Luka 1:78 - Iaai Bible 1901 (New Caledonia)

⁷⁸ Ûnyi hnyi ibetengiö ae menyik anyin Khonguta. Anyin a wale ame he haolany ka senʼ ota,

Luka 1:78 ပူးပေါင်းရင်းမြစ်များ

Salamo 25:6

Iehova lö, ûnykûme ju itetengiö me tang betenge gam, Anyin a kueny dut e.

Isaia 11:1

KE ame he ka o khûen ûnyi hnyi iwân anyi Jese, ke ame he ka wa wan ke vheiny ûnyi hnyi anyin iwân:

Isaia 42:16

Ke oge me he ka hom ta je wadröu hnyi gethen ae ca khanʼ ödra; me su ödra hnyi je gethen ae ca khanʼ ödra: ke oge me he ka wia menekholom hnân lany bi hnyi hnyimakodra, ke owisa je dok ae hwahwali. Wale ta je ûnyi oge me he ka ânyâ hobi kodra, ke oge me ca he bi ka hnʼ ödra.

Isaia 63:15

Wâ ju ûnyi hnyi drany, me wâ ûnyi hnyi hnyabam ae kap me hmanenang; ewa wem ae hwege me hna ânyâ hnen manâm man? adre hom behânâ medien hnyekom me ânyâm betenge könya.

Isaia 63:7

Oge me he bi nya ka ha ge tang betenge anyi Iehova, me je hnân oganö Iehova, hoton ta je ûnyi hia thithö waleji a ham köta Iehova; me so ae gan hmâ ka lap anyi Isaraela, waleji e ame ham ködra hoton anyin ibetengiö baû, ke hoton anyin tang betenge ae gan hmâ.

Zakaria 3:8

Josua at bihut ae nua lö, long ju walang ang, u me lahanâm tavat adre me tot hnyi hnyimâkâm; anyin a ödra tavat me hnân haten: anyin a wâ bi, oge me he ka oâ athnyabaik wale Khûen.

Zakaria 6:12

ke u me he ka ha kâu, ka habe, Walang hna ha hnö Iehova tuhan sabaoth, ka habe, Wâ bi at, haba ien, me Khûen; ke e ame he ka kû ûnyi hnyi hnen me op uma umo Iehova:

Malaki 4:2

Ke haba öbun tavat öbun e outen iök, me ame he ka o köbun seûnöiny hwakecin ae wisa, me ûnyi hnân ometo hnyi li labenyin; ke öbun e he ka he but me ututut helâ me nokon kau ûheny hnyi haginy.

Numera 24:17

Oge me wâ e, ke ca walang ang: Oge me wâ e, ke ca hakekeny bi: Ame he ka o okhû ûheny unyi Jekob, Kʼ ame he ka kû haten musi ûheny unyi Isaraela, Kʼ ame he ka kot je ke keihen Moaba Me okongoâ je laku Setha.

Ioane 3:16

Anyin a Khong ame betenge ge hmeledrany, me e ame ham but Nokon a khaca thibi, me me ca he ka mok ke at ge tavat adre me labageju kâu, ke ame he bi ka hu möt ame ca ba balua.

Efeso 5:14

Anyin a wale, e ame ha, ka habe, Hmak dö, u at ame mokut, ke tot hmetu thö ûhem hnyi hna mok, me ame he Keriso ka omelami u.

Filipi 1:8

Anyin a Khong ame ohnathu nya ae gan hmâ hnok hna hnyok köbun hia ûnyi hnyi ibetengiö ae gan anyin Keriso Iesu.

Filipi 2:1

ANYIN a wale a ne e unyin Keriso ûökahwa, me otubwelâ hnyi betenge, me tha hnyok unyin Hanu, ame ne ta je ibetengiö ae menyik, me vec betenge,

Kolose 3:12

Anyin a wale, haba öbun je hna ûca hnen Khong, a wakap me laoûnykûminy, me so öbun e khavâ ibetengiö vec, me hwakecin ae so, me hnyok ae hnyikânâ, me hwakecin ae menyik, me hokhnyok beû hmâ;

II. Peteru 1:19

Ke e hu but gahmun hofuc adre perofeta adre ti ohnathoâ; ke so öbun e ûnykûme wia ka hnyin, helâ me ka lamepa ame umumelam hnyi dok ae lit, ke ne o but hnyi haolany, ke ame o thö okhû lany eû hnyi je hnyekubun:

I. Ioane 3:17

Haba at ae hu ta ûnyi eang hmeledrany, kʼ ame wâ liamekeiny më ae theduoc, kʼ ame thelöng oûnykûminy gan, me ame he ka kâmâu hnyok ka Khong ka laba eû hnyin at e?

Hna Omanenâ 22:16

Inya Iesu oge hia but kunâ anyik angela he ka thumetu öbun ge ta je ûnyi e hobi kâu ta je ekalesia. Inya khûen me Nöku Davita, ke okhû lany ae hadröngöc.