Luka 1:71 - Iaai Bible 1901 (New Caledonia)

⁷¹ Ame he ka omeli ota ûnyi hnyi je iwahnaihmiony möta, ke ûnyi hnyi hnyamödra hia adre me hûköti ota;

Luka 1:71 ပူးပေါင်းရင်းမြစ်များ

II. Je Than 17:39

ke so bi öbun e he ka outö Iehova Khongubun; kʼ ame he ka omeli öbun ûnyi hnyi hnyamen je iwahnaihmiony möbun hia.

Salamo 106:10

Ke e ame omeli ödra ûnyi hnyi hnyamen at ame hûkötiʼ ödra, Me omeli ödra ûnyi hnyi hnyamen iwahnaihmiony.

Salamo 106:47

Iehova Khonguhmun lö, omeli öhmun, Me ûkhacaköuʼ öhmun dö ûnyi hnyi ta je hnyei, He ka oleâ iâm ae kap, Me ohobeluâ hnyi hna oganö u.

Jeremia 23:6

Hnyi bonginy je bong, ame he ka mot Juda, kʼ ame he Isaraela ka laba khotkic: ke walang ien adre me he ka hawâ, ka habe, Iehova wisaita.

Jeremia 32:37

haingen, ka habe, Wâ bi, oge me he ka hlu ödra ûnyi hnyi ta je hnyei hia, waleji oge obʼ ödra ka hnyin hnyi anyik hmonyin, me anyik wathethot, me hmonyin ae gan hmâ; ke oge me he ka ohmetu ödra ka hnyi dok ang, me olaba khötkici ödra:

Ezekiela 28:26

Ke adre me he bi ka laba khotkic hnyin e; eke, adre me he ka up uma, me belöki vine, me laba khotkic; iny ka hia but bi hwaban kodra hia tavat adre me hûköti ödra igigilo; ke adre me he ka wâ a inya Iehova Khongudrin.

Ezekiela 34:25

Ke oge me he ka ânyâ ûhihinyköu ûsoköu mʼ ödrin, ke oge me he ka ohia ta je meno ae kong ûnyi hnyi hnyei: ke adre me he ka laba khotkic hnyi hnyebuba, ke mokut hnyin hnyi hnyot.

Ezekiela 34:28

Ke adre me ca he hmetu ta je hnyei ka sei ödra, ke ame ca he ka ön ödra hnen ta je menoiny hnyot; ke adre me he ka laba khotkic, ke ba at ame he ka ooti ödra.

Ezekiela 38:8

Ke hwaban je bong ae se hia adre me he ka senö u: ke hnyi je huna a biliny u me he ka o ka hnyi hnyei adre ohmeto ûnyi hnyi hele vat, wale adre ûkhacaköu ûnyi hnyi je hnyei ae se hia, hon je bucen Isaraela ae itremacat but ehac: ke adre hom e ûnyi hnyi je hnyei, ke adre me he ka laba khotkic ödra hia thithö.

Luka 1:68

E so adre me haisoâ Than Khongu Isaraela; Anyin a e ame senâ me bi hwaban möt hobi kâu lakeiny,

Luka 1:74

A gʼ adre me he ka omeli ota ûnyi hnyi hnyamen ta je iwahnaihmiony möta, Mʼ ate me he ka bi athnyabainy ke ba ot,

Deuteronomi 33:29

Isaraela lö, u hnahic; Ewa at ae tha ûcû möu, a hnyei Iehova ame omelö; E beciny ûhadruo u, Ke wale hele vatiny ânyâm so! Kʼ ame he je iwahnaihmiony möu ka nom ju köu; Ke u me he ka uto anyidra je dok ae görany.

I. Ioane 3:8

ûnyi ge diabolo at ame ânyâ hulo; anyin ame ânyâ hulo diabolo ûnyi hnyi can. Kʼ a manen dut Nokon Khong, me me he ka ohia ta je huliwa anyin diabolo.