Luka 1:6 - Iaai Bible 1901 (New Caledonia)

⁶ Ke ödru li at ae wisa hnyi hnyimakan Khong, kʼ ödru me vheno ta je hnanyibu ke ta je hna otilâ hnen Than, ke ba monu gadru.

Luka 1:6 ပူးပေါင်းရင်းမြစ်များ

Genese 17:1

KE nainte nain hunai Aberama, me ame manen dut Iehova kö Aberama, me ha kân, ka habe, Inya ang Khong Ataekhanahia; u ma he hnyi hnyimakök, ke wisa but.

Genese 6:9

Walang ta je dö anyi Noa. Haba Noa, at ae wisa, ke fâfâ but hnyi anyin ta je dö: haba Noa ame tha he me Khong.

Genese 7:1

HABA Iehova ame ha kö Noa, ka habe, Aiö u me ânyâm lap hia ka hnyin aka; anyin a oge hia but wâ a u wisa hnyi hnyimakök hnyi dö ang.

I. Je Than 15:5

anyin a haba Davita ame ânyâ ûnyi ae wisa hnyi hnyimakö Iehova, me ca saû ûnyi hnyi ta je ûnyi hia e ame hûna kâu hnyi bongon ta je bong hia, ke so bi hwakecin thibi ga Uria at Heth.

I. Je Than 9:4

Ke haba u, u je ne he ka he hnyi hnyimakök, helâ me hnö Davita a kâmâm hna he me hnyekon ae bekhot me wisa, he ka ânyâ ta je ûnyi hia oge hûna köu, me tuö anyik je hnanyibu me hnok je hna owisa;

II. Je Than 20:3

Iehova lö, oge me khöû köu, Ö u ûnykûme ju walang ang hnok hna he hnathu hnyi hnyimâkâm, me hnyok ae wisa, me ânyâ ûnyi ae so hnyi hnyimâkâm. Ke Hezekia ame tenge hwege.

II. Man Ûlabainy Je Than. 17:4

ke e ame elâm unyin Khongon kamen, me vheno anyin je hnanyibu, kʼ ame ca hnu hoton hwakecin Isaraela.

Jobu 1:1

E HU ke at hnyi hnyei Uza, Jobu ien; ke bekhot me wisa hwakecin, e at ame outen Khong me ûsâkâûö me hulo.

Jobu 1:8

Haba Iehova ame ha kö Satana, ka habe, Hawa, u je wâ ûnykûme athnyabaik a Jobu, anyin ae ba ke at ae ûcû mē eang hmeledrany, at ae ti so hwakecin ke wisa, at ame outen Khong, me ûsâkâûö me hulo.

Jobu 9:2

E hnathu e khanö nya wia e: Kʼ ame he ka kâmâu at ka wisa unyin Khong?

Salamo 119:6

Oge me ca he ka hmehma, Iny ka wâ wia ânyâm ta je hnanyibu hia.

Luka 1:7

Ke ba nökudru anyin ae toûnyi Elisabeth, ke ödre li hingat ut.

Luka 16:15

Ke e ame ha kodra, ka habe, Öbun tavat öbun e owisʼ öbun bi hnyi hnyimakan tavat; ke khana bi Khong je hnyekubun: anyin a haba ûnyi ame oûnyihnathoâ at, me, ikiki bi ling hnyi hnyimakan Khong.

Luka 2:25

Ke wâ bi, wale ke at hnyi Jerusalema Simeona ien; e at ae wisa hwakecin me outen Khong, ame halubahingen hna otubwelâ at Isaraela: ke e Hanu Kap hnyi hon.

Ta je huliwa 2:25

Anyin a hâiâ e Davita, ka habe, Oge me wâ bala Than hnyi hnyimakök; Anyin a e but hnyi ke keihen a metök, mʼ adre me ca he ka bwebweli nya.

Ta je huliwa 23:1

HABA Paulo ame wâ hmâ ûhnenamö, me ha, ka habe, Hnyat me lakeiny lö, oge hia but laba me oûnykûmik ae so hia hnyi hnyimakan Khong ke ne o but hnyi bong ang.

Ta je huliwa 24:16

Anyin a wale inya oge me hwege me me hu bala bi oûnykûmik ae so ka Khong me at.

Ta je huliwa 8:21

Haba u, me ba gam ke ûnyi me hanymâm hnyi ûnyi eang: anyin ae ca wisa hnyekom hnyi hnyimakan Khong.

Roma 8:4

me me hwâdâ but ûnyi gata hna hûna hnyi hnanyibu, öta tavat ate me ca hnu hoton unyin ke so bi hanu.

I. Korinito 11:2

Ke inya oge me haisoi öbun, anyin a öbun e ûnykûmi nya hnyi ta je ûnyi hia thithö, kʼ öbun e kât hmâ ta je hna ûne, helâji me hnok hna ham köbun.

II. Korinito 1:12

Anyin a walang anyihmun sēnyin, a gʼ ame ohnathoâ hnen ûnykûmenöhmun ae hnyi hwakecin ae wisa me hnathu ûnyi ge Khong, ke ca ûnyi bi hnyi metâiny unyin ke ûnyi hnyi ibetengiö baû anyin Khong, öhmun e ânyâ hwakecihmun eang hmeleʼ drany, ke ti gan hmâ bi köbun.

Deuteronomi 5:33

Öbun e he ka vheno hia gethen wale Iehova Khongubun ame hûna köbun, mʼ öbun e möt, me so, me se hia bongubun je bong hnyi hnyei öbun e he ka hu.

Filipi 2:15

me me ba hnyikongubun me hna okongoâ, mʼ öbun lakon Khong bi, ke ba kongon hnyi hnyimakan dö ae hwali ke ûkhin fuc, ke so öbun e umumelam ködra hwakecibun, helâ me je melaminy hmeledrany,

Kolose 1:22

hnyi unyin wale viny ûnyi ge mok, me me he ka omanenʼ öbun hnyi hnyimakan, a tavat ae kap, me ba okongon, me ba hnân haikongoâ:

I. Thesalonika 3:13

me me he ka otethmâ je hnyekubun ae ba hnyikongon hnyi hwakecin ae kap hnyi hnyimakan Khong a Kamöta, e ka o hmetu but Tuhöta Iesu, tha e me anyin wakap hia thithö.

II. Peteru 3:14

Anyin a wale, hnyat a oûnykûmik lö, haba öbun tavat öbun e halubahingen ta je ûnyi e, hwege thö, mʼ adre me ö ʼbun dö hnyi ûsoköu ae ba hnyikongon me hnân haikongu öbun hnyi hnyimakan.

I. Ioane 2:29

A ne khanʼ öbun a e at ae wisa, awe, e khanʼ öbun minya a gʼ adre hnoko ûnyi gan tavat hia adre me ânyâ hwakecin ae wisa.

I. Ioane 2:3

Ke walang haten a ga khanʼ öta e, ka habe, ate ne löng hoton anyin hnanyibu.

I. Ioane 3:7

Je wanakat lö, ca he ka omonu öbun hnen ke at: e wisa at ame ânyâ hwakecin ae wisa, helâ më ae wisa: