Luka 11:34 - Iaai Bible 1901 (New Caledonia)

³⁴ Haba emâkâm, me lamepainy unyâm: e ka so emâkâm, me ame he ka tha melam hia unyâm; ke e ka kong, me ame he ka tha menekholom unyâm.

Luka 11:34 ပူးပေါင်းရင်းမြစ်များ

Genese 19:11

Ke ödru me owadruâ but tavat hnyi hwanumen uma, tavat ae ûhnyûkong me tavat ae gan: ke adre me hûkötö but khaûteta hwanuma.

Salamo 119:18

Obwela but li emakök, me inye be ka wâ Ta je ûnyi hnân lâiâ ûnyi hnyi ânyâm hnanyibu.

Salamo 81:12

Me oge me hnʼ ödra but ka hnyi ikikiny ta je hnyekudra bi, Mʼ adre me he ka vheno bala bi ta je unykûmenödra.

Ta je Vejec 21:4

Haba begörany ke hnyok bi gan, Wale lamepa anyin tavat ae monu, me hwakecin ling ae kong.

Ta je Vejec 28:22

Haba at ae khot hnyimakan me ame ie hnu hoton omjeû, Ke ca khana a gʼ ame he ka o kâu theduoc.

Isaia 29:10

Anyin a hia but Iehova hingâlâ hubun hanuiny mokut hnying, me ömûki öbun, wale ta je perofeta; ke ame tube je böbun, wale tavat wâ.

Isaia 42:19

Ie wadröu, wale athnyabaik? me ie wejiji helâ me anyik ûthumetu oge me kunâ? ie wadröu helâ ma at ame ûsoköu mönya? ke wadröu helâ me athnyabai Iehova?

Isaia 44:18

E ca khanʼ ödra, ke adre me ca wâ ûnykûme: anyin a e ame omûko je emaködra, mʼ adre me ca bwela bi; me je hnyekudra mʼ adre me ca wâhmakhmeto.

Isaia 5:20

Ekölö gadra adre me ha ûnyi ae kong, me so; ke haba so, me kong; me ip menekholom hnyi hnen lany, ke lany hnyi hnen menekholom; me ip hiny hnyi hnen hnebwia, ke hnebwia hnyi hnen hiny!

Isaia 6:10

Opipikhenya ju hnyekon tavat eang, ke owejijö but ta je hnyikönyödra, ke omûko but ta je emakö-dra; wâ adre nye wâ ge ta je emaködra, me long ge ta je hnyikönyödra, me khana ge je hnyekudra, me hwio hmetu bi, me metu but.

Jeremia 5:21

Long ju hofuc walang ang tavat ae monu me ba hnyekudra: tavat ae hu li ecmak, kʼ adre me ca wâ bi; e hu li hnyiköny kʼ adre me ca long bi:

Mareko 4:12

mʼ adre me he ka wâ, a wâ thibi, kʼ adre me ca wâ ûnykûme bi; ke long, a long thibi, ke ca wâhmakhmeto bi; wâ adre nye hwio thö, mʼ adre me he ka thang degecâ but anyidra ta je hulö.

Mareko 7:22

me venöu, me ûhlingö, me venâu âiân ke at, me benyekon, me hwakecin ae kong, me iyawö, me hwakecin ae ikiki, me ihuhnyinköu, me hwege hnyem, me hop, me hwen monu:

Mareko 8:18

E hu li emaköbun, kʼ öbun e ca wâ bi? ke hu li hnyikönyöbun, kʼ öbun e ca long bi? ke öbun e ca ûnykûme bi?

Luka 11:35

Anyin a wale wâ wia ju wâ e nye lidrut melam eû hnyi hnyekom.

Ta je huliwa 13:11

Ke wâ bi, walang ang e but hom hnyamen Than, me u me he ka wadröu, kʼ u me ca he hmetu ka wâ seûno ke ne o but hnyi ke ûen. Me ame ie o but kâu hadedak helâ me lit; me e ame he monumonu kʼ ame khaûtetâ at he ka lelo e.

Ta je huliwa 2:46

Ke adre me laba bala me hnyok a khaca hnyin uma kap hnyi je bong, me susubâ areto hnyi ke uma me ke uma, me an ö ʼdra jeû me senyin me hnyok a khaca,

Ta je huliwa 26:18

me u me he ka obwela ta je emaködra mʼ adre me hwio ûnyi hnyi lit ka hnyi melam, me ûnyi hnyi musi anyi Satana ka Khong, mʼ adre me be ka hna degecâ but anyidra hulo, me tha hu jekhoû mödra adre okabâ hnen labageju könya.

II. Korinito 1:12

Anyin a walang anyihmun sēnyin, a gʼ ame ohnathoâ hnen ûnykûmenöhmun ae hnyi hwakecin ae wisa me hnathu ûnyi ge Khong, ke ca ûnyi bi hnyi metâiny unyin ke ûnyi hnyi ibetengiö baû anyin Khong, öhmun e ânyâ hwakecihmun eang hmeleʼ drany, ke ti gan hmâ bi köbun.

II. Korinito 11:3

Ke inya oge me ot, wâ e nye okongoâ je hnyekubun ûnyi hnyi hwakecin ae wisa me kalaöt unyi Keriso, helâ me hna iyawo Eva ge on hnen anyin tang iyawo.

II. Korinito 4:4

wale tavat ame owadruâ je oûnykûmenödra bi, ke adre me ca labageju bi, ûnyi ge khongon hmeledrany eang, wâ e nye melam! kodra melaminy ûthumetu ae so ae hmanenang anyin Keriso, wale ae we Khong.

Efeso 1:17

me me he Khongon Tuhöta Iesu Keriso, Kamen ae hmanenang, ka ham köbun hanuiny metâ me hna omanenâ, mʼ öbun e he ka wâhmakhmeto e:

Efeso 6:5

Haba öbun je athnyaba, long ju hoton tavat adre me musi öbun hnyi unyin, ge ot me öbubuny hnyi hnyekubun ae hnathu, helâ me ka Keriso;

Kolose 3:22

Lathnyaba lö, löng ju hoton tavat a je latuhöbun hnyi unyin; ca huliwa bi wânen at, helâ me tavat adre me osenyinâ at, ke so bi hnyi hnyok ae hnathu, me outen Than: