Luka 11:26 - Iaai Bible 1901 (New Caledonia)

²⁶ Me e ame he but me bi hanen ge ta je hanu ae kong hon e a seven; ke ödrin e didro me laba eling: ke haba obiny ka at eling ame he ka kong hon a bân.

Luka 11:26 ပူးပေါင်းရင်းမြစ်များ

Zefania 1:6

ke tavat adre me hmetu unyi Iehova; ke tavat adre me ca elöm Iehova, me ca hnö e.

Mataio 12:45

Me e ame he but me tha hom mē je hanu a seven ae beönua anyidrin monu hon e, ke ödrin e didro me laba eling: ke haba obiny ka at eling, ame he ka kong hon a bân. Ke ame he ka helâe minya ka dö ang ae kong.

Mataio 23:15

Ekölö gabun hnyat sihnalimen me ta je Faresaio, hnyat thoi hnyok! anyin öbun e vheno köiö me hnyei he ka heleû hanöbun a khaca, ke e ka wia e, öbun e ânyâ e me me nokon gena a ibi olo nuainy hubun.

Luka 11:25

Ke e ame o but, me ame wâ adre hia but aba wia me ave.

Luka 11:27

Ke e ame tiga ha ta je hofuc ang, me ame fuc hwege ke momo unyin tavat ae se hia me ha kâu, ka habe, Hnahic hnen hnyok adre hnöku u hnyin, me li bai u je ijem.

Ioane 5:14

Ke hwaban e Iesu ame wâ e hnyi uma kap, me haingen kâu, ka habe, Wâ bi, adre hia but omeli u, ca mâdrâ hmeto hulö, wâ e nye o but monu ae gan hmâ köu.

I. Ioane 5:16

A ne ke at ame wâ liamekeiny më ame ânyâ hulo adre me ca mekiny, me e ame he ka sumâtâ, ke Khong ame he! ka ham kâu möt hobi kâu at ame ânyâ hulo a ca hnân mekiny. E hu hulo hnân mekiny: oge me ca ha a e ame he ka khöûâ e.