Luka 10:42 - Iaai Bible 1901 (New Caledonia)

⁴² khaca thibi ûnyi ae ûnyi hnathu: ke haba Maria ame hia but ûca ke keihen ae so, wale a gʼ adre me ca he ka hom hmetu gan.

Luka 10:42 ပူးပေါင်းရင်းမြစ်များ

Salamo 119:111

Oge hia but hom hnâm ta je hna ohnathoâ hnân jekhöûk nyiele balua; Anyin ame osenyinâ hnyekuk.

Salamo 119:173

E so e penapena hnyamâm ka hadruo nya; Anyin oge hia but ûca ânyâm ta je hnanyibu.

Salamo 119:30

Oge hia but ûca gethen deny hnathu: Oge hia but ip hnyi hnyimakök hnâm ta je hna owisa.

Salamo 142:5

Iehova lö, oge me tenge köu; Haingök, ka habe, U thibi hnyeutök, Me jekhöûk hnyi hnyei iny tavat ae möt.

Salamo 17:15

Ke haba inya oge me he ka wâ hnyimâkâm hnyi hwakecin ae wisa: Ame he ka sekuk, iny ka hmak dö a tha helâ möu.

Salamo 27:4

Khaca thibi ûnyi oge hia but sumâtâ ga Iehova, kʼ oge me he bala ka elâm e; A oge me he bala ka laba hnyin uma umo Iehova hnyi je bongon hia anyik möt, He ka wâ hmanenangi Iehova, me hnö hnyi umen uma ae kap,

Salamo 73:25

Anyin a ca hobi könya hnyi drany ethö? Ke ba wek ge at eang hmelen ke hake u ke.

At Khet 12:13

Walang obiny ûnyi e; adre hia but long hia: outen ju Khong ke vheno anyin ta je hnanyibu; anyin a wale hanymen ae bekhot ge tavat hia.

Mareko 8:36

Anyin a ieû troban ka at ame ne hom hmeledrany hia me me anyin bi, kʼ ame he bi ka hna but anyin möt?

Luka 10:39

E hu keiny jia Maria, ke e ame laba hnyi hmele li ca Iesu me long hwan hofuc.

Luka 11:1

KE e ame hic hnyi ke dok, kʼ ame um dö, me ame ha kâu ke laten, ka habe, Than lö, ö u nʼ ohmun dö he ka hic, helâji me hnö Ioane hna nâ laten.

Luka 12:20

Ke haba Khong ame ha kâu, ka habe, U at ae monu, adre me he ka hom hanom hnyi lit ang; ke hobi kö ia bi ju ta je ûnyi u je penapena?

Luka 12:33

Ûco thö anyibun ta je ûnyi me ham hnân ibetengiö; ânyâ ju je tang mone ae nâk hobi köbun, wale tang omjeû hnyi drany ame ca ba balua bi, ame ca hakekenyâ at ae venöu, kʼ ame ca okongoâ minya bi hnen nokon walelaba.

Luka 16:2

Ke e ame hawâ me ha kâu, ka habe, Ieû e oge me long gam? ha thö bongon hnâm hna tuö; anyin a u me ca he hmetu bi ka tuö.

Luka 16:25

Ke haingö Aberahama, ka habe, Nokuk, ûnykûme ju a gʼ ame hu köu ânyâm ta je ûnyi ae so hnyi ânyâm möt, ke Lazaro thibiji ae kong anyin ta je ûnyi: ke walang ang e ame senyin, me u me vec biju.

Luka 18:22

Ke a long ut Iesu ûnyi e, me e ame ha kâu, ka habe, Khaca biju ûnyi ae hia gam: ûco thö ânyâm ta je ûnyi hia, me khenâ ka ta je theduoc, ke u me he ka hu tang omjeû hnyi drany: ke aiö u bi, me he hotuk.

Luka 8:18

Anyin a wale, wâ wia öbun ûhebun ka long: anyin a haba at ae hu gan, me adre me he ka ham ta je ûnyi kâu; ke haba at ae ba gan, me adre me he ka hom gan ûnyi e ame ûnykûme ae hu.

Ioane 11:1

E HU ke at ae mok, jia Lazaro at Bethania, hnyi taun anyi Maria me liamekeiny mē jia Maretha.

Ioane 11:19

ke se hia at Juda adre me he but kö Maretha me Maria he ka otubweli ödru anyina hanidru.

Ioane 12:3

Maria ame hom litara tang muro ae hing narado ae gan hwaban, me hneû kâu li ca Iesu, me köt li can ge leûnen ban: ke unöngötö uma ge bunen muro.

Ioane 17:3

Ke walang möt ame ca ba balua, a gʼ adre me he ka wâhmakhmetu u Khong hnathu a khaca thibi, me at u je kunâ, wale Iesu Keriso.

Ioane 4:14

ke haba at ame he ka ijem an oge me he ka ham, me ame ca he hmetu bi ka beic nyiele balua; ke haba köiö oge me he ka ham kâu me ame he ka eû hnyi hnyekon wale an ame pupua ka hnyi möt ame ca ba balua.

Ioane 5:24

E hnathu, e hnathu, inya oge me ha köbun, ka habe, Haba at ame long hok ta je hofuc, kʼ ame labageju ka at a kunö nya, me hu but gan möt ame ca ba balua, kʼ ame ca he bi ka hnaûhango, ke e ame he but ûheny hnyi mok ka hnyi möt.

Ioane 6:27

Ca huliwa bi hobi kâu jeû wale ûnyi ame he ka bobot, ke so bi jeû ae tet hmâ ke ne o but ka hnyi möt ame ca ba balua, wale ame he Nokon at ka ham köbun: anyin a wale at Kamen ame okeceâ haten hon, wale Khong.

I. Korinito 13:3

Ke oge ne khenâ anyik ta je ûnyi hnân hān tavat ae theduoc, ke oge ne ham unyik mʼ adre me he ka thong degecâ, ke ba gak ibetengiö, awe, e ba troban könya.

Galatia 5:6

Anyin ae ca ûnyi hnathu bi ka Keriso peritom, me ca peritom; ke so bi labageju, at ame huliwa hnyi ibetengiö.

Deuteronomi 30:19

Inya oge me hawâ drany me hmeledrany hnyi bong ang he ka ohnatho köbun, a oge hia but ip hnyi hnyimâkâm möt me mok, ke hnahic me hnaûhangö: anyin a wale ûca thö möt mʼ u me möt a u me je mâtrânâm:

Josua 24:15

Ke ame ne kong köbun he ka bi athnyabai Iehova, ûca thʼ öbun hnyi bong ang at öbun e he ka bi athnyabainy; ame ne je khong waleji a bi athnyabainy lakamöbun hoton Wagawe, ame ne je khong khongon at Amora, hnyi hnyei öbun e labā: ke haba inya me anyik lap, ohmun e he ka bi athnyabai Iehova.

Josua 24:22

Ke Josua ame ha ka tavat, ka habe, Öbun tavat ohnathu öbun bi, a öbun e ûco Iehova hobi köbun he ka bi athnyabainy. Me haingödra, ka habe, Öhmun tavat ohnatho.