Luka 11:13 - Iaai Bible 1901 (New Caledonia)

¹³ Anyin a wale, a ne mabun tavat ae monu he ka wâhmakhmetoâ hna he ka ham ta je ûnyi ae so ka lakubun, awe, ame ca he bi Kamöbun ethö hnyi drany ka ham Hanu Kap ka tavat adre me sumâtâ e?

Luka 11:13 ပူးပေါင်းရင်းမြစ်များ

Genese 8:21

Ke Iehova ame löng bunen ae bo; ke haingö Iehova eû hnyi hnyekon, ka habe, Oge me ca he hmetu ka hangâ kânâ can at, anyin ae kong weny hnyekon at hwân ke tiga wanakat; ke oge me ca he hmetu ka hhngâ ta je ûnyi hia ae möt, helâji me hnök hna ânyâ.

Salamo 51:5

Wâ bi, adre me hnöku nya hnyi monu; Ke a erkin mönya bai hnyi hulo.

Ta je Vejec 1:23

Hwio thʼ öbun ge hnok hna ûne: Wâ bi, oge me he ka hingâlâ köbun hanuk, Oge me he ka omanenâ köbun hok ta je hofuc.

Isaia 49:15

Hawa, ame he mono ka hnying nokon ame asen, me me ca he ka betenge ge onyen hnyekon? eke, e khanʼ ödra he ka hnying, ke so bi oge me ca he ka hnying u.

Ezekiela 36:27

Ke oge me he ka ip hanuk eû hnyibun, me wi öbun he ka vheno anyik je hnanyibu, mʼ öbun e he ka tuö hnok je hna owisa, me ânyâ.

Joela 2:28

Ke hwaban e, oge me he ka hingâlâ hanuk hon tavat hia thithö; ke ame he lakubun obaga me wahlu ka perofeta, ame he wahingatibun ka bwo je bwi, ame he wahidröu unyibun ka wâ je hna omanenâ:

Mataio 5:16

Helâ ju e öbun, omelamâ thö melamibun hnyi hnyimakan tavat, mʼ adre me wâ anyibun ta je huliwa ae so, mʼ adre me he ka ogânâ Kamöbun ethö hnyi drany.

Mataio 5:45

mʼ öbun e he bi ka lakon Kamöbun ethö hnyi drany: anyin a e ame oâ anyin seûno hon tavat ae kong me tavat ae so, kʼ ame kunâ we ka tavat ae wisa me tavat ae ca wisa bi.

Mataio 6:14

Anyin a öbun e ne thang ut ge tavat hnödra je hna hanyâûâ me ame he Kamöbun ethö hnyi drany ka thang hnobun hna hanyâûâ.

Mataio 6:30

Ke a ne khavâ Khong hnyot helâe a e hnyi bong ang, ke nyi adre me he ka khûâ but ka hnyi wahnainyâ, hawa, e ca ûnyi hnathu kâu he ka khaûʼ öbun, öbun hnyat a labageju ûhnyûkong?

Mataio 6:32

Anyin ame elâm hnen Aten ke je hnyei ta je ûnyi e; ke e khana Kamöbun ethö hnyi drany ae ûcû köbun ta je ûnyi e.

Mataio 7:11

Anyin a wale, a ne mabun, öbun tavat ae monu, he ka wâhmakhmeto hna he ka ham ta je ûnyi ae so ka lakubun, awe, ame ca ti he bi Kamöbun ethö hnyi drany ka ham ta je ûnyi ae so ka tavat adre me sumâtâ e.

Luka 11:12

Ke ame ne sumâtâ wakuniny khoto, me ame he ka ham bi kâu sekopio?

Luka 11:2

Me e ame ha ködrin, ka habe, Öbun ka he ka hic, me ha thö, ka habe, Cica lö, E so e ka kap iâm. E so e o but dokhom dokhu.

Luka 18:7

Ke hawa, ame ca he Khong ka owisa ka tavat e ame ûca, a tavât adre me hongot kâu hnyi lany me lit, ke e ame hok hnyoki ödra beû hmâ ju?

Ioane 4:10

Haba Iesu ame thu me ha ka momo, ka habe, A ne manen köu bwihlany anyin Khong, me at ame ha köu, Habelik; me u je he ka sumâtâ gan, me e ame he ka ham köu köien möt.

Ta je huliwa 2:38

Haingö Peteru kodra, ka habe, Ietra ju, mʼ adre me ve bapataisoi öbun hnyi iö Iesu Keriso, mʼ adre me thang degecâ but anyibun ta je hulo; me öbun e he bi ka kap bwihlany a Hanu Kap.

Roma 5:17

Anyin a ne ûnyi ge monu anyin at a khaca, ame dokhu mok ûnyi ge at a khaca; awe, e nua bi hnödra hna he ka dokhu hnyi möt ûnyi ge at a khaca, a Iesu Keriso, wale tavat ae hu gan hmâ kodra ibetengiö baû, me bwihlanyiny hwakecin ae wisa.

Roma 7:18

Anyin ae khanö nya ae ba ke unyi ae so ame laba eû hnyi hnyik, wale hnyi unyik: anyin ae hu gak wek, ke ba manik man he ka ânyâ so.

Roma 8:32

Hawa, ame ca he ka ham bâûâ köta ta je unyi hia, hnen at ame ca behânâ Nokon, kʼ ame hna but e hobi köta hia?

Tito 3:3

Anyin a öta ta je monu ehac, me tavat ca ûling, me tavat adre iyawâ, me bi athnyabainy ta je weny ae kong, me ta je ûnyi hnân osenyinâ unyin a ve bongon bi, ate me laba hnyi hnyok ae kong me ihunyinköu, tavat hnân ikikiâ, me tavat adre me ûikikiköu.