Levitiko 9:2 - Iaai Bible 1901 (New Caledonia)

² ke haingen kö Arona, ka habe, Hom dö ke nak bolok hnân hudiny hulö, me mamoe baga ae ba hnyikongon, hnân hudiny leû, me hudo li meno e hnyi hnyimakö Iehova.

Levitiko 9:2 ပူးပေါင်းရင်းမြစ်များ

Esodo 29:1

KE walang ûnyi u me he ka ânyâ ködrin he ka okabi odrin hnân he ka huliwa könya hnyi hanymen at bihut: hom dö nak bolok a khaca me lo li mamoe baga ae ba hnyikongon,

Ezekiela 29:1

HNYI huna a teniny, hnyi tehi a teniny, hnyi bong a twelv, ame o but könya hofuc ho Iehova ame ha, ka habe,

Levitiko 1:10

Ke ame ne ûnyi hnyi je hnahat meno, ame ne mamoe, ame ne got, anyin hut, hnân hut adre le; me e ame he ka hudo baga ae ba hnyikongon.

Levitiko 1:3

Ame ne hut adre le ûnyi hyni hnahat kau anyin hut, hamen he ka hudo baga ae ba hnyikongon: e ame he ka hudo e hnyi hwanumen uma ûkhacaköu, mʼ adre me kap soâ e hnyi hnyimakö Iehova.

Levitiko 16:3

Ke walang hwakecin ûdili Arona ka hnyi dok ae kap: e ame he ka hom nak bolok hnân hudiny hulö, me mamoe baga hnân hudiny leû.

Levitiko 16:5

Ke e ame he ka hom ûnyi ge ûkhacaköu anyin lakon Isaraela lo li got baga hnân hudiny hulö, me mamoe baga a khaca hnân hudiny leû.

Levitiko 4:3

ame ne he at bihut adre hû ka hanyâûâ, me hom hulö hon tavat; me e ame he ka hudo, can monu e ame ânyâ, ke nak bolok ae ba hnyikongon, kö Iehova, hnân hudiny hulö.

Levitiko 8:14

Ke e ame hom bolok hnân hudiny hulö: ke Arona me lakon odrin e ip je hnyamödrin hon ban bolok a hudiny hulö.

Levitiko 8:18

Ke e ame hom mamoe baga a hudiny leû: ke Arona me lakon odrin e ip je hnyamödrin hon ban mamoe baga.

Levitiko 9:3

Ke u ma he ka ha ka lakon Isaraela, ka habe, Hom dʼ öbun got baga me me hudiny hulö; me nokon kau, me nokon mamoe a khaca hunainy ae ba hnyikongon, me me hudiny leû;

II. Korinito 5:21

E, at eji ae ca khana bi monu, e ame wia e me me monu hobi köta, mʼ adre me he ka wiʼ öta hnân hwakecin ae wisa anyin Khong ûnyi gan.

Heberu 5:3

ke can e, me ûcû kâu he ka hudo can ta je hulo anyin tavat, më minya bi.

Heberu 7:27

ke ca ûnyi hnathu bi kâu hnyi je bong he ka helâ me tavat bihut eling ae nua he ka bân ka hudo can anyidra ta je hulo bi, ke biliny bi hobi kâu hulo anyin tavat; anyin e ame okhaca ânyâ eling, hnyi hnen hna hudo e bi.