Levitiko 7:24 - Iaai Bible 1901 (New Caledonia)

²⁴ Ke haba pipikhenyainy meno ame mok hwege, me pipikhenyainy meno adre oloû, me ûcû hobi kâu ke ta je huliwa: kʼ öbun e ca he bala ka an e.

Levitiko 7:24 ပူးပေါင်းရင်းမြစ်များ

Esodo 22:30

Ke helâe u me he ka ânyâ ge halem ta je kau, me halem je mamoe: seven ta je bong ame he ka hnen unyin hinyen, ke hnyi bong a eitiny u me he ka ham könya.

Esodo 22:31

Ke öbun e he ka tavat ae kap hobi könya; anyin a wale öbun e ca he ka han utiö adre oloû hnyi hnyot; kʼ öbun e he ka khûâ ka ta je kuli.

Ezekiela 4:14

Me oge me ha, ka habe, Ekölö Than Iehova! wâ bi, adre me ca obokongu nya: anyin oge me ca hnyi an ûnyi ame ka hamen mok, ke hna oloû kia ge meno, hwân kʼ iny tiga ûhnyûkong ke ne o but walang ang; kʼ ame ca hnyi dit utiö ae ikiki ka hnyi hnyimök.

Ezekiela 44:31

Ame ca he at bihut ka hnyi an ûnyi a mok hwege, me ûnyi adre oloû kia, ame ne meno ame gâ ame ne meno ame he.

Levitiko 17:15

Ke haba at ame he ka han meno a mok hwege, ame ne kiâ ge ke meno, a aten hnyei, me atkanyua, me, hamen he ka hneû anyin je ûkhaû, me soû hnyi köiö, me bo kong ke ne o but sahac, me me bo so but.

Levitiko 22:8

Haba ûnyi a mok hwege, me hna kia hnen meno, e ame ca he ka hnyi han, wâ e nye bo kong hnen e. Inya Iehova.

Levitiko 7:25

Ke haba at ame he ka han pipikhenyainy meno, adre bödra ka hudo hnân hut a an ge meic kö Iehova, me adre me he ka subâ degecâ at a han, ûnyi hnyi iny hnyei.

Deuteronomi 14:21

Öbun e ca he ka han meno ame mok hwege: ke e khatö u he ka ham ka atkanyua hnyi hnyabam me me he ka han; ke e khatö u minya ka ûco e ka aten ke hnyei; anyin a u hnyei ae kap kö Iehova Khongom. U me ca he ka ölâ nokon got hnyi dân basin hinyen.