Luka 1:51 - Iaai Bible 1901 (New Caledonia)

⁵¹ E ame omanenâ tang hwege ge hnyamen; Kʼ ame oveseâ but tavat hnyi biganiny hnyekudra.

Luka 1:51 ပူးပေါင်းရင်းမြစ်များ

Genese 11:8

Me Iehova ame ovesei ödra ûheny e ka hnyi hmeledrany hia thithö: ke adre me hna ju he ka otilâ taun.

Genese 6:5

Ke a wâ but Iehova a e gan hmâ butmonuiny at eang hmeledrany, ke kong ut ta je hna ûnykûme hia eû hnyi hnyekudra hnyi ta ogo bong hia.

Genese 8:21

Ke Iehova ame löng bunen ae bo; ke haingö Iehova eû hnyi hnyekon, ka habe, Oge me ca he hmetu ka hangâ kânâ can at, anyin ae kong weny hnyekon at hwân ke tiga wanakat; ke oge me ca he hmetu ka hhngâ ta je ûnyi hia ae möt, helâji me hnök hna ânyâ.

Salamo 118:15

E bi hnyi je uma mano umen tavat ae wisa hwan senyin, me ûhomeli: Ame ânyâ hwegiâ hnen hnyam a metö Iehova.

Salamo 33:10

Iehova ame oûnyibâûâ je ûhnenamö anyin ta je hnyei: E ame oba troban je ûnykûmenen tavat.

Salamo 52:9

Oge me he ka ole köu ke ne o but nyiele balua, anyin a u je hia but: ânyâ e: Ke oge me he ka labageju ka iâm hnyi hnyimakan ânyâm wakap, anyin ae so e.

Salamo 63:5

Ame he ka sekon hanuk helâ me hnen onyen je jö me pipikhenya; Ke ame he hnyimök ka oganö u hnen li esongodiny senyin;

Salamo 89:10

U je hia but thuthu omomonu Rahaba, helâ me at adre hia but hlingâ; U je hia but oveseâ je iwahnaihmiöny möu ge hnyamâm ae hwege.

Salamo 89:13

E hwege hmönyin hnyamâm: E man benyâm, ke gorany hnyamâm a metâm.

Salamo 98:1

KHUMÖNGÖ thö kö Iehova khumöng a teb ûnyi; Anyin a e ame hia but ânyâ ta je ûnyi hnân lâiâ: Haba hnyamen a metân, me benyin ae kap ödru me hia but ânyâ ûhomeli hobi kâu e.

Esodo 18:11

E khanö nya walang ang ae gan hmâ Iehova hon ta je khong hia: eke e beönua hudrin hnyi ûnyi ödrin e bi gânâ.

Isaia 40:10

Wâ bi, ame he Than Iehova ka o helâ me at ae man, kʼ ame he benyin ka musi hobi kâu e bi: wâ bi, e unyin hwaban, ke e hnyi hnyimakan hwaban anyin huliwa.

Isaia 51:9

Hmak dö, hmak dö, hnyamö Iehova, khavâ ju tang hwege; hmak dö helâji me hnyi ta je bong kâû adrem, wale ta je dö a bân. Hawa, ca u at ame sö omomonu Rahaba me kot tanimo?

Isaia 52:10

A hia but Iehova vhec ûkhaûen benyin ae kap hnyi hnyimakan je hnyei hia; ke ame he je can hmeledrany hia ka wâ ûhomeli anyin Khonguta.

Isaia 63:12

At ame su ödra ge benyen ae hmanenang tha e me hnyam a metö Mose? at ame subâ luâ köiö hnyi hnyimakodra, me wia hobi kâu bi ien a nyiele balua?

Jeremia 49:15

Anyin a wâ bi, inya oge hia but wiö u mu me ûhnyûkong unyin je hnyei, me hûkötiânen tavat.

Daniela 4:37

Ke walang ang, inya Nebukaneza oge me olungâ me ogânâ Thaniny drany; anyin ae wisa anyin ta je huliwa hia, ke ûcû deny je gethen: ke e khana he ka hom ûhnyûkongo tavat vheno bi gan.

Roma 1:21

anyin a khanʼ ödra but Khong, ke adre me ca ogânâ bi, e me ûcû me Khong, ke adre me ca oleâ minya bi; ke adre me omonoâ je ûnykûmenödra, me ölidrâ je hnyekudra ae kong.

II. Korinito 10:5

ame hagutâ ta je ûnykûme me ta je ûnyi hia ae görany ame ûö bi ûnyi ûcon wâhmakhmetoâ anyin Khong, me hom hwenbâ ta je ûnykûme hia, me me long hoton Keriso;

Deuteronomi 4:34

Ke hawa, hwakecin Khong he ka he me hom hnyei hnân hobi kâu ûnyi hnyi ke hnyei, ge je ûcûbic, me je haten, me je ûnyi hnân lâiâ, me vat, me hnyam ae hwege, me benyin adre hai, me je ûnyi ae gan hnân outen, hoton ta je ûnyi hia waleji a ânyâ Iehova Khongubun hobi köbun hnyi hnvimaköbun hnyi Aigupito?

I. Peteru 5:5

Helâe minya öbun hnyat ae teb unyi, löng ju hoton wahingat. Eke, öbun hia thithö lö, weikâ ju hwakecin ae hnyikânâ he ka uhuliwaköu: anyin a Khong ame hagutâ tavat bi gan, me ham ibetengiö baû ka tavat ae hnyikânâ oûnykûmidra.

Hna Omanenâ 18:8

Anyin a wale ame he ka o kâu anyin je mok hnyi bong a khaca, wale mok, me hlöuhlöu, me hmiâ; ke adre me he ka thong degecâ e hnen meic; anyin ae hwege Than a Khong at ame bi hwaban kâu.