Luka 1:49 - Iaai Bible 1901 (New Caledonia)

⁴⁹ Anyin a haba at ae man ame hia but ânyâ könya ta je ûnyi ae gan hmâ; Ke e kap ien.

Luka 1:49 ပူးပေါင်းရင်းမြစ်များ

Genese 17:1

KE nainte nain hunai Aberama, me ame manen dut Iehova kö Aberama, me ha kân, ka habe, Inya ang Khong Ataekhanahia; u ma he hnyi hnyimakök, ke wisa but.

Salamo 111:9

E ame hia but kunâ ûhomeli ka lakeiny; E ame hia but hûna anyin ûhihinyköu ke ne o but nyiele balua: E kap me hnân okabâ ien.

Salamo 24:8

Ie Thaniny hmanenang? Iehova at ae hwege me man, Iehova at ae hwege hnyi vat.

Salamo 99:3

E so adre me he ka ogânâ iâm ae gan me hnân outen: E kap thibi e.

Salamo 99:9

Ogöranyi Iehova thö a Khonguta, Ke khudrung ju hnyi anyin ong bucen ae kap: Anyin ae kap Iehova a Khonguta.

Esodo 15:11

Iehova lö, ewa at ae tha ûcû möu unyin ta je khong? Ia ae tha ûcû möu, e hmanenang hwakecâm ae kap, Ke hnân outen, odra ka ogânö u, at ame ânyâ ta je ûnyi hnân lâiâ?

Isaia 1:24

Anyin a wale ame ha Than, Iehova tuhan sabaoth, Maniny Isaraela, ka habe, Awe, oge me he ka omeno nya ge tavat hûkötiö nya, oge me he ka bi hwaban ka je iwahnaihmiony mönya;

Isaia 57:15

Anyin a walang hna ha hnen At ae gorany me Beönua, at ame laba nyiele balua, ke E kap ien, ka habe, Inya oge me labā dok ae gorany me dok ae kap,, ke haba khaca, tha inya me at ae bewisa me hnyikânâ hanon, me me omelo hanon at ae hnyikânâ, me okaukahwa hnyekon at ae bewisa.

Isaia 6:3

Ke adre me ûkukoköu me ha, ka habe, E kap, e kap, e kap, Iehova tuhan sabaoth: e unöngötö hmeledrany hia ge anyin hmanenang.

Isaia 63:1

IE at ang ame he jem ûheny Edoma, ae dra anyin ûkhaû ûheny Bozera; a at ae hmanenang ge anyin ûkhaû, kʼ ame he hnyi meciny anyin tang hwege Inya thibi, at ame ha hnyi wisa, at ae hwege he ka omelo.

Jeremia 10:6

E ba ju ke at ae ûcû möu Iehova: u gan hmâ, ke gan hmâ iâm hnyi man.

Jeremia 20:11

Ke e bi Iehova unyik helâ me taben vat ae hwege: anyin a wale ame he ka haûhaû but tavat adre me hnu nya, me ca tudra bi: adre me he ka hmehma gan hmâ, anyin a ca tudra bi, adre me ca he ka hnying anyidra hmehma nyiele balua.

Mareko 5:13

Me e ame hnʼ ödrin dut. Me ame didrut ta je hanu ae kong, me delec je buaka: me ame wadring ut hnahat buaka ûheny dö hnyi dok ae hwatapkolu ka hnyi köiö, me ame û but eû hnyi köiö, ödra helâ me tu thauzan.

Luka 1:48

Anyin a e ame wâ athnyabainy a hlu, walönya at hnyikânâi: Anyin a wâ bi, hwân walang ang ame he ta je dö hia ka hao nya me iny hnahic.

Luka 1:50

E ame omanenâ anyin ibetengiö ka ke dö me ke dö, A hnyat adre me outen e.

Efeso 3:20

Haba at ae khana ânyâ ta je ûnyi hia ae beönua hon hnöta hna sumâtâ me ûnykûme ka hnyin, hoton man at ame huliwa eû hnyi je hnyekuta,

Hna Omanenâ 15:4

Than lö, ie at ame ca he ka ot me ogânâ iâm î anyin a hake u ke thibi at ae kap; anyin ame he ka o ta je hnyei hia thithö he ka khudrung hnyi hnyimâkâm; anyin adre hia but omanenâ ânyâm ta je huliwa ae wisa.

Hna Omanenâ 4:8

Ke haba je ûnyi ae möt a vak, me ve hu gadrin je labenyidrin a siks, ke ödrin unöngöt hnyi je ke keihen ke eû hnyin ge je ecmak; ke ödrin e ca menâ hnyi lany me lit he ka ha, ka habe, E kap, e kap, e kap Than a Khong, At ae khana hia, waleji adrem, ke walang ang, ke ame he ka o.

I. Samuela 2:2

E ba at ae kap helâ me Iehova; Anyin ae ba at bi ke hake thibi u Ke ba kic helâ me Khonguta.