Levitiko 8:35 - Iaai Bible 1901 (New Caledonia)

³⁵ Hamöbun he ka laba hnyi hwanumen uma ûkhacaköu seven ta bong hnyi lany me lit, me tuö hna hûna hnö Iehova wâ öbun nye mokcu: anyin adre hûna helâe könya.

Levitiko 8:35 ပူးပေါင်းရင်းမြစ်များ

I. Je Than 2:3

ke tuö je hanymâm ûnyi ga Iehova Khongom, he ka vheno deny je gethen, me tuö anyin je hna hûna, me anyin je hnanyibu, me hnen je hna owisa, me hnen je hna otilâ, helâji me hna sihnalimen hnyi tusi anyi Mose, mʼ u me hnahic hnyi ta je ûnyi hia u me he ka ânyâ, me ta je dok u me he ka he kâu:

Esodo 29:35

Ke u me he ka ânyâ hia kö Arona me je lakon helâ me hnök hna hûna köu: seven ta je bong u me he ka otilʼ odrin.

Ezekiela 43:25

Seven je bong u me he ka penapena got hnân hudiny hulo ke bong me ka bong: ke adre me he minya ka penapena nak bolok me mamoe baga ûnyi hnyi hna hat meno, ae ba hnyikongon.

Ezekiela 48:11

Wale hobi kâu tavat bihut, tavat adre hia but okabâ a hanen je laku Zadoka, wale tavat adre hia but tuö hanymen ûnyi gak; tavat adre ca hnyi he monu, waleji hnyi hna he monu hnen lakon Isaraela, helâji me hnen at Levi hna he monu.

Levitiko 10:1

KE haba Nadaba me Abiu, li laku Arona, ödru me ve hom anyidru li taben meic, me hû meic hnyin, me ip ûnyi ae bo so hon, me hudo meic ae ke bongon bi hnyi hnyimakö Iehova, waleji e ame ca hûna ködrin.

Levitiko 14:8

Ke hamen at adre he ka obosoâ he ka hneû anyin je ûkhaû, me giâ leûnen hia, me osûâ ge köiö, me me bo so but: ke hwaban e, e ame he ka he ka hnyi hnyaba, kʼ ame he ka laba hoton umen uma mano hnyi je bong a seven.

Levitiko 8:30

Ke Mose ame hom wakaco hnân hû, me dra a e hon taben hut, me duköiö Arona me anyin je ûkhaû, me lakon, me je ûkhaû anyin lakon; me okabi Arona, me je ûkhaûen, me lakon, me je ûkhaûen lakon unyin.

Levitiko 8:34

Helâ me hna ânyâ hnyi bong ang, helâe Iehova ame hia but hûna he ka ânyâ, ka bi hwaban anyibun möt.

Levitiko 8:36

Haba Arona me lakon odrin e hnyi ânyâ ta je ûnyi hia hnö Iehova hna hûna a deny Mose.

Numera 19:12

ke ame he at eling ka obosoâ e hnyi bong a kuniny ge ûnyi e, ke e ame he ka bo so, hnyi bong a seveniny: ke ame ne ca obosoâ e bi hnyi bong a kuniny, me e ame ca he ka bo so hnyi bong a seveniny.

Numera 3:7

Ke ödrin e he ka vheno hna hûna kâu, me hna hûna ka ûkhacaköu hia hnyi hnyimakan uma ûkhacaköu, he ka ânyâ huliwainy uma mano.

Numera 9:19

Ke ame ne laba ûlâ hon uma mano hnyi je bong ae se, me haba lakon Isaraela adre me tuö hna otilâ hnö Iehova, kʼ adre me ca he bi.

II. Korinito 7:1

HNYAT a oûnykûmik lö, e hu but unyita ta je hna ha bânâ eling, anyin a wale, e so ate me he ka ânyâwiʼ öta bi ûnyi hnyi ta je ûnyi ae ikiki hia hnyi unyin me hanu, he ka obekhötâ hwakecin ae kap hnyi ot ka Khong.

Deuteronomi 11:1

ANYIN a wale u me he ka hnyok kö Iehova Khongom, ke u me he bala ka tuö hnen hna otilâ, me anyin je hnanyibu, me hnen je hna owisa, me hnen je hna hûna.

I. Timoteo 1:18

Nokuk lö, Timoteo, inya oge me ham köu hna hûna eang, hoton hna perofetö u a bân, me u me he ka vâtâ vat ae so hnyin e;

I. Timoteo 5:21

Inya oge me hûna wia köu hnyi hnyimakan Khong, me Keriso Iesu, me ta je angela adre ûca, ka habe, u me he ka tuö ta je ûnyi eang, ke ca he ka wâhmakhmeto, me bi hien ke at bi.

I. Timoteo 6:13

Inya oge me hûna köu hnyi hnyimakan Khong at ame tuö möt anyin ta je ûnyi hia thithö, me Keriso Iesu, at ame haimemenâ so hnyi hnyimakö Ponetio Pilato;

I. Timoteo 6:17

Hûna thö ka tavat tren omjeû eang hmeledrany ka habe, Ca he ödra bi ka bi gan, me ca he ka gejon ta je omjeû wale ame ca tethmâ, ke so bi ka Khong ae möt at ame ham köta hia ta je ûnyi hnân osenyini öta;

I. Timoteo 6:20

Timoteo lö, tuö wia ju ta je ûnyi adre me hna but köu, me ûsâkâûö me ta je hofuc ae bi gan, me ta je ivinö, wale adre me ha thoiâ, ka habe, bemetâ;

II. Timoteo 4:1

INYA oge me hûna wia köu hnyi hnyimakan Khong, me Keriso Iesu, at ame he ka owisa wamöt me wamok, me he ka manen dut e, me dokhon dokhu;

Heberu 7:28

Anyin a hnanyibu ame otilâ tavat ae sënyin hnân tavat bihut ae nua; ke haba hofucin hna khemanyin, waleji hwaban hnanyibu, me ame otilâ Nokon adre obekhöta nyiele balua.