Luka 10:15 - Iaai Bible 1901 (New Caledonia)

¹⁵ Ke haba u Kaperenauma, hawa, adre me he ka ogoranyi u ka hnyi drany? adre me he ka ohnyikânâi u ka hnyi Hedis.

Luka 10:15 ပူးပေါင်းရင်းမြစ်များ

Genese 11:4

Ke adre me ha, ka habe, E so ate me otilâ ke taun, me tap ae beû hmâ bân hnyi dranyai, mʼ ate me ölungâ iöta; wâ adre nye ovesei ota hnyi hmeledrany hia.

Isaia 5:14

Anyin a wale a hia but hedis ogânâ weny bi, kʼ ame memang gan hmâ a ca hnân bi tuluto: me ame tha utut ka hnyin anyidra hmanenang, me hoûmonu, me tavat mede, me tavat hobâ.

Jeremia 51:53

Eja ke ne a ne ölö hnyi drany ai Babulona, ke eja ke ne a ne ohmâ je dok a göranyin ae hwege, ame he ka o kâu ûnyi gak tavat söh, haingö Iehova.

Ezekiela 26:20

hnyi ûen eling, oge me he ka ohnyikânâi u tha u me tavat adre me utut kâû ka hnyi thop, ka tavat kâû adrem, me ip u hnyi dok a hnyikânâiny hmeledrany, hnyi je dok ae ba aten ehac, tha u me tavat adre me utut ka hnyi thop, me me ca labö u hmetu hnen tavat; ke oge me he ka ip hmanenang hnyi hnyei iny tavat ae möt:

Ezekiela 31:18

U hmanenang ke gan helâ me ia unyin je ûöiny Edena? ke so bi adre me he ka tha hum u me ta je ûöiny Edena kâû ka hnyi kânâ: ke u me he ka mokut hnyi wanben tavat adre me ca peritomonâ, tha u me tavat adre me hlingâ ge hele vat. Wale Farao me anyin tavat hia ae se, haingen Than Iehova.

Ezekiela 32:18

Nokon at lö, tenge thö ge aten Aigupito ae se hia, ke hagutʼ ödra but, e, me wahliuny je hnyei ae lung kâû ka hnyi kânâ tha ödra me tavat adre me utut ka hnyi thop.

Ezekiela 32:20

Adre me he ka ta hnyi wanben tavat adre me hlingâ ge hele vat: adre hia but hna e ka hnyi hele vat: lelö e me aten ae se hia.

Ezekiela 32:27

Kʼ adre me ca he ka tha mokut me tavat ae hwege adre me ta, kʼ adre ca peritomon, a tavat adre me utut ka hnyi hedis tha ödra me anyidra ta je omjehen vat, kʼ adre me hûnâ anyidra je hele vat, ke wale hwakecidra ae kong hnyi hon je jei ödra; anyin a gʼ adre ot gadra hnen tavat hwege hnyi ûen adre me tiga möt.

Obadia 1:4

Eja ke ne u je ne ölö bi goranyai helâ me aeto, ke eja ke ne u je ne ip hâûâm unyin je okhû, oge me he bi nya ka ohnyikânâi u ûheny e, haingo Iehova.

Mataio 10:28

Ke ca ot bi ge tavat adre me hlingâ unyin, ke ca khanʼ ödra bi he ka hlingâ hanu: ke so he ka outen at ae khana he ka ohnaûhangoâ unyin me hanu hnyi gena.

Mataio 11:23

Ke haba u Kaperenauma, hawa, adre me he ka ogoranyi u ka hnyi drany? adre me he bi ka ohnyikönö u ka hnyi Hedis: anyin adre ne hia but ânyâ hnyi Sodoma ta je huliwa ae man adre me ânyâ unyâm, ame ne he ka tethmâ ke ne o but hnyi bong ang.

Mataio 4:13

ke e ame hna but Nazareta, me he ka laba hnyi Kaperenauma, hnyi hobat köiö, hnyi hnyigoulen Zebulona me Nafatali:

Luka 13:28

Adre me he ka tenge eling, me ûgiö ganyudra, wale öbun ka he ka ö Aberahama, me Isaaka, me Jekob, me ta je perofeta hia thithö hnyi dokhu dokhon Khong, ke adre me he bi ka obʼ öbun.

Luka 16:23

Ke e ame vec hnyi Hedis, me bwele goranyai, me ame ō Aberahama hnyi dok ae sâkâû, me Lazaro minya hyni ûlainy.

Deuteronomi 1:28

Ate me ölö ua? haba je liamekeiny möta ödrin e oköiâ je hnyekuta, haingödrin, ka habe, E gan hmâ tavat me beû huta; ke gan hmâ je taun adre up haginy ke ne o but ka hnyi drany; ke haba khaca ohmun e wâ eling je laku Anaka.

II. Peteru 2:4

Anyin ame ne ca betenge Khong ge ta je angela hnyi ûen adre me ânyâ hulo, ke e ame khû ödra ju hnyi gena, kʼ ame hnʼ ödra but ka hnyi je thop ao menekholom, he ka tuʼ ödra ke ne o but hnyi ûhnei;