Luka 11:4 - Iaai Bible 1901 (New Caledonia)

⁴ Thang ut ta je monu gahmun; anyin a ohmun e thang minya tavat adre me okongu ohmun. Ca hum ohmun ka hnyi ûcûbic.

Luka 11:4 ပူးပေါင်းရင်းမြစ်များ

Genese 48:16

waleji angela at ame omeli nya ûnyi hnyi ta je kong hia, e so e ame ohnahica li thöth; ke so adre ip hudru iök, me ien lakamök Aberahama, me Isaaka; ke so ödru me he ka ti si eang hmelen.

I. Je Than 8:34

awe, u na long ju hnyi drany, me hna hulö anyin lakem a Isaraela, me ohmetu ödrin ju ka hnyi hnyei u je ham ka lakamödrin.

I. Je Than 8:36

awe, u na long ju hnyi drany, me hna monu anyin lathnyabaem, me lakem a Isaraela, u ka he ka nʼ ödrin ge gethen ae so he ka vheno gadrin; me ham we ka hnyi hon em hnyei, waleji u je ham ka lakem me me idrin.

Salamo 121:7

Ame he Iehova ka tuö u hnyi ta je ûnyi hia ae kong; E ame he ka tuö hanom.

Salamo 25:11

Iehova lö, ûnyi hnyi iâm bi, Hna but anyik hulo, anyin ae gan hmâ e.

Salamo 25:18

Ûnykûme ju anyik hmak me anyik vec; Me thang degecâ but anyik ta je hulo hia.

Daniela 9:19

Than lö, löng ju; Than lö, thang degecâ but; Than lö, tevehlöng ju, me ânyâ; ca bec bi; ûnyi gam e Khonguk lö, anyin adre wenyö iâm hon taun me lakem.

Hosea 14:2

Hom dö je ifucibun ke hmeto ju kö Iehova, ha thö kâu, ka habe, Hom dö hulo hia, me kap ju ûnyi ae so: me ohmun e he ka ham je hudiny hnyi-möhmun.

Mataio 18:35

Ke ame he ka ânyâ helâe köbun hnen Kamök ethö hnyi drany, Öbun ka ca he hia ka ve thong keiny ûnyi hnyi je hnyekubun.

Mataio 26:41

Hmâkâ ju me hic, mʼ öbun e ca didro ka hnyi ûcûbic: anyin ame weny hnyok, ke sēnyin bi unyin.

Luka 11:5

Ke e ame ha ködrin, ka habe, Ia gabun ae hu hanen, ke ame he ka he kâu hnyi wanbenset me ha kâu, ka habe, Hanok lö, mē ham dö könya kun ta areto;

Luka 13:4

Ke hnyat minya a eitin ame kolu takû ödrin tap adre op hnyi Siloam, mʼ adre me mokcu, öbun e ûnykûme la, ae beönua anyidrin monu hon tavat hia adre me laba hnyi Jerusalema?

Luka 22:46

haingen ame ha ködrin, ka habe, Ieû gabun öbun e mokut? todrʼ öbun me hic, wâ öbun nye didro ka hnyi ûcûbic.

Luka 8:13

Haba keihen hon dok ae hudei, me wale tavat adre me long me kap hofuc me senyin; ke ba wân gadra, ke ca beû bi anyidra labageju ke adre me ta ju hnyi ûen ûcûbic.

Ioane 17:15

Oge me ca sumatö u a u me he ka hum ödrin ûnyi eang hmeledrany, ke so bi he ka tuʼ ödrin hnyi hulö.

I. Korinito 10:13

Ame ca o bi köbun ke ûcûbic, waleji ae ca ûcû ka at: ke e hnathu Khong, at ame ca he ka hnʼ öbun ka hnyi ûcûbic hon hnobun hna khana; ke so bi e ame he ka bi deny kec ûheny hnyi ûcûbic, me me khanʼ öbun he ka hokhnyokâ.

Kolose 3:13

ûhokhnyokâköuâ, me ûhnaköuâ a ne hu veciny ke at ge ke at; haba Keriso ame hnʼ öbun, me so öbun ânyâ helâe:

II. Thesalonika. 3:3

Ke e hnathu Than, at ame otethmʼ öbun, me tuʼ öbun ge hulo.

II. Timoteo 4:18

Ke ame he Than ka omeli nya ûnyi hnyi ta je huliwa hia thithö ae kong, ke e ame he ka omeli nya ke ne o but ka hnyi dokhon dokhu ethö hnyi drany: e so adre me ogânâ e nyiele nyiele balua. Amen.

Iakobo 2:13

Anyin a haba at ame ca betenge, me adre me ca he bi ka betenge gan hnyi hna ûhnei: anyin ame hobeluâ ibetengiö hnyi ûhnei.

Hna Omanenâ 2:10

U ma ca outen ta je ûnyi ame he ka oveci u: wâ bi, ame he diabolo ka khûâ keihen gabun ka hnyi uma ceat, mʼ adre me he ka cubic öbun: ke ame he ka libenyita je bonginy vec a öbun. U ma hnathu ju ke ne o but ka hnyi mok, me oge me he ka ham köu koronainy möt.

Hna Omanenâ 3:10

U je tuö hofucin hnok hna hok hnyok, anyin a wale, oge me he bi nya ka tuö u hnyi ûen ûcûbic, wale ame he ka o ka hnyi hmeledrany hia thithö, he ka cubec tavat adre me laba eang hmeledrany.