Luka 10:9 - Iaai Bible 1901 (New Caledonia)

⁹ ke omelö tavat eling ae hu mok gadra, ke ha kodra, ka habe, E hakekeny jut köbun dokhu dokhon Khong.

Luka 10:9 ပူးပေါင်းရင်းမြစ်များ

Daniela 2:44

Ke haba hnyi je bong bongon je than eling, me ame he Khongon drany ka oâ ke dokhu a gʼ adre me ca he ka ohia nyiele balua, ke adre me ca he ka hna dokhu eling ka ke hnyei; ke e ame he ka kot omomono me ohia ta je dokhu hia eling, ke e ame he ka tethmâ nyiele balua.

Mataio 3:2

haingen ka habe, Ietra ju öbun; anyin ae hakekeny jut dokhon drany

Mataio 4:17

Hwân hnyi ûen e, Iesu ame hwân he ka khetâ me ha, ka habe, Ietra ju öbun; anyin ae hakekeny jut dokhon drany.

Mareko 4:30

Ke e ame ha, ka habe, Ate me he ka oûco dokhu dokhon Khong me ieû? Ke ewa ûhöûcû ate me he ka oûco mē?

Mareko 6:13

Ke se hia ta je demoni ödrin e obâ, ke se hia tavat a ödra tren mok, ödrin e hû ge wakaco, me omeli ödra.

Luka 10:10

Ke haba taun öbun e he ka o ka hnyin, ke adre me ca köp öbun, me he thʼ öbun ka hnyi getheniny me ha, ka habe,

Luka 10:11

Haba kânâiny anyibun taun wale ame kece ka hnyi je hnyeûcahmun, me ohmun e kot ut köbun: ke so bi, khanʼ öbun dö ûnyi ang, ae hakekeny jut dokhu dokhon Khong.

Luka 9:2

Me e ame kunʼ ödrin he ka khetâ dokhu dokhon Khong, me he ka omelö tavat ae hu mok gadra.

Ioane 3:3

Iesu ame thu me ha kâu, ka habe, E hnathu, e hnathu, inya oge me ha köu, Adre ne ca hnokoâ hmetu hi at, e ca khana he ka wâ dokhu dokhon Khong.

Ioane 3:5

Ke haingö Iesu, ka habe, E hnathu, e hnathu inya oge me ha köu, Adre ne ca hnokoâ bi at hnyi köiö me Hanu, e ca khana he ka didrö ka hnyi dökhu dokhon Khong.

Ta je huliwa 28:28

Anyin a wale, wâhmakhmeto ju Öbun, a gʼ adre hia but kunâ ûhomeli eang anyin Khong ka Aten ta je hnyei: me adre me he minya ka long.

Ta je huliwa 28:31

kʼ ame khetâ dokhu dokhon Khong, me ûnö ta je ûnyi ga Iesu Keriso hnen tang hwege, ke ba at ame thawâ.