Luka 1:8 - Iaai Bible 1901 (New Caledonia)

⁸ Ke e ame tiga vheno hanymen at bihut hnyi hnyimakan Khong hnyi hna khene hanymen kâu,

Luka 1:8 ပူးပေါင်းရင်းမြစ်များ

I. Man Ûlabainy Je Than. 24:19

Wale je ûtangköu hnyi je hanymodrin, he ka o ka hnyi uma umö Iehova, hoton hna hûna gadrin a deny Arona a kibidrin, helâ me Iehova, Khongu Isaraela ame hûna kâu.

I. Man Ûlabainy Je Than. 24:2

Ke a bö Nadaba me Abihu ka mokcu ke tiga möt bi kamödru, ke ba nökudru: anyin a wale Eleazara me Ithamara ödru me tuö hanymen at bihut.

II. Man Ûlabainy Je Than. 11:14

Anyin a haba at Levi ödrin e kec hota je hnyabadrin igigilo je taun, me je idrin, me he Juda ai me Jerusalema: anyin a Jeroboama me je lakon ödrin e obʼ ödrin ûnyi hnyi hanymödrin ga Jehova:

II. Man Ûlabainy Je Than. 31:19

me ka je mâtrâni Arona a tavat bihut, hnyi je utkânâiny je hnyaba igigilo je taun, hnyi je taun hia, me hu tavat adre me ha iödrin, he ka ham je jekhoû ka ta je baga hia a tavat bihut, me ka tavat adre hia but aû unyin at Levi.

II. Man Ûlabainy Je Than. 31:2

Ke haba Hezekia ame otilâ tavat bihut me at Levi hoton anyidrin je dö, hoton je ve hanymodrin, wale tavat bihut me at Levi, hobi kâu je hudiny leû, me je hudiny ole, he ka huliwa, me ole, me oganâ hnyi je homagouleny uma umö Iehova.

II. Man Ûlabainy Je Than. 8:14

Ke e ame hûna hoton hna otilâ ga Davita a kamen je deo hanymen tavat bihut, me at Levi ka je hanymödrin, he ka ogânâ, me huliwa hnyi hnyimakan tavat bi hut hoton huliwa hnyi ke bong me ke bong: me tavat tuö hwanuma hoton je dö hnyi je homagöule: anyin a hia but hûna helâe Davita aten Khong.

Ezera 6:18

Ke ödrin e otilâ tavat bihut ka hnyi je hanymodrin, me at Levi hnyi anyidrin je dö, hobi kâu huliwa anyin Khong, wale hnyi Jerusalema; hoton hna sihnalimen hnyi tusi anyi Mose.

Esodo 28:1

KE hom dö köu Arona a tuhâm me je lakon a tha odrin me, ûnyi hnyi lakon Isaraela, mʼ odrin e he ka huliwa könya hnyi je hanymen at bi hut; Arona, me Nadaba, me Abiu, me Eleazara, me Ithamara, a je laku Arona.

Esodo 28:41

Ke u me he ka okhaûö Arona tuhâm me je lakon unyin ge je ûkhaû; ke u me he ka hûʼ odrin, me otilʼ odrin, me okabi odrin, mʼödrin e hnyat bihut könya.

Esodo 29:1

KE walang ûnyi u me he ka ânyâ ködrin he ka okabi odrin hnân he ka huliwa könya hnyi hanymen at bihut: hom dö nak bolok a khaca me lo li mamoe baga ae ba hnyikongon,

Esodo 29:44

Ke oge me he ka okabâ uma ûkhacaköu, me taben hut, ke oge me he ka okabi Arona me lakon, mʼ odrin e hnyat bihut könya.

Esodo 29:9

Ke u me he ka oweikʼ ödrin ge wen hnyekon, wale Arona me je lakon, ke u me he ka obicʼ ödrin ge je hnabinybak; mʼ ödrin e he ka hnyat bihut, wale hanymodrin hnyi hnanyibu nyiele balua: ke u me he ka okabi Arona me je lakon.

Esodo 30:30

Ke u me he ka hû Arona me lakon, me okabi odrin, mʼ odrin e hnyat bihut könya.

Numera 18:7

Ke u ma he me lakom a tha ödrin mou ka tuö hanymen a hnöbun hna bi hut ta je ûnyi hia hnyi taben hut, me ta je ûnyi eiö hnyin singiny; ke! öbun e he ka huliwa: Inya oge me ham köbun hanymen at bihut helâ me huliwa adre ham: kʼ adre me he ka hlingâ atkanyua at ame hakekenyâ.

Luka 1:5

Haba hnyi je bong bongu Heroda a than Juda, me wale ke at bihut Zakaria ien, ûnyi hnyi dö anyi Abia: haba ien âiân me Elisabeth, a mâtrâni Arona.

Luka 1:7

Ke ba nökudru anyin ae toûnyi Elisabeth, ke ödre li hingat ut.