Luka 1:79 - Iaai Bible 1901 (New Caledonia)

⁷⁹ He ka omelamâ tavat adre me laba hnyi lit me hmenon mok; He ka su ta je cata ka hnyi gethen ae hnahic.

Luka 1:79 ပူးပေါင်းရင်းမြစ်များ

Jobu 10:22

A hnyei ae ti menekholom hmonyin, helâ me menekholom cici; A hnyei iny hmenon mok, ae ba hwe-nöniny, Kʼ ame helâ me menekholom bi lany.

Jobu 3:5

E so ame he lit me hanon mok ka hom e: E so he ka tube e ge ûlâ; Me ootâ e ge menekholom hnyi jebigö.

Salamo 107:10

Haba tavat adre me laba hnyi menekholom me hmenon mok, Wale adre me cʼ ödra hnen vec me fao;

Salamo 107:14

E ame hum ödra ûnyi hnyi menekholom me hmenon mok, Me thu je hna cʼ ödra.

Salamo 23:4

Eke, oge ne vheno hnyigöulen bucen a hmenon mok, Me oge me ca he ka outen ûnyi ae kong; anyin a tha u mönya: Kʼ ame okahwö nya ânyâm utömhu me cem uci.

Salamo 25:12

Ie at ame outö Iehova? Me e ame he ka nâ e ge gethen e ame he ka ûca.

Salamo 44:19

Ke so bi u je hia but kuc öhmun hnyi hnen je tanimo, Me tubi öhmun ge hmenon mok.

Ta je Vejec 3:17

Je gethen ae hmanenang deny ta je gethen, Ke hnahic deny ta je gethen hia.

Ta je Vejec 8:20

Inya oge me vheno gethen ae wisa, Hnyi wanben je gethen owisa:

Isaia 42:16

Ke oge me he ka hom ta je wadröu hnyi gethen ae ca khanʼ ödra; me su ödra hnyi je gethen ae ca khanʼ ödra: ke oge me he ka wia menekholom hnân lany bi hnyi hnyimakodra, ke owisa je dok ae hwahwali. Wale ta je ûnyi oge me he ka ânyâ hobi kodra, ke oge me ca he bi ka hnʼ ödra.

Isaia 42:7

he ka obwela je ecmak ae wadröu, he ka hom but at adre me ca ûnyi hnyi uma ceat, ke tavat adre me laba hnyi menekholom ûnyi hnyi dok adre cö ʼdra hnyin.

Isaia 48:17

Walang hna ha hnö Iehova at ame ûcû melâm, Kabi Isaraela: Inya Iehova Khongom, at ame nö u he ka hu troban, at ame su u hnyi gethen u me be ka vheno.

Isaia 48:22

Haingö Iehova, ka habe, E ba hnahic ge tavat ae kong.

Isaia 49:6

eke, haingen, ka habe, E ti hâhâ a u me he ka bi athnyabaik he ka ogöranyâ je tribu anyi Jekob, ke ohâtâ hmetu hnyat adre tuö a at Isaraela: me oge me he bi minya he ka hnö u hnân melaminy ta je Ethen, ke hnân anyik ûhomeli ka hnyi can hmeledrany.

Isaia 49:9

me ha ka tavat adre ca, ka habe, Didrut öbun; ke kodra hnyi dok ae lit, ka habe, Omanenʼ öbun ju. Adre me he ka han hnyi je gethen, me han tot hnyi je dok hia ae gorany.

Isaia 59:8

E ca khanʼ ödra gethen deny hnahic; ke ba wisa hnyi je dedra: kʼ adre me ka ânyâ hobi kodra je gethen ae hwali; e ca khanʼ ödra hnahic tavat adre me vheno e.

Isaia 9:2

Haba tavat waleji adre me vheno menekholom, me adre me wâ melam ae gan: ke haba tavat adre me labā je hnyei a hanon mok, me ame umumelam hudra lany.

Jeremia 2:6

Ke haba khaca, adre me ca ha ka habe, Ewa Iehova at ame suʼ öta ûnyi hnyei Aigupito; at ame hum öta hnyi hnyebuba, wanben hnyei a hnyei baga me hu je uthankong, hnyi hnyei ae hwahwacit me hmenon mok, hnyi hnyei ame ca vheno hnen at, ke ba at ame labā e?

Jeremia 6:16

Walang hna ha hnö Iehova, ka habe, Todrʼ öbun hnyi je gethen, me wâ, me hnö je gethen kâû adrem, ewa gethen ae so, me vheno e, me öbun e he bi ka wâ hna menâ hobi kâu je hanubun: ke haingodra, ka habe, Ohmun e ca he ka vheno e.

Mataio 4:16

Haba tavat adre me laba hnyi menekholom Adre me wâ melam ae gan, Ke haba tavat adre me laba hnyi ke keihen hnyei a hmenon mok, Ame o but melam kodra.

Luka 2:32

Wale melam hnân omelamâ Aten ta je hnyei, Ke hnân hmanenanginy lakem a Isaraela.

Ioane 1:9

Haba melam hnathu, me wale at ame omelamâ tavat hia adre me o ka hnyi hmeledrany.

Ioane 12:46

Inya oge me o mʼ inya melaminy hmeledrany, me me ca laba hnyi lit at ame labageju könya.

Ioane 8:12

Iesu ame ha hmetu ködra, ka habe, Inya ang melaminy hmeledrany: haba at ame he ka he hotuk, e ame ca he ka he hnyi menekholom, kʼ ame he bi ka hu melaminy möt.

Ioane 9:5

Hnyi ûen a inya ang hmeledrany, inya ang melaminy hmeledrany.

Ta je huliwa 10:36

Haba hofuc waleji e amo kunâ ka lakon Isaraela, kʼ ame khetâ ûthumetu ae so hnyi ûsoköu a deny Iesu Keriso, (e thibi Tuhan ae nua)—

Ta je huliwa 26:18

me u me he ka obwela ta je emaködra mʼ adre me hwio ûnyi hnyi lit ka hnyi melam, me ûnyi hnyi musi anyi Satana ka Khong, mʼ adre me be ka hna degecâ but anyidra hulo, me tha hu jekhoû mödra adre okabâ hnen labageju könya.

Roma 3:17

E ca khanʼ ödra gethen deny hnahic:

Efeso 5:8

anyin a öbun menekholom ehac, ke walang ang öbun e melam but hnyi Than: vheno bala ju helâ me ta je lakon melam,