Levitiko 7:32 - Iaai Bible 1901 (New Caledonia)

³² Ke öbun e he ka ham ka at bihut jevan a metâ hnân hudiny kap goranyai ûnyi hnyi anyibun je hut ole.

Levitiko 7:32 ပူးပေါင်းရင်းမြစ်များ

Esodo 29:27

Ke u me he ka okabâ ûlainy hut adre hajijingâ, me jevan wale hut adre kap goranyai, wale at adre hajijingâ me kap goranyai, wale ec mamoe baga hnân uhotilâ, wale hobi kö Arona me lakon:

Levitiko 10:14

Ke haba ûlainy adre hajijingâ, me jevan adre kap goranyai, öbun e he ka han hnyi ke dok ae so; a u me lakom obaga me wahlu a tha odrin mou: anyin adre ham e hnân âm, me an lakom, adre ham ûnyi hnyi hudiny ole ûnyi ge lakon Isaraela.

Levitiko 7:33

Haba ke noku Arona at ame hudo dren je hudiny ole, me pipikhenyainy, me anyin bi jevan a metâ hnân an.

Levitiko 7:34

Anyin oge me kap ûnyi ge lakon Isaraela ûlainy hajijingâ me jevan hnân kap goranyai ûnyi hnyi anyidra je hut ole, me ham ûnyi e kö Arona at bihut me lakon me me hwajekhöûdrin nyiele balua ûnyi ge lakon Isaraela.

Levitiko 9:21

ke haba ûlainy me jevan a metâ, me Arona ame hajijingâ hnân hudiny hajijing hnyi hnyimakö Iehova, helâ me hna hûna hnö Mose.

Numera 5:9

Ke haba je hudiny kap goranyai ûnyi hnyi je ûnyi ae kap hia anyin at Isaraela, wale adre labö hom ka at bihut, me wale hnân hobi kâu e.

Numera 6:20

ke ame he at bihut ka hajijingâ je ûnyi e hnân hudiny hajijing hnyi hnyimakö Iehova; wale ûnyi ae kap hobi kâu at bihut, tha e me ûlainy hajijing, me benyin hnân kap goranyai: ke hwaban e, e khana at Nazeri he ka ic waina.

Deuteronomi 18:3

Ke walang jekhon tavat bihut ûnyi hnyi hnyei, a ûnyi ge tavat adre me hudo je hut, ame ne bolok, ame ne mamoe, me adre me he ka ham ka at bihut bajebenyin me li wahicen, me tangen han.

I. Samuela 9:24

Me haba at ame bi han ame hom but jevan, me ûnyi hon e, me ip hnyi hnyimakö Saulo. Ke haingö Samuela, ka habe, Wâ bi ûnyi adre ip! ip ju hnyi hnyimâkâm, âm; anyin adre tuö e hnân hobi köu hwân hnyi ûen adre thu, anyin oge me ha, ka habe, Oge me he ka hawâ tavat. Ke haba Saulo ame tha han me Samuela hnyi bong eling.