Luka 10:7 - Iaai Bible 1901 (New Caledonia)

⁷ Laba ju hnyi uma eling, ke han me ijem ta je ûnyi ödrin e ham: anyin a haba at huliwa me ûcû me hwaban. Ca dit ûnyi hnyi ke uma me dit ka hnyi ke uma.

Luka 10:7 ပူးပေါင်းရင်းမြစ်များ

Numera 18:31

Ke öbun e he ka han e hnyi ta je dok hia, a öbun me anyibun je lap: anyin a wale me hnân bi hwaban anyibun huliwa hnyi uma ûkhacaköu.

Mareko 6:10

Haingen ame ha ködrin, ka habe, Haba uma öbun e he ka dit ka hnyin, laba ju e ke ne o but öbun e hmetu but ûheny e.

Luka 10:6

Ke a ne e bi ling at ame he ka hnahic, me ame he ka o kâu hnahic ûnyi gabun: ke a ne ba, me ame he ka hmetu köbun.

Luka 9:4

Ke haba uma öbun e he ka dit ka hnyin, laba ju e ke ne o but öbun e he but.

Ta je huliwa 16:15

Ke adre hia but bapataisoâ e me anyin lap, me e ame hawʼ ohmun, ka habe, Öbun ka ûnykûme a inya oge me labageju ka Than, me ai öbun ka hnyi umök uma, ka laba. Me e ame thawʼ ohmun.

Ta je huliwa 16:34

Me e ame su ödru ka hnyi umen uma, me ip jeû hnyi hnyimakodra, ke haba e me anyin lap hia ödrin e senyin me labageju ka Kkong.

Ta je huliwa 16:40

Me ödru me didrut ûhedru hnyi hnyin uma ceat, me didro ka hnyi uma umo Lidia: ke ödre hia but iouny me je liamekeiny, me ödru me sihwegi ödra, me ödru me he but.

Galatia 6:6

Ke hamen at adre nâ hnyi hofuc he ka ham ta je ûnyi ae so ka at ame nâ.

Deuteronomi 12:12

ke öbun e he ka senyin hnyi hnyimakö Iehova Khongubun, öbun, me lakubun obaga, me lakubun wahlu, me lathnyabaibun obaga me omomo, me at Levi hnyi anyibun je lap, anyin ae ba hwajekhon, ke ba iny bi unyibun.

Deuteronomi 18:8

Kʼ ödrin e he ka hu jekhon ae ûcû unyin keihen, ke ca ha bi hna ûco hobi ködrin je ûnyi hnyi iny lakamen.

I. Timoteo 5:13

Ke haba khaca adre me nâ he ka höcö huliwa, me he monu ka hnyi ta je uma, he ca hake höcö thibi huliwa, ke adre me ûsabû baû minya, me hngele ka wâ huliwa anyin keihen, me ha ta je hofuc ae ca ûcû ködra.

II. Timoteo 2:6

Haba at ame belok me hamen he ka bân ka hom je wan.