Luka 1:68 - Iaai Bible 1901 (New Caledonia)

⁶⁸ E so adre me haisoâ Than Khongu Isaraela; Anyin a e ame senâ me bi hwaban möt hobi kâu lakeiny,

Luka 1:68 ပူးပေါင်းရင်းမြစ်များ

Genese 14:20

Ke so adre haisoâ Khong ae Beönua waleji ame hna but je iwahnaihmiöny möu ka hnyi hnyamâm. Ke e ame ham kâu ke keihen a libenyitainy ta je ûnyi hia.

Genese 24:27

Ke haingen, ka habe, E so adre me haisoi Iehova, Khongu Aberahama a tuhök, at ame ca hota degecâ anyin ibetengiö me hnathu ka tuhök: ke haba inya, me a hia but Iehova su nya hnyi getheniny hnyaban liamekeiny me tuhök.

Genese 9:26

Ke e ame ha, ka habe, Haisoi Iehova, Khongu Sema; Me hamö Kanana ka bi athnyabainy.

I. Je Than 1:48

Ke ame ha minya than, ka habe, Ole kö Iehova Khongu Isaraela at ame ham hnyi bong ang at he ka tabâ anyik theron, ke inya oge me wâ.

I. Je Than 8:15

Ke haingen, ka habe, Ole kö Iehova, Khongu Isaraela, at ame ha ge hnyimen kö cica Davita, me ohwâdâ ge hnyamen, ka habe,

I. Man Ûlabainy Je Than. 29:10

Anyin a wale Davita ame ole kö Iehova hnyi hnyimakan ûkhacaköu hia: haingö Davita, ka habe, Ole köu Iehova lö, Khongu Isaraela a kamöhmun, nyiele nyiele balua.

I. Man Ûlabainy Je Than. 29:20

Ke haba Davita ame ha ka ûkhacaköu hia, ka habe, Walang ang, oleâ thö kö Iehova Khongubun. Me haba ûkhacaköu hia adre me ole kö Iehova Khongon lakamödrin, me nom ju, me khudrung kö Iehova, me than.

Salamo 106:48

E so he ka haisoi Iehova, Khongu Isaraela, Hwân ehac balua ke ne o but nyiele balua. Ke so ame he tavat hia ka ha, ka habe, Amen. Oganö Ja thʼ öbun.

Salamo 111:9

E ame hia but kunâ ûhomeli ka lakeiny; E ame hia but hûna anyin ûhihinyköu ke ne o but nyiele balua: E kap me hnân okabâ ien.

Salamo 130:8

Ke e ame he ka omeli Isaraela Ûnyi hnyi anyin ta je monu hia thithö.

Salamo 41:13

E so he ka haisoi Iehova, Khongu Isaraela, Hwân ehac balua ke ne o but nyiele balua. Amen, me Amen.

Esodo 4:31

Me ame kap e hnen tavat: ke odrin e löng a ga um but Iehova senâ lakon Isaraela, me wâ hna okongu odra, me odrin e nom ju me khudrung.

Luka 1:71

Ame he ka omeli ota ûnyi hnyi je iwahnaihmiony möta, ke ûnyi hnyi hnyamödra hia adre me hûköti ota;

Luka 19:44

me othahoni u me kânâ, u me je lakom unyâm; ke ame ca he ka hnen ke veto hon ke veto hnyi wanbâm; anyin ae ca khanö u ûen adre me senʼ u hnyin.

Luka 2:38

Ke e ame o thö hnyi awa eling, ame hnyi ole ka Khong, me e ame hâiâ e kodra hia hnyat adre me halubahingen hwaban möt hnyi Jerusalema.

Luka 24:21

Ke ohmun e gejon a e bi at ame he ka omelö at Isaraela. Ke haba khaca minya, walang bong a kuniny hwaban hna ânyâ ta je ûnyi eling.

Luka 7:16

Me ame o kodra hia ot ae gan hmâ: ke adre me ogânâ Khong, me ha, ka habe, A o but ang unyita perofeta ae gan hmâ: ke, Khong ame senâ lakeiny.

Efeso 1:3

Haisoâ Khong me Kamen Tuhöta Iesu Keriso, at ame hia but ohnahici öta ge ta je hnahicin hanu hia hnyi ta je dok hnyi drany ûnyi ge Keriso:

Efeso 1:7

ke hu but gata deny e, hna ûco möt ûnyi ge dren, wale he ka thang ta je hulo, helâ me ûganiny anyin ibetengiö baû,

Heberu 9:12

ke ca ûnyi minya bi ge dren ta je got, me nokon kau, ke ûnyi ge hing dren bi, e ame okhaca dit ka hnyi dok ae kap, anyin a hia but ûco möt ame ca ba balua.

I. Peteru 1:3

E so he ka haisoâ Khong me Kamen Tuhöta Iesu Keriso, at a hnöku öta hmetu, hoton anyin ibetengiö ae gan, ka hnyi geju ae möt, hnen möt hmetu thö a Iesu Keriso ûnyi hnyi hna mok,

I. Samuela 25:32

Ke Davita ame ha kö Abigaila, ka habe, Ole kö Iehova Khongu Isaraela at ame kunö u he ka ûkhanö mönya hnyi bong ang: