Luka 1:32 - Iaai Bible 1901 (New Caledonia)

³² E ame he ka gan, ke adre me he ka hwenyi ien e Nokon At ae Beönua: ke ame he Than a Khong ka ham kâu theron anyi Davita a kamen:

Luka 1:32 ပူးပေါင်းရင်းမြစ်များ

II. Samuela 7:16

Ke adre me he ka otilâ hmâ ânyâm lap me dokhom dökhu hnyi hnyimâkâm nyiele balua: adre me he ka ohmâ ânyâm theron nyiele balua.

Salamo 132:11

Ahia but Iehova khemanyin kö Davita hnyi hnathu; E ame ca he ka hwio gan, ka habe, Ûnyi hnyi mâtrân unyâm oge me he ka otilâ hon ânyâm theron.

Salamo 132:12

Ame ne he lakom ka vheno anyik ûhihinyköu, Me je ûnyi hnân ohnathu nya wale oge me he ka nʼ ödra gan, Awe, ame he balua ta je lakudra ka tabâ ânyâm theron.

Isaia 16:5

Ke adre me he ka otilâ ke theron hnyi ibe-tengiö, kʼ ame he ka tabâ e ke at hnyi hnathu, hnyi uma mano umo Davita; he ka owisa, me elâm hna owisa, me logot he ka ânyâ wisa.

Jeremia 17:25

awe, ame he ka labö didro hnyi je homagouleny taun ang je than me je taben, tavat adre me tabâ theron anyi Davita, adre me tabâ je kariota me je hors, ödrin, me je taben, aten Juda, me aten Jerusalema: ke ame he ka tethmâ taun ang nyiele balua.

Jeremia 22:2

Than Juda lö, löng ju hofuc ho Iehova, u at ame tabâ theron anyi Davita, u, me je athnyabaem, me lakem, tavat adre me dit hnyi je homagöule ang.

Daniela 2:44

Ke haba hnyi je bong bongon je than eling, me ame he Khongon drany ka oâ ke dokhu a gʼ adre me ca he ka ohia nyiele balua, ke adre me ca he ka hna dokhu eling ka ke hnyei; ke e ame he ka kot omomono me ohia ta je dokhu hia eling, ke e ame he ka tethmâ nyiele balua.

Mataio 1:1

TUSI hnân aû je dö anyi Iesu Keriso, mâtrâni Davita, mâtrâni Aberahama.

Mataio 12:42

Ame he momo than ûheny hnyi hwaiöu ka tha tot me dö ang hnyi hna owisa he ka hahnaûhangoâ e: anyin a e ame o ûnyi hnyi can hmeledrany he ka long metâ anyi Solomona; ke wâ bi, wale bi ang at ae beönua hu Solomona.

Mataio 28:18

Me haba Iesu ame o but ködrin me ba hofuc ködrin, haingen, ka habe, Adre hia but ham könya musi hia hnyi drany me eang hmeledrany.

Mataio 3:11

Haba inya oge me bapataisoi öbun ge köiö ka hnyi ietra: ke haba at ame he jem hotuk ae beönua huk, ae ca ûcû nya bi he ka hom taben li hnyeûcan: e ame he ka bapataisoi öbun ge Hanu Kap me meic:

Mareko 14:61

Ke e ame laba hnyibû, me ca thu bi. Me ame hnö hmetu e hnen taben tavat bihut ae nua me ha kâu, ka habe, U Keriso, Nokon At adre Ogânâ?

Mareko 5:7

me fuc ae gan hwan, ka habe, Ieû gam könya Iesu a Nokon Khong ae beönua? Inya oge me khöû köu ûnyi hnyi ien Khong, u ma ca oveci nya.

Luka 1:15

Anyin a e ame he ka gan hnyi hnyimakan Than, e ame ca he ka ijem waina me grâg; ke e ame he ka unöngöt ge Hanu Kap ûnyi hnyi hnyekon hinyen.

Luka 1:35

Ke haba angela ame thu me ha kâu, ka habe, Ame he ka o köu Hanu Kap, me ame he ka tungi u hnen man maniny Beönua: anyin a wale adre me he ka hwenyi ien at adre me he ka hnokoâ, me kap; a Nokon Khong.

Luka 1:76

Eke, ke haba u, da, me adre me he ka haiö u me perofeta anyi Beönua: Anyin a u me he ka bân hnyi hnyimakan Than he ka ânyâwia deny ta je gethen.

Luka 3:16

me haba Ioane ame thu kodra hia thithö ka habe, Inya oge me bapataisoi öbun ge köiö; ke ame he ka o at ae nua maniny huk, iny ca ûcû bi he ka thang wen li tangen hnyeûcan: e ame he ka bapataisoi öbun ge Hanu Kap me meic:

Luka 6:35

Ke betenge ju ge je iwahnaihmiony möbun, me mâdrâ thö so, me mē ham, ke ca ûnykûme bi; ke ame he ka gan hmâ hwaban köbun, ke öbun e he ka je lakon Beönua: anyin a e menyik kodra hia adre me ca ole bi, me tavat minya ae kong.

Ioane 12:34

Haba tavat ae se hia adre me thu kâu, ka habe, Ohmun e long ut ûnyi hnyi hnanyibu a gʼ ame he ka tethmâ Keriso nyiele balua: ieû gam u me ha a ga ûcû he ka ogöranyâ Nokon at? ia Nokon at eling?

Ioane 6:69

Ke ohmun e hia but labageju me wâhmakhmeto a u thibi At ae Kap anyin Khong.

Ta je huliwa 16:17

Kʼ ame he hotu Paulo hlu eling, me ohmun, kʼ ame ha hwegiâ, ka habe, Lathnyabainy Khong ae beönua hnyat ang, tavat adre me haimemenâ köbun gethen deny möt.

Ta je huliwa 2:30

Anyin a e perofeta, ke e ame wâhmakhmeto a ga hia but Khong khemanyin kâu a e ame he ka ip ke at hon anyin theron ûnyi hnyi mâtrâniny;

Ta je huliwa 2:36

Anyin a wale, e so e he lap anyi Isaraela hia ka wâhmakhmeto a gʼ ame hia but Khong wia Iesu at öbun e osatauroâ me me Than me Keriso.

Ta je huliwa 7:48

Ke so bi ame ca laba Beönua hnyi je uma adre me ânyâ ge hnyam; helâ me hna ha hnen perofeta, ka habe,

Roma 1:4

ke adre me haimemenâ e thibi Nokon Khong tha e me man ûnyi ge hanon hwakecin ae kap, hnen nnöt hmetu ûnyi hnyi hna mok; wale Iesu Keriso a Tuhöta,

Hna Omanenâ 3:7

Ke sihnalimen ju ka angela anyin ekalesia hnyi Filadelefia, ka habe, Walang ta je ûnyi ame ha hnen at ae kap, ke hnathu, at ae hu gan ki anyi Davita, at ame khong, ke ba at ame he bi ka hlöng, kʼ ame hlöng, ke ba bi at ame he ka khong: