Levitiko 8:14 - Iaai Bible 1901 (New Caledonia)

¹⁴ Ke e ame hom bolok hnân hudiny hulö: ke Arona me lakon odrin e ip je hnyamödrin hon ban bolok a hudiny hulö.

Levitiko 8:14 ပူးပေါင်းရင်းမြစ်များ

Salamo 66:15

Oge me he ka hudo köu je hudiny leû ae pipikhenya, Me ûnyi ae bo so hanen je mamoe baga; Oge me he ka tha hudo je bolok me je got. [Sela.

Isaia 53:10

Ke so bi e ûcû kö Iehova he ka thu hwetö e; e ame hia but ohlöuhlöuâ e: ke u ka he ka hudo e hnân hudiny hulo, me e ame he ka wâ je mâtrân, e ame he ka osehia bongon je bong, ke haba we Iehova ame he ka sot unyin.

Ezekiela 43:19

Ke u me he ka ham nak bolok hnân hudiny hulo, ka tavat bihut a at Levi je mâtrâni Zadoka, tavat adre me hakekeny könya, haingen Than Iehova.

Ezekiela 43:20

Ke u me he ka hom hanen dren e, me kina hon vak ta baitoiny, me hon vak ta kopiny dok ame silöû, me hon baten igigilo: helâe u me he ka obosoâ e me bi hwaban anyin möt.

Ezekiela 44:27

Ke haba hnyi bong e ame he ka dit ka hnyi dok ae kap, ka hnyi hnyeule eiö he ka huliwa hnyi dok ae kap, me e ame he ka hudo hudiny anyin hulo, haingen Than Iehova.

Levitiko 1:4

Ke e ame he ka ip hnyamen hon bân hut adre le; kʼ adre me he ka kap soâ e hobi kâu, me me bi hwaban anyin möt.

Levitiko 16:21

kʼ ame he Arona ka ip li hnyamen hon ban got ae möt, me ha manenâ hon e je hulö hia anyin lakon Isaraela, me hnödra hna hanyâûâ, me anyidra je monu hia; kʼ ame he ka ip je ûnyi e hon ban got, me kunâ e hnen at adre penapena hnyebuba ai;

Levitiko 16:6

Kʼ ame he Arona ka hudo bolok hnân hudiny hulö, wale hobi kâu e bi, me me bi hwaban anyin möt me anyin lap.

Levitiko 4:15

Ke ame he wahingatiny ûkhacaköu ka ip je hnyamödrin hon ban bolok hnyi hnyimakö Iehova: ke adre me he ka hlingâ bolok hnyi hnyimakö Iehova.

Levitiko 8:2

Hum Arona thö tha e me lakon, me je ûkhaû, me wakaco hnân hû, me bolok hnân hudiny hulö, me li mamoe baga, me tangen areto adre ca levenâ bi;

Numera 8:12

Ke hamen tavat Levi he ka ip je hnyamödra hon ban li bolok: ke u me he ka hudo khaca hnân hudiny hulö, me khaca hnân hudiny leû, kö Iehova, me me bi hwaban möt anyin tavat Levi.

Roma 8:3

Anyin a haba ûnyi ae pason ka hnanyibu, can ae sënyin ûnyi ge unyin, me haba Khong ame kunâ hing Nokon, helâ unyin ae kong, ke hnân hudiny hulo, me me ohnaûhangoâ hulo ûnyi hnyi unyin:

II. Korinito 5:21

E, at eji ae ca khana bi monu, e ame wia e me me monu hobi köta, mʼ adre me he ka wiʼ öta hnân hwakecin ae wisa anyin Khong ûnyi gan.

I. Peteru 3:18

Anyin ae okhaca hom vec Keriso can hulo, wale ae wisa me hwaban tavat ae ca wisa hwakecidra, me me he ka lili öta ka Khong: adre hlingâ e hnyi unyin, ke adre omelö e hnyi hanu;