Luka 11:40 - Iaai Bible 1901 (New Caledonia)

⁴⁰ Öbun je monu, haba at ame mâdrâ hoton, hawa ame ca mâdrâ minya hnyin?

Luka 11:40 ပူးပေါင်းရင်းမြစ်များ

Genese 1:26

Ke haba Khong ame ha, ka habe, E so ate me op at hnyi wi ota, me tha ûcû mʼ öta: ke hamödra he ka musö ta je wâ eû hnyi köiö, me ta je meno ame gâ ethö, me ta je meno a vak cadra, me hmeledrany hia thithö, me ta je meno ame iyâû wale adre me iyâûâ hmeledrany.

Genese 2:7

Ke haba Iehova Khong ame op at ge sesâiny kânâ, me menâ ka hnyi li hnyingöiny homenâiny möt; ke haba at ame wia me me hanu ae möt.

Salamo 14:1

HAINGEN at ae monu eû hnyi hnyekon, ka habe, E ba Khong. Odra bo kong, adre me ânyâ ta je huliwa ae ikiki; E ba at ame mâdrâ so.

Salamo 33:15

Wale at ame op ta je hnyekudra hia, Ame ûnykûme anyidra ta je huliwa hia.

Ta je Vejec 1:22

Tavat ae ba hnyekudra lö, öbun e he ka hnyok ka hwakecin ba hnyekon ke ne o but kehö? Me tavat ûhiö he ka hiâ ke ne o but kehö, Me tavat ae monu ha hmiödra wâhmakhmeto?

Ta je Vejec 8:5

Öbun tavat ae ba hnyekubun lö, Wâhmakhmeto ju wâ wia; Ke öbun tavat ae monu, wâ ûnykûme ju öbun.

Jeremia 5:21

Long ju hofuc walang ang tavat ae monu me ba hnyekudra: tavat ae hu li ecmak, kʼ adre me ca wâ bi; e hu li hnyiköny kʼ adre me ca long bi:

Zakaria 12:1

WALANG hok, wale hofuc ho Iehova ge Isaraela.

Numera 16:22

Ke ödru me ta ju hnyikânâi, me ha, ka habe, Khong lö, Khongon hanon tavat hia, ame ne kong hwakecin at a khaca, me hawa u me he ka hmönyin ka ûkhacaköu hia?

Mataio 23:17

Hnyat ae monu öbun me wadröu: anyin a ieû ae nua, a ne gol, a ne uma, wale at ame okabâ gol?

Mataio 23:26

Faresaio ae wadröu lö, hneû bânâ but hnyin utkaia me mini, me me so minya but hoton.

Luka 12:20

Ke haba Khong ame ha kâu, ka habe, U at ae monu, adre me he ka hom hanom hnyi lit ang; ke hobi kö ia bi ju ta je ûnyi u je penapena?

Luka 24:25

Me e ame ha ködru, ka habe, Öbu li monu, me bec li hnyekubu he ka kap hia je hna ha hnen ta je perofeta!

I. Korinito 15:36

At monu, ame ca he ka möt hnâm hna tä, e ka ca bobot bi:

Heberu 12:9

Ke wale minya eang, e hu köta ehac lakamen unyita, he ka nʼ öta, ke ate me ogânʼ ödra: hawa, ate me ca he ka löng hoton beönuainy Kamen ta je hanu, mʼ ate me möt?