Luka 10:21 - Iaai Bible 1901 (New Caledonia)

²¹ Haba hnyi ûen eling e ame senyin hnyi Hanu Kap me ha, ka habe, Inya oge me ole köu Cica, Tuhan drany me hmeledrany, anyin a u je ikhâlâ ta je ûnyi eang ge tavat ae metâ ke tavat wâ bongon, me adre omanenâ ka ta je mendreng: eke, Cica, anyin a wale wem.

Luka 10:21 ပူးပေါင်းရင်းမြစ်များ

Salamo 24:1

ANYI Iehova hmeledrany me ta je ûnyi ae unöngötiny; Me ta ogo hnyei, me tavat adre me laba hnyin.

Salamo 25:14

Haba ûbnenamö duöng ûnyi ga Iehova me wale unyin tavat adre me outen e; Ke e ame he ka omanenâ kodra anyin ûhihinyköu.

Salamo 8:2

Ûnyi hnyi hnyimen ta je mendring me ta je inma u je otilâ tang hwege, Can ta je iwahnaihmiony möu, Mʼ u me he ka olaba wia iwahnaihmiony, me at ame bi hwaban hmetu.

Isaia 29:14

anyin a wale wâ bi, oge me he bala ka ânyâ ûnyi ae ke bongon bi ka tavat ang, a ûnyi hnân lâiâ me ûnyi a ûöman: ke ame he ka hia metâ anyin tavat ae metâ gadra, kʼ ame he ka iyong ûnykûmânen tavat wâ wia gadra.

Isaia 35:8

Ke ame he ka hu hna cit gethen eling, me ke gethen, kʼ adre me he bi ka hwenyi ien e, me, gethen ae kap; ame ca he ka vheno e ge tavat ae kong; ke ame he ka hobi kodra: ke haba tavat vheno gethen, kʼ ame ne tavat ae monu, me adre me ca he ka he monu hnyin.

Isaia 53:11

E ame he ka wâ ivecin hanon me sekunâ: kʼ ame he athnyabaik ae wisa ka owisa tavat ae se hia ge hnen hna wâhmakhmeto: ke e ame he ka vadren anyidra ta je hulo.

Isaia 62:5

Anyin a helâke hidröu ame hom hlu, helâe ame he je lakom ka faipoipo möu: ke ame he Khongom ka senyin köu, helâ me at ame hap faipoipo ame senyinâ âiân.

Isaia 66:1

WALANG hna ha hnö Iehova, ka habe, Anyik theron drany, ke taben li hnyeûcak hmeledrany: ieû bongon uma öbun e he ka op hobi könya? ke ewa dok oge me he ka menâ hnyin?

Zefania 3:17

E bi hnyi wanbâm Iehova Khongom, at ae hwege, kʼ ame he bi ka omelö: e ame he ka senyin köu ke hobâ, e ame he ka laba wia hnyi anyin betenge, e ame he ka senyin gam ge khumöng.

Mataio 16:17

Ke haba Iesu ame thu me ha kâu, ka habe, Hnâm hnahic Simona Bar-Jona: anyin a ca omanenâ bi köu hnen at, ke hnen bi Kamök ethö hnyi drany.

Mataio 21:16

me ha kâu, ka habe, Hawa, u je long hnödrin hna ha? Haingö Iesu ame ha kodra, ka habe, Eke: öbun e ca munyi aû, ka habe, Ûnyi hnyi hnyimen ta je wanakat me ta je mendreng u je obekhötâ bi hna haisoâ.

Mataio 3:7

Ke hnyi ûen e ame wâ ta je Faresaio me ta je Sadukaio ae se hia adre me o but ka hnyi anyin bapataiso, me e ame ha kodra, ka habe, Je lakon on lö, ia koû köbun mʼ öbun e he ka kec ge hmonyin ame he ka o?

Mareko 10:15

E hnathu inya oge me ha köbun, Haba at ame ca kap dokhu dokhon Khong helâ me wanakat, me e ame ca he ka dit ka hnyin.

Luka 15:5

Ke ame wâ ju, me e ame ip hon abenyin, kʼ ame senyin bi.

Luka 15:9

Ke e ka wâ, me e ame hawâ ûkhacaköuâ lahanen, me tavat adre me laba hakekenyâ, me ha, ka habe, Tha senyin dö mönya anyin oge me wâ ju anyik mone a hia.

Ioane 11:41

Me adre me hom but veto. Ke haba Iesu ame bwele thö görany ai me ha, ka habe, Cica lö, inya oge me ole köu anyin a u me ling nya.

II. Korinito 4:3

Ke adre me ne tubi anyihmun ûthumetu ae so, me adre me tube ka tavat adre me he bi ka mok:

Efeso 1:11

ke hu minya jekhöûta unyin, ke adre ip öta adrem helâ me weny, wale at ame huliwan ta je ûnyi hia hoton ûnykûmenen weny;

Efeso 1:5

ke e ame ip öta adrem hnân wiʼ öta me lakon a deny Iesu Keriso, hoton weny ae so,