Luka 10:30 - Iaai Bible 1901 (New Caledonia)

³⁰ Haba Iesu ame thu, ka habe, Ame he ke at Jeriko ai ûheny Jerusalema; me ame ûkhane me tavat venöu, ke adre me uny jut anyin je ûkhaû, me kot e, me hna ju e, a gʼ ame he but ka mok.

Luka 10:30 ပူးပေါင်းရင်းမြစ်များ

Salamo 88:4

Adre me tha öû nya me tavat adre me utut ka hnyi thop; Iny ûcû me at ae ba at hnân hadruâ e:

Jeremia 51:52

Anyin a wale, wâ bi, ame he ka o je bong, haingö Iehova, ke oge me he ka bi hwaban ka anyin je hnatheat; ke ame he tavat ae aat ka vec hnyi hnyeiny hia.

Je tenge anyi Jeremi 2:12

Adre me ha ka lahinyödra, ka habe, Ewa hwit me waina? Ödra ka ta mok helâ me at ae aat hnyi je getheniny taun, Me ödra ka hingâlâ je hanudrin hnyi ûlainy je lahinyödra.

Ezekiela 30:24

Ke oge me he ka ohwegiâ li hnyamen than Babulona, me ham anyik hele vat ka hnyi hnyamen: ke oge me he ka thu li benyi Farao, me e ame he ka mâng hnyi hnyimakan helâ me imânginy tavat adre me kot moko.

Luka 10:31

Me ame he hnyi gethen eling ke at bihut: ke e ame wâ e, me e ame saû thö ka he hnyi ke baten gethen.

Luka 18:31

E ame hom kâu hnyat a twelv me ha ködrin, ka habe, Wâ bi, otin e he ka he Jerusalema ai, ke ame he ka hwâdâ ka Nokon at ta je ûnyi hia a sihnalimen ta je perofeta.

Luka 19:28

Ke a hia but ha e, me e ame bân dut he ka he Jerusalema ai.