Luka 11:49 - Iaai Bible 1901 (New Caledonia)

⁴⁹ Anyin a wale, ame ha hnen metâ anyin Khong, ka habe, Oge me he ka kunâ kodra ta je perofeta me ta je aposetolo; ke adre me he bi ka hlingâ me okongoâ keihen;

Luka 11:49 ပူးပေါင်းရင်းမြစ်များ

Jeremia 7:25

Hwân hnyi bong a he but hnyin je lakamöbun ûnyi hnyi hnyei Aigupito ke ne o but hnyi bong ang, oge hia but kunâ köbun je athnyabaik hia a je perofeta, me vesâkong hnyi je bong me ûkhûnöng:

Mataio 22:6

ke haba je kolon adre me kât lathnyabainy, me okongoâ, me hlingâ.

Luka 11:48

Awe, öbun e ohnathoâ, me ogâ hwakecin lakamöbun: anyin adre me hlingʼ ödrin, ke öbun e otilâ ta je hudrin.

Luka 24:47

me he ka khetâ, hnyi ta je hnyei hia hwân hnyi Jerusalema, ietra, mo he ka thang degecâ ta je hulö ûnyi ge ien.

Ioane 16:2

Adre me he ka obʼ öbun ûnyi hnyi ta je sunago: eke, ame he ka o ûen, a gʼ ame he at ka hlingʼ öbun, me ûnykûme a e ame bi aten Khong.

Ta je huliwa 1:8

E ka o but köbun Hanu Kap, me öbun e he ka tren man: mʼ öbun e he ka ohnathu nya hnyi Jerusalema, me Juda hia me Samaria ke ne o but hnyi je can hmeledrany.

Ta je huliwa 11:27

Haba hnyi ûen eling ame o but hnyi Anetioka ta je perofeta ûhedrin Jerusalema.

Ta je huliwa 22:20

ke adre hingâlâ dro Setafano at ame ohnathu u, me oge me tot hakekenyâ, me hnyi hanen, me tuö je ûkhaûödrin hnyat ödrin e hlingâ e.

Ta je huliwa 7:57

Me adre me fuc hwege goranyai, me hlöng je hnyikönyödra, me tha utut kâu;

Ta je huliwa 8:3

Ke haba Saulo, e ame vekia okongoâ ekalesia, me dit ka hnyi ta je uma, me lelo but obaga me omomo, me ip ödra hnyi uma ceat.

I. Korinito 1:24

ke Keriso man maniny Khong, me metâ anyin Khong ka tavat adre ûca, at Juda me at Helene minya.

I. Korinito 1:30

Ke ûnyi gan öbun hnyi Keriso Iesu, at adre wia köta ûnyi ge Khong hnân metâ, me hwakecin ae wisa, me kap, me hnân möt:

Efeso 4:11

Ke e ame wia keihen he ka bi hanymen aposetolo; keihen he ka perofeta; keihen he ka omanenâ ûthumetu ae so; keihen hnân je pasteur me at ûne;

Kolose 2:3

at adre ikhâlâ unyin ta je omjeûiny hia metâ me wâ ûnykûme.

Hna Omanenâ 16:6

anyin a adre me hingâlâ dra dren wakap me ta je perofeta, ke u je habelidra ge dra: ae ûcû kodra.

Hna Omanenâ 18:20

U ma senyin dö gan drany lö, me öbun wakap, me ta je aposetolo, me ta je perofeta; anyin a Khong ame liia but bi hwaban kâu cabun bi.