Luka 10:18 - Iaai Bible 1901 (New Caledonia)

¹⁸ E ame ha ködrin, ka habe, Oge me ö Satana ame utut ûheny hnyi drany helâ me hucuce.

Luka 10:18 ပူးပေါင်းရင်းမြစ်များ

Isaia 14:12

Okhû lan lö, nokon hnyomakatu, ekölö ge hnâm hna ta ûnyi ethö hnyi drany! at ame ohnyikânâ ta je hnyei lö, ekölö ge hnödra hna si u hagutö u hnyikânâi.

Mataio 4:10

Ke haba Iesu ame ha kâu, ka habe, Satana lö, kec dö: anyin adre hia but sihnalimen, ka habe, U ma he ka khudrung ka Than a Khongom, me bi athnyabainy thibi.

Ioane 12:31

Adre me he walang ang ka owisa hmeledrany: ke adre me he walang ang ka obâ tuhan hmeledrany ang.

Ioane 16:11

ge hna owisa anyin adre hia but owisa tuhan eang hmeledrany.

Heberu 2:14

Ke haba lakon, me adre me khaûʼ ödra ge viny me dren, awe, helâe minya e ame munyi helâe; me me he ka ohia hnen mok at ae tren maniny mok, wale diabolo;

I. Ioane 3:8

ûnyi ge diabolo at ame ânyâ hulo; anyin ame ânyâ hulo diabolo ûnyi hnyi can. Kʼ a manen dut Nokon Khong, me me he ka ohia ta je huliwa anyin diabolo.

Hna Omanenâ 20:2

Ke e ame kât drakona, wale on ehac, a wale Diabolo me Satana, me ame ca e ke ne o but hnyi wan thauzan je huna,

Hna Omanenâ 9:1

KE ame tûâ thö trutru hnen angela a thabûnginy, me oge me wâ ke okhû ame kolu ûnyi hnyi drany ka hnyi hmeledrany: ke adre me ham kâu kiiny hmonop ae dit hmonyin;