Luka 10:16 - Iaai Bible 1901 (New Caledonia)

¹⁶ Haba at ama ling öbun e ame ling nya; ke haba at ama hûköti öbun, e ame hûkötiö nya; ke haba at ama hûkötiö nya, e ame hûkötiâ at a kunö nya.

Luka 10:16 ပူးပေါင်းရင်းမြစ်များ

Esodo 16:7

ke haba hnyi hnyomakatu öbun e he ka wâ soi Iehova; anyin a e ame löng hna etrö Iehova gabun: ke ie li at ohmu, mʼ öbun e he ka etrʼ ohmu?

Esodo 16:8

Ke haingö Mose, ka habe, Eâu sahac ame he Iehova ka ha öbun ge meno, me jeû hnyi hnyomakatu me me sekubun; anyin a löng ut Iehova hnöbun hna etra: ke ie li at ohmu? kʼ öbun e ca etrʼ ohmu, ke Iehova bi.

Malaki 1:6

Haba nokon, me ame ogânâ kamen, ke athnyaba ame ogânâ tuhan: awe, a ne kamen bi nya, me ewa hna oganö nya? ke oge ne than, me ewa eang hna outö nya? haingö Iehova tuhan sabaoth köbun tavat bihut, tavat öbun e hûkötiâ iök. Ke haingöbun, ka habe, Ohmun e hawa ka hûkötiâ iâm?

Numera 14:11

Ke Iehova ame ha kö Mose, ka habe, Ame he tavat eang ka hûkötiö nya ke ne o but kehö? adre me ca he ka labageju könya ke ne o but kehö, ge ta je ûöman hia waleji oge ânyâ unyidra?

Numera 14:2

Ke ame haiö Mose me Arona hnen lakon Isaraela hia: ke ame ha ködru hnen ûkhacaköu hia, ka habe, Ohmun na mokcu hnyi hnyei Aigupito! ke ohmun na mokcu hnyi hnyebuba eang!

Numera 16:11

Anyin a wale haba u me je lahiâm, öbun e tot kö Iehova: ke ie Arona mʼ öbun e ulidrö?

Mataio 10:40

Haba at ame köp öbun, me ame köp nya minya, ke haba at ame köp nya, me ame kap at a kunö nya.

Mataio 18:5

Ke haba at ame he ka kap wanakat helâng hnyi iök, me ame köp nya minya:

Mareko 9:37

Haba at ame he ka kap ke wanakat a helâng hnyi iök, me e ame kop nya: ke haba at ame kop nya, ame ca hake kop nya, ke at minya bi a kunö nya.

Luka 9:48

me ha ködrin, ka habe, Haba at ame he ka kap wanakat ang hnyi iök, me e ame kop nya: ke haba at ame he ka kop nya, ame kap at a kunö nya: anyin a haba at ae ûhnyûkong gabun hia thithö, wale at ae gan.

Ioane 12:44

Ame ha hwegiâ Iesu, ka habe, Haba at ame labageju könya, me ame ca labageju bi könya, ke kâu minya bi at a kunö nya.

Ioane 12:48

Haba at ame digic nya, kʼ ame ca kap bi hok hofuc, me hu bi at ame owisa kâu: haba hofuc, waleji oge me ha, me wale at ame he ka owisa kâu hnyi bong a obiny.

Ioane 13:20

E hnathu, e hnathu, inya oge me ha köbun, ka habe, Haba at ame kap at oge kunâ, me e ame köp nya minya; ke haba at ame köp nya, me e ame kap minya at a kunö nya.

Ta je huliwa 5:4

Hawa, ca ânyâm ehac kʼ ödra tiga ca ûco? ke hwaban hnâm hna ûco, hawa ca hamâm bala bi he ka muso? ieû gam u me ûnykûme ûnyi eang hnyi hnyekom? u me ca thoi ka at, ke ka Khong bi.

Galatia 4:14

ke haba ûcubic köbun waleji hnyi unyik, me öbun e ca hûkotiâ, me degec ut; ke öbun e kop nya helâke me angela anyin Khong, helâke me Keriso Iesu.

I. Thesalonika 4:8

Anyin a wale, haba at ame hota degecâ, me e ame ca hota degecâ at, ke Khong bi, wale at ame ham köbun Hanon ae Kap.