Levitiko 7:9 - Iaai Bible 1901 (New Caledonia)

⁹ Ke haba hudiny han hia adre thân, me ta je ûnyi hia adre ânyâ hnyi faraingpan me öt, me ame he ka an at ame hudo ûnyi eling.

Levitiko 7:9 ပူးပေါင်းရင်းမြစ်များ

II. Je Than 12:17

Ke haba Hazaela than Suria ame he me vat hnyi Gatha, me hûgûnâ e: ke Hazaela ame hnyimakan he ka he Jerusalema ai.

Ezekiela 44:29

Adre me he ka an hudiny han, me hudiny hulo, me hudiny monu; ke hobi kodra ta je ûnyi hia adre me naûâ hnyi Isaraela.

Levitiko 2:10

Ke haba kolon hudiny jeû me hobi kö Arona me lakon; wale ûnyi ae ti kap ûnyi hnyi je hut a an hnen meic kö Iehova.

Levitiko 5:13

Ke ame he at bihut ka bi hwaban anyin möt can hulö e ame ânyâ hnyi ta je ûnyi eling, kʼ adre me he ka hna e; ke hobi kâu at bihut kolon hnân hudiny han.

Levitiko 7:10

Ke haba ta je hudiny han hia adre ûthueniken me wakaco, ame ne mada, me wale anyin laku Arona hia, e ûcû ka ke at me ke at.

Levitiko 7:8

Ke haba at bihut, at ame hudo hudiny leû anyin ke at, me anyin bi unen hut adre le waleji e ame hudo.

Numera 18:9

Walang ânyâm ûnyi hnyi ta je ûnyi ae kap hmönyin, ûnyi hnyi meic: a anyidra je hut hia, me je hudiny hia anyidra han, me je hudiny hia anyidra, hulö, me je hudiny hia anyidra monu, adre me he ka ham könya, wale ae ti kap hobi köu me lakom.

I. Korinito 9:13

Ke ca khanʼ öbun a haba tavat adre me huliwan ta je ûnyi ae kap, me adre me an ta je ûnyi hnyin uma kap, ke haba tavat adre me bi athnyabainy taben hut, me adre me ve hu hwajekhöûdra me tahen hut?

I. Korinito 9:7

Ie ke at ame he ka vat me ka hamen bi he ka bi hwaban kâu? ie at ame belökâ hnyei vine, kʼame ca he ka hnyi ijem wan? ke ie at ame hān hnahat meno, kʼ ame ca he ka hnyi ijem debai ûnyi hnyin?

Galatia 6:6

Ke hamen at adre nâ hnyi hofuc he ka ham ta je ûnyi ae so ka at ame nâ.