Luka 1:17 - Iaai Bible 1901 (New Caledonia)

¹⁷ Ke e ame he ka bân hnyi hnyimakan hnyi hanu me man mani Elia, he ka ohmeto hnyekon ta je kamen ka lakudra, me tavat adre hwen höcö ka hnyi metâ anyin tavat ae wisa; me me he ka ânyâwia tavat adre penapena hobi kâu Than.

Luka 1:17 ပူးပေါင်းရင်းမြစ်များ

I. Je Than 17:1

KE haba Elia at Tisebi, hanen tavat adre me laba hnyi Gileada, ame ha kö Ahaba, ka habe, Kia inya Iehova, Khongu Isaraela, wale oge me tot hnyi hnyimakan, a ame he ka ba hau, me we hnyi je huna, ke so bi hoton hok hofuc.

I. Je Than 18:18

Ke e ame thu, ka habe, Oge me ca omonoâ at Isaraela, ke so bi ûnyi gam me lap anyin kâmâm, waleji hnyi hnobun hna hna degecâ je hnanyibu anyi Iehova me hnu hoton bi je Baala.

I. Je Than 21:20

Haba Ahaba ame ha kö Elia, ka habe, E, iwahnaihmiony mönya, u je ō nya bi? Haingen, ka habe, Oge hia but ō u: anyin a u je ûcû u bi he ka ânyâ hulö hnyi hnyimakö Iehova.

II. Je Than 1:16

Ke e ame ha kâu ka habe, Walang hna ha hnö Iehova, ka habe, Anyin a u je kunâ je ûthumetu he ka hnei Bele-sebuba khongon Ekerona, hawa can ae ba Khong hnyi Isaraela he ka hnö hofuc a hwan? anyin a wale u me ca he ka ut ûnyi hnyi hnâm hna mokut, ke u me he bi ka mokcu.

I. Man Ûlabainy Je Than. 29:18

Iehova lö, Khongu Aberahama, me Isaaka, me Isaraela a lakamöhmun, tuö ju hnyi ûnykûme me weny je hnyekon lakem nyiele balua, ke ohmâ je hnyekudrin köu bi:

II. Man Ûlabainy Je Than. 29:36

Ke ame senyin Hezekia, me tavat hia, can ûnyi ame penapena Khong hobi kâu tavat: anyin ae logot ûnyi eling.

Salamo 10:17

Iehova lö, u je hia but löng weny tavat ae hnyikânâ: U me he ka otilâ hmâ je hnyekudra, u me he ka tevehlöng:

Salamo 111:10

Haba hwân metâ wale he ka ot kö Iehova; Ke adre me wâhmakhmeto wia hnen tavat hia adre me ânyâ hoton e: Ame tethmâ hna ogânâ e nyiele balua.

Salamo 78:8

Mʼ adre me ca he ka tha ûcû me lakamödra, Waleji dö ae ûjöng me ûkhin fuc; Wale tavat adre me ca penapena ta je hnyekudra, Ke ca hnathu ta je hanudra ka Khong.

Isaia 29:24

Me ame he tavat ae monu hnyekudra ka wâ metâ, kʼ ame he tavat ulit ka ûnö hna ûnö.

Amosa 4:12

Anyin a wale, oge me he ka ânyâ helâe köu Isaraela: ke can anyin oge me he ka ânyâ helâe köu, penapena thö he ka iouny me Khongom, Isaraela.

Mataio 11:14

Ke a ne webun he ka kap, wale Elia, at ame he ka o.

Mataio 14:4

Anyin a Ioane ame ha, ka habe, E ca ûcû köu he ka hom e.

Mataio 3:3

Anyin a e at a ha gan Isaia perofeta, haingen, ka habe, Ifucin at ame hongot hnyi hnyebuba, ame ha, ka habe, Penapena ju gethen deny Than, Owisa thö deny ta je gethen.

Mataio 3:4

Ke haba Ioane ame khavâ ûkhaû a leûnen kamela, kʼ ame ca hnyekon ge wen a unen meno; ke haba hing an jeû me hamon me haniiny hnyot.

Luka 1:16

Ke se hia lakon Isaraela e ame he ka ohmeto ka Than a Khongudrin.

Luka 1:76

Eke, ke haba u, da, me adre me he ka haiö u me perofeta anyi Beönua: Anyin a u me he ka bân hnyi hnyimakan Than he ka ânyâwia deny ta je gethen.

Ioane 1:13

ke adre me ca hnöku ödra ûnyi hnyi dra, ke ca ûnyi minya bi ge weny unyin, ke ca ûnyi ge weny at, ke ûnyi bi ge Khong.

Ioane 1:34

Ke oge hia but wâ me ohnatho, a e thibi Nokon Khong.

Ioane 3:28

Haba öbun, me öbun e ohnathu nya a oge ha, ka habe, Iny ca Keriso bi, ke adre kunö nya bi hnyi hnyimakan.

Ta je huliwa 10:33

Anyin a wale oge me ie ûkhûnöng köu; ke so anyin a u but ang, a u je o thö. Anyin a wale ohmun hia but ang hnyi hnyimakan Khong, he ka long ta je ûnyi hia ame he Than ka hûna köu.

Roma 9:23

me me he ka omanenâ ûnyi hnathuiny anyin hmanenang ka ta je utkainy ibetengiö, waleji e ame penapena hnân hobi kâu hmanenang,

Kolose 1:12

ate me ole ka Kamen, waleji at a oûcû öta he ka hnyi hu jekhoû unyin wakap hnyi melam:

II. Timoteo 2:21

Anyin a wale, a ne ke at ame ka ânyâwia e bi ûnyi hnyi ta je ûnji eang, me e ame he ka kaia hnân haisoâ adre okabâ, me ûcû he ka huliwan hnen at ae tren uma, me hna penapena ka hnyi ta je huliwa ae so.

I. Peteru 2:9

Ke öbun thibi dö adre me ûca, ke hnyat bihut anyin Khong, ke hnyei ae kap, ke tavat a je hing lakeiny Khong, mʼ öbun e he ka omanenâ je hwakecin ae ti so anyin at ame hawʼ öbun ûnyi hnyi lit ka hnyi anyin melam hnân lâiâ:

I. Ioane 2:28

Ke walang ang je wanakat lö, laba ju eû hnyi hnyin; me me hu gata hnyok ae hwege, e ka manen dut, mʼ ate me ca he ka hmehma hnyi hnyimakan e ka o but.

Hna Omanenâ 20:4

Ke oge me wâ je theron, me hnyat ödrin e laba hon, ke adre me hna ködrin he ka hnei: ke oge me wâ minya je hanon tavat adre subâ je nyidra can hna ohnathu Iesu, ke can hofuc hwan Khong, ke tavat adre me ca hnyi khudrung ka meno, me at a we e, ke adre me ca hnyi kap haten hon je baridra ke hon je hnyamödra; ke adre me möt, kʼ adre me tha musi me Keriso ke ne o but hnyi je huna a wan thauzan.

I. Samuela 7:5

Haba Samuela ame ha, ka habe, ûkha-caköuâ thö at Isaraela hia hnyi Mizepa, ke oge me he ka hic hobi köbun kö Iehova.