Luka 11:36 - Iaai Bible 1901 (New Caledonia)

³⁶ Anyin a wale, a ne tha melam unyâm, ke a ne ba ke dok ae lit, awe, ame he ka tha melam hia thithö, helâ me lamepa aö umumelam hmonyin ame omelami u.

Luka 11:36 ပူးပေါင်းရင်းမြစ်များ

Ta je Vejec 1:5

Me me long hnen at ae metâ, me bi hanen anyin metâ; Me me he at wâhmakhmeto ka hu metâ hnân ûhnenamö:

Ta je Vejec 20:27

Lamepa anyi Iehova, me hanon at, Ame elâm ta je ke keihen hnyok hia.

Ta je Vejec 6:23

Anyin a haba hna hûna, me wale lamepa; ke haba hnanyibu, me wale melam; Ke haba hna nâ me me metâ, me wale gethen deny möt:

Isaia 42:16

Ke oge me he ka hom ta je wadröu hnyi gethen ae ca khanʼ ödra; me su ödra hnyi je gethen ae ca khanʼ ödra: ke oge me he ka wia menekholom hnân lany bi hnyi hnyimakodra, ke owisa je dok ae hwahwali. Wale ta je ûnyi oge me he ka ânyâ hobi kodra, ke oge me ca he bi ka hnʼ ödra.

Isaia 8:20

Kec do ka hnyi hnanyibu me hna ohnatho! adre me ne ca fuc hoton hwan hofuc eling me ame he ka ba hnyomakatu hobi kodra.

Hosea 6:3

Ke so ate me wâhmakhmeto, e so ate me he hoton he ka ö Iehova; e hmâ bi hnen hna he, helâ me hnyomakatu; ke e ame he ka o köta helâ me we, helâ me we a biliny ame hû kânâ.

Mataio 13:52

Me e ame ha ködrin, ka habe, Anyin a wale, haba tavat sihnalimen hia waleji adre nâ ka hnyi dokhon drany, me helâ me at ae tren uma ame eang ta je ûnyi ae teb ûnyi me ta je ûnyi ae kueny jut ûnyi hnyi tang omjehen.

Mataio 5:15

Ke adre me ca vâc lamepa he ka ip hmelen kumete, ke so bi ethö hon taben; me ame omelamâ tavat hia eiö hnyin uma.

Luka 11:35

Anyin a wale wâ wia ju wâ e nye lidrut melam eû hnyi hnyekom.

Luka 11:37

Ke e ame tiga fuc me ame hawâ e hnen ke Faresaio he ka tha han mē: me e ame didro, me laba ju.

II. Korinito 4:6

Anyin a Khong, waleji at ame ha, ka habe, Ame he ka umumelam but melam ûnyi hnyi lit, waleji ame öumumelamâ je hnyekuta, me me melam but he ka wâhmakhmetoâ hmanenang anyin Khong hnyi hnyimakö Iesu Keriso.

Efeso 4:14

mʼ ate me ca ta je wanakat hmetu bi, adre me oûang dö me hom monoâ hnen je ang hia, wale je hna ûne, me bihihwakecin anyin tavat, me iyawo, hoton je hna ûnykûme he ka omono;

Kolose 3:16

E so e he hofuc hwan Keriso ka laba hmâ hnyi je hnyekubun me metâ hia; ûnöbunköu öbun ju ge ta je salamo, me ta je khumöng, me ta je fehuâ ûnyi hnyi hanu, khumöng dö ka Than me ibetengiö eû hnyi je hnyekubun.

Heberu 5:14

Haba jeû, me hobi kâu tavat ae gan, wale tavat a ödra khenen huliwan hnyok he ka wâ cicöâ so me kong.

Iakobo 1:25

Ke haba at ame selâdrâ hnyi hnanyibu ae wisa waleji ame hnʼ öta, me tet hmâ hnyin, ca at ame löng me hnying bi, ke at bi ame ânyâ me huliwa, ame he ka hnahic at ang hnyi anyin huliwa.

II. Peteru 3:18

Ke hûhûö thʼ öbun hnyi ibetengiö baû me wâhmakhmetoâ Tuhöta At ûhomeli, a Iesu Keriso. E unyin hmanenang walang ang me nyiele balua. Amen.