Luka 11:45 - Iaai Bible 1901 (New Caledonia)

⁴⁵ Me ame thu kâu hnen ke at ûnö hnanyibu, ka habe, At Ûne lö, u me ha helâe, me u me haikongu ohmun minya.

Luka 11:45 ပူးပေါင်းရင်းမြစ်များ

I. Je Than 22:8

Haba than Isaraela ame ha kö Jehosafata, ka habe, Khaca biju at jia Mikala nöku Imela, me e khanʼ otin he ka hnei Iehova a deny e: ke so bi hûkötiânök e; anyin a e ame ca perofeta ûnyi ae so gak, ke ûnyi bi ae kong. Ke haingen Jehosafata; ka habe, Than, ca ha helâe.

Jeremia 20:8

Anyin a hnyi ûen oge me fuc, oge me kuku; oge me hongot, ka habe, Ûokonguny me söh: anyin adre wia hofuc ho Iehova, me hnân haikongu nya, me ûhiö hnyi je bong hia.

Jeremia 6:10

Oge me he ka fuc me koû köia, me me löng? wâ bi, adre ca peritomonâ je hnyikönyödra, me me ca khanʼ ödra he ka tevehlöng: wâ bi, adre me wia hofuc ho Iehova me me hnân bi ûhiö; adre me ca senyinâ e.

Mataio 22:35

Ke haba ke at gadrin a at ûnö hnanyibu ame hnö he ka cubec e, hai; ngen ka habe,

Luka 11:46

Ke e ame ha, ka habe, Ekölö gabun minya hnyat ûnö hnanyibu! anyin a öbun e ip hon tavat je hok ae hmak he ka hijen, ke haba öbun, me öbun e ca mâdrâ bi ge ke banyöbun a khaca.

Luka 11:52

Ekölö gabun hnyat ûnö hnanyibu! anyin a öbun e hia but hom kiiny metâ: kʼ öbun e ca dit bi ka hnyin, ke öbun e thawâ minya tavat adre me ke ka didro.

Luka 7:30

Ke haba ta je Faresaio me tavat ûnö hnanyibu, me adre me ka iet degecâ je ûnykûmenen Khong, kʼ adre me ca bapataisoi ödra ge anyin bapataiso.

Ioane 7:48

Hawa, e hu ke taben ame ne ke at Faresaio ame labageju kâu?

Ioane 7:7

E ca khana bi hmeledrany he ka hûköti öbun; ke so bi ame hûkötiö nya, anyin a oge me ohnathoâ ae kong ta je huliwainy.

Ioane 9:40

Ame long ut keihen ta je Faresaio a tha ödra mē ta je hofuc eling, me adre me ha kâu, ka habe, Hawa, ohmun je wadröu minya?