Luka 11:22 - Iaai Bible 1901 (New Caledonia)

²² ke e ka o at ae hwege hon e, me ngâ e, me e ame he ka hûgûnâ gan anyin ûnyi hnân vat, waleji e ame labageju kâu, me khenâ anyin ta je ûnyi.

Luka 11:22 ပူးပေါင်းရင်းမြစ်များ

Genese 3:15

ke oge me he ka oiwahnaihmiönyi u me momo, me mâtrânâm me mâtrâniny momo: e ame he ka kot bâm, ke u me he ka kot ohmâiny can.

Esodo 15:9

Haingen iwahnaihmiony, ka habe, Oge me he ka hnu, oge me he ka homtilâ, oge me he ka khenâ hna hûgûnâ: Oge me he ka sekuk ûnyi gadra; Oge me he ka oc anyik hele vat, ame he hnyamok ka ohiʼ odra.

Isaia 27:1

HNYI bong eling ame he Iehova ka bi hwaban ge anyin hele vat ae nâk me gan hmâ me hwege kö leviathana, on ame kec logot, me leviathana on ame hwahwali; ke ame he ka hlingâ tanimo wale hnyi köiö.

Isaia 53:12

Anyin a wale, oge me he ka khene jekhon me tavat ae beönua, ke e ame he ka tha khenâ je hna söh me tavat ae hwege: anyin a e ame hingâlâ anyin möt ka mok, ke adre me tha lelö e me tavat hanyâûâ: ke so bi e ame vadren hulo anyin tavat ae se hia, kʼ ame khöûâ tavat hanyâûâ.

Luka 11:21

A ne tot metâ at ae hwege he ka tuö umen uma, ame he ka mokut wia anyin ta je ûnyi:

Luka 11:23

Haba at ame ca tha hien mönya, me, iwahnaihmiony mönya; ke haba at ame ca tha ûkhöûnâ mönya, me ame vese but.

Efeso 6:11

Khavâ ju öbun ûkhaûen vat anyin Khong, me me khanʼ öbun he ka tot metâ ka ta je bihihwakecin anyin diabolo.

Efeso 6:13

Anyin a wale hom dʼ öbun je omjehen hia vat ûnyi ge Khong me me khanʼ öbun he ka tethmâ hnyi bonginy monu, ke at ka ânyâ ta je ûnyi hia thithö, tethmâ ju öbun.

Kolose 2:15

ke e ame ka uny degecâ ta je musi me ta je man, e ame omanenʼ ödra bi hnyi dok ae manen, ke ame dokhu hudrin hnyin e.

I. Ioane 3:8

ûnyi ge diabolo at ame ânyâ hulo; anyin ame ânyâ hulo diabolo ûnyi hnyi can. Kʼ a manen dut Nokon Khong, me me he ka ohia ta je huliwa anyin diabolo.

I. Ioane 4:4

Je wanakat lö, ûnyi ge Khong öbun, ke öbun hwege hudrin: anyin ae beönua at eû hnyi je hnyekubun, hon at eû hnyi hmeledrany.