö ka than a Khong me elâm a deny hic me khöû, me ca han, me mano ae gan nân, me hnabadröu.

Mataio 21:22

Ke haba ta je ûnyi hia thithö öbun e he ka sumâtâ hnyi hic, öbun ka labageju, me öbun e he ka hu.

Mataio 21:31

Ie at gadru ame ânyâ weny kamödru? Haingödra, ka habe, Atö. Haba Iesu ame ha kodra ka habe, E hnathu inya oge me ha köbun, haba ta je telona, me ta je momo hnyi gethen, adre me khaletʼ öbun ka hnyi dökhu dokhon Khong.

Mataio 6:29

ke so bi inya oge me ha köbun a haba Solomona hnyi anyin hmanenang hia ame ca theibâ bi helâe.

Mareko 11:24

Anyin a wale, inya oge me ha köbun, ka habe, Haba ta je ûnyi hia öbun e he ka sumâtâ hnyi hic, labagejon ju a öbun e he ka kap, mʼ öbun e he ka kap dö.

Mareko 13:37

Ke haba hnok hna ha köbun, inya oge me ha minya ka tavat hia, ka habe, Hmâkâ thö.

Luka 11:10

Anyin ame he ka hu ka tavat adre me sumâtâ; ke haba tavat adre me elâm, me adre me he ka wâ; ke adre me he ka khong ka tavat adre me seseto.

Ioane 14:13

Ke haba ta je ûnyi hia thithö öbun e he ka sumâtâ hnyi iök, me oge me he ka ânyâ me me he ka ogânâ Kamen hnen Nokon.

Ioane 15:16

Öbun e ca ûco nya, ke oge me ûcʼ öbun, me otilʼ öbun, mʼ öbun e he ka he me wa, me tet hmâ ju wan gabun: me me he Kamen ka ham köbun ta je ûnyi hia öbun e he ka sumâtâ huyi iök.

Ioane 15:7

Öbun e ne laba eû hnyi hnyik, ke hok ta je hofuc ame laba minya hnyi je hnyekubun, öbun e he ka sumâtâ ûnyi öbun e weny, me adre me he ka ânyâ hobi köbun.

Ioane 4:10

Haba Iesu ame thu me ha ka momo, ka habe, A ne manen köu bwihlany anyin Khong, me at ame ha köu, Habelik; me u je he ka sumâtâ gan, me e ame he ka ham köu köien möt.

Roma 2:7

wale, möt ame ca ba balua ka tavat adre me tethmâ hnyi huliwa ae so, me elâm hmanenang me hna ogânâ, me hna ca bobot bi:

II. Korinito 6:2

(anyin a haingen, ka habe, Oge me ling u hnyi ûen eji ae so, Ke oge me hadruo u hnyi bonginy möt: ke wâ bi, walang ûen ae so; wâ bi walang ang bonginy möt):

Heberu 11:6

ke a ne ba labageju, me pason he ka osenyinâ e: anyin a haba at ame hakekenyâ Khong, me hamen he ka labageju, ka habe, ka e bi, ke e ame he ka bi hwaban ka tavat adre me elâm hwegiâ e.

Heberu 4:16

Anyin a wale e so ate me he ka hwege ûhakekenyâ theroniny ibetengiö baû, mʼ ate me he ka kap ibetengiö, me wâ ibetengiö baû hnân he ka hadruʼ öta hnyi ûen ae ûcû.

Iakobo 1:5

A ne ke at gabun ae ba metâ gan, me so e ame sumâtâ unyin Khong, at ame ham gânâ ka tavat hia thithö, kʼ ame ca û bi; me adre me he ka ham kâu.

Iakobo 5:15

ke haba hic hnyi labageju, me ame he bi ka omelö komok, kʼ ame he Than ka otilâ thö e; ke a ne hia but ânyâ ta je monu, me ame he ka thang ut gan.

I. Ioane 3:22

ke haba ûnyi ate me sumâtâ me ate me hu but gan, anyin ate me löng hoton anyin hnanyibu, me ânyâ ta je ûnyi ae so hnyi hnyimakan.

Hna Omanenâ 2:24

Ke inya oge me ha köbun je ke keihen hnyi Thuataira, wale tavat ae ca hu gadrin hna ûne eling, ke ca khanʼ ödra hwakecin ae dit anyi Satana, helâ me hnödra hna hat oge me ca ip hubun ke hok.