Levitiko 7:21 - Iaai Bible 1901 (New Caledonia)

²¹ Ke haba at ame kâlâ ûnyi ae bo kong, ame ne bo konginy at, ame ne bo konginy meno, ame ne ke ûnyi bi ae ikiki ae bo kong, me han utiöiny hudiny ole, wale a anyi Iehova, me adre me he ka subâ degecâ at eling ûnyi hnyi iny hnyei.

Levitiko 7:21 ပူးပေါင်းရင်းမြစ်များ

Genese 17:14

Ke adre me he ka subâ degecâ ûnyi hnyi iny hnyei at adre me ca peritomonâ unen unyin; e ame hanyâûâ anyik ûhihinyköu.

Esodo 12:15

Seven ta je bong öbun e he ka han areto hnyin adre ca levenâ bi: haba hnyi bong a bân öbun e he ka degec leven ûnyi hnyi umöbun ta je uma: anyin a haba at ame he ka han areto adre levenâ hwân hnyi bong a bân ke ne o but ka hnyi bong a seveniny, me adre me he ka subâ degecâ at e unyi Isaraela.

Esodo 12:19

Adre me ca he ka wâ leven hnyi umöbun je uma hnyi je bong a seven: anyin a haba at ame he ka han areto adre levenâ, me adre me he ka subâ degecâ at eling ûnyi hnyi ûkhaeaköu anyin at Isaraela, ame ne atkanyua, ame ne at adre hnokoâ hnyi hnyei.

Ezekiela 33:25

Anyin a wale, ha thö kodra, ka habe, Walang hna ha hnen Than Iehova, ka habe, Öbun e han meno me dren, me bwele ka je idola, me hingâlâ dra,: kʼ ame ka he bi ka ibun hnyei?

Ezekiela 4:14

Me oge me ha, ka habe, Ekölö Than Iehova! wâ bi, adre me ca obokongu nya: anyin oge me ca hnyi an ûnyi ame ka hamen mok, ke hna oloû kia ge meno, hwân kʼ iny tiga ûhnyûkong ke ne o but walang ang; kʼ ame ca hnyi dit utiö ae ikiki ka hnyi hnyimök.

Levitiko 11:20

Haba je ûnyi hia adre me iyâû me gâ, adre me he ge vak can, öbun e he ka ikiki ödra.

Levitiko 12:1

KE haba Iehova ame ha kö Mose, ka habe,

Levitiko 17:10

Ke haba at Isaraela hia, ame ne aten ke hnyei ame laba kanyua unyibun, ame he ka han dra; me oge me he ka wâ hmâ at eling ame han dra, me subâ degecâ e ûnyi hnyi iny hnyei.

Levitiko 17:14

Anyin a wale melen je ûnyi hia; haba dren me wale möt: ke waleling me oge me ha ka lakon Isaraela, ka habe, Ca he öbun ka han dren omeno hia: anyin a haba dra, me, wale melen ta je ûnyi hia, ke haba at ame he ka an e, adre me he ka subâ degecâ.

Levitiko 18:29

Anyin a haba at ame ânyâ ke ûnyi eling ae ikiki, me adre me he ka subâ degecâ tavat adre me ânyâ e ûnyi hnyi idrin hnyei.

Levitiko 19:8

ke haba at ame han e, me ame he ka takoû e hnen anyin hulö, anyin a e ame okongoâ ûnyi ae kap anyi Iehova; me adre me he ka subâ degecâ at eling ûnyi hnyi iny hnyei.

Levitiko 20:3

Oge me he ka wâ hmâ at eling me subâ degecâ e ûnyi hnyi iny hnyei; anyin a e ame ham nokon kö Moleka, me ame oikikiâ dok a kabik, me okongoâ iök ae kap.

Levitiko 22:3

Ha thö ködrin, ka habe, Haba at hnyi mâtrânibun hia hnyi anyibun ta je dö ame hakekenyâ ta je ûnyi ae kap, wale hnen lakon Isaraela hna okabâ kö Iehova, kʼ ame bo kong ut, me adre me he ka subâ degecâ at eling hnyi hnyimakök: Inya Iehova.

Levitiko 22:4

Ame ne lepera ke at hnyi mâtrâni Arona, ame ne hingölö dân unyin; me e ame ca he ka hnyi han je ûnyi ae kap, ke ne o but e ame bo so bi. Ke ame ne hu ke at ame kâlâ ke ûnyi ae bo kong hnen unyin ae mok, ke ame ne at ame hingölö sin unyin;

Levitiko 23:29

Ke haba at ame ca vec hnyekon hnyi bong eling, me adre me he ka subâ degecâ e ûnyi hnyi iny hnyei.

Levitiko 7:20

ke haba at ame han utiöiny hudiny ole wale a anyi Iehova, ke e at ae bo kong, me adre me he ka subâ degecâ at eling ûnyi hnyi iny hnyei.

Levitiko 7:22

Ke Iehova ame ha kö Mose, ka habe,

Levitiko 7:25

Ke haba at ame he ka han pipikhenyainy meno, adre bödra ka hudo hnân hut a an ge meic kö Iehova, me adre me he ka subâ degecâ at a han, ûnyi hnyi iny hnyei.

Levitiko 7:27

Haba at ame han dra, me adre me he ka subâ degecâ e ûnyi hnyi iny hnyei.

Numera 19:22

Ke ame he ka bo kong ta je ûnyi hia a kâlâ hnen at ae bo kong; ke haba at ame kâlâ ta je ûnyi e, me e ame he ka bo kong ke ne o but sahac.

Deuteronomi 14:10

ke haba je ûnyi hia ae ba bohûnyon me unöiny, me öbun e ca he ka han; wale ae bo kong köbun.

Deuteronomi 14:3

U me ca he ka han ke meno ae ikiki.

I. Samuela 20:26

Ke so bi e ba hofuc ho Saulo hnyi bong eling: anyin a haingen, ka habe, Ame ne o kâu ke ûnyi, ame ne ca bo so; eke, e ca bo so.