Levitiko 8:1 - Iaai Bible 1901 (New Caledonia)

¹ KE haba Iehova ame ha kö Mose, ka habe,

Levitiko 8:1 ပူးပေါင်းရင်းမြစ်များ

I. Man Ûlabainy Je Than. 6:49

Ke haba Arona me lakon ödrin e hudo hon taben leû hut, me hon taben le uto ae bo so, me ânyâ huliwainy dok ae ti kap, me bi hwaban möt anyin at Isaraela, helâ me Mose athnyabainy Khong ame hûna.

Salamo 99:6

E bi Mose me Arona unyin anyin tavat bi hut, Me Samuela unyin tavat adre me hawâ ien; Ödrin e hongot kö Iehova, ke e ame thu ködrin;

Esodo 28:1

KE hom dö köu Arona a tuhâm me je lakon a tha odrin me, ûnyi hnyi lakon Isaraela, mʼ odrin e he ka huliwa könya hnyi je hanymen at bi hut; Arona, me Nadaba, me Abiu, me Eleazara, me Ithamara, a je laku Arona.

Esodo 28:41

Ke u me he ka okhaûö Arona tuhâm me je lakon unyin ge je ûkhaû; ke u me he ka hûʼ odrin, me otilʼ odrin, me okabi odrin, mʼödrin e hnyat bihut könya.

Esodo 29:1

KE walang ûnyi u me he ka ânyâ ködrin he ka okabi odrin hnân he ka huliwa könya hnyi hanymen at bihut: hom dö nak bolok a khaca me lo li mamoe baga ae ba hnyikongon,

Esodo 29:29

Ke haba je ûkhaû ae kap anyi Arona ame he ka hnân hobi kâu biju lakon hwaban, hnân hû me otilʼ ödrin hnyin.

Esodo 29:9

Ke u me he ka oweikʼ ödrin ge wen hnyekon, wale Arona me je lakon, ke u me he ka obicʼ ödrin ge je hnabinybak; mʼ ödrin e he ka hnyat bihut, wale hanymodrin hnyi hnanyibu nyiele balua: ke u me he ka okabi Arona me je lakon.

Esodo 39:32

Ke adre oumo helâe je huliwa hia hobi kâu uma mano, me uma ûkhacaköu: haba lakon Isaraela adre me ânyâ ta je ûnyi hia, helâ me hna hûna hnö Iehova kö Mose.

Esodo 40:12

Ke u me he ka hum Arona me je lakon ka hnyi hwanumen uma ûkhacaköu me osûʼ odrin ge köiö.

Levitiko 7:38

waleji hnö Iehova hna hûna kö Mose hon bucen Sinai, hnyi bong e ame hûna ka lakon Isaraela he ka hudo anyidra je hut kö Iehova hnyi hnyebuba Sinai.

Levitiko 8:2

Hum Arona thö tha e me lakon, me je ûkhaû, me wakaco hnân hû, me bolok hnân hudiny hulö, me li mamoe baga, me tangen areto adre ca levenâ bi;

Numera 3:3

Wale je ien laku Arona, a hnyat bihut adre hû, waleji e ame otilâ hnân bi hut.