Levitiko 7:2 - Iaai Bible 1901 (New Caledonia)

² Adre me he ka hlingâ hudiny monu hnyi dok adre me labö hlingâ hnyin hudiny leû: ke adre me he ka dukâiâ dren igigilö hon taben hut.

Levitiko 7:2 ပူးပေါင်းရင်းမြစ်များ

Isaia 52:15

helâe e ame he ka dukâiâ je hnyei ae se hia; ame he ta je than ka laba hum gan: anyin adre me he ka wâ ûnyi adre me tiga ca thumetu ödra gan; ke adre me he ka wâ ûnykûme ûnyi adre me tiga ca long.

Ezekiela 36:25

Ke oge me he ka dukâiʼ öbun ge köiö ae alai mʼ öbun e he ka kalaöt ut: ke oge me he ka obosoi öbun ûnyi hnyi hwakecibun ae ikiki hia, me khongubun je khong hia.

Ezekiela 40:39

Ke haba hnyi poretikoiny homagöule, me hu lo li laulau hnyi lo li ke keihen, hnân hlingâ e ta je hudiny leû me hudiny hulo me hudiny monu.

Levitiko 1:11

Ke hamen he ka hlingâ e hnyi ke keihen taben hut ka hnyi hwadrö hnyi hnyimakö Iehova: ke hamen hnyat bihut a laku Arona, he ka dukâiâ igigilö ge dren hon taben hut.

Levitiko 1:3

Ame ne hut adre le ûnyi hyni hnahat kau anyin hut, hamen he ka hudo baga ae ba hnyikongon: e ame he ka hudo e hnyi hwanumen uma ûkhacaköu, mʼ adre me kap soâ e hnyi hnyimakö Iehova.

Levitiko 1:5

Ke e ame he ka hlingâ bolok hnyi hnyimakö Iehova: ke hamen hnyat bihut, a je laku Arona, he ka hom dren, me dukâiâ igigilö ge dra wale hon taben hut a e hyni hwanumen uma ûkhacaköu.

Levitiko 14:13

kʼ ame he ka hlingâ nokon mamoe hnyi dok adre me labö hlingâ hnyin hudiny hulö, me hudiny leû, wale hnyi dok ae kap: anyin a hobi kâu at bihut hudiny hulö, helâ me hudiny monu: ûnyi ae ti kap:

Levitiko 3:2

Ke e ame he ka ip hnyamen hon ban anyin hut me hlingâ hnyi hwanumen uma ûkhacaköu: kʼ ame he laku Arona hnyat bihut ka dukâiâ dren igigilö hnyi hon taben hut.

Levitiko 3:8

ke e ame he ka ip hnyamen hon ban anyin hut me hlingâ e hnyi hnyimakan uma ûkhacaköu, kʼ ame he laku Arona ka dukâiâ dra igigilö hon taben bi hut.

Levitiko 4:24

ke e ame he ka ip hnyamen hon ban got me hlingâ e hnyi dok adre me labö hlingâ hut adre le hnyi hnyimakö Iehova: wale hudiny hulö.

Levitiko 4:29

Ke e ame he ka ip hnyamen hon ban hudiny hulö, me hlingâ hudiny hulö hnyi dok adre le hnyin hudiny leû.

Levitiko 4:33

Ke e ame he ka ip hnyamen hon ban hudiny hulö, me hlingâ e hnyi dok adre me labö hlingâ hnyin hudiny leû.

Levitiko 5:16

ke e ame he ka bi hwaban hulö e ame ânyâ hnyi ûnyi ae kap, ke e ame he ka bi hanen ka hnyin ke keihen a thabûnginy, me ham e ka at bihut: ke ame he at bihut ka bi hwaban; anyin möt, ge mamoe baga hudiny hulö, kʼ adre me he ka hna e.

Levitiko 5:7

Ke ame ne ca khana he ka ham ke meno helâe can hulö e ame ânyâ, me hamen he ka hom hwaban kö Iehova, a lo li biny, ame ne li lakon meköta; hnân hudiny hulö khaca, ke hnân hudiny leû khaca.

Levitiko 5:9

ke e ame he ka dukâiâ ke keihen taben hut ge dra dren hudiny hulö; ke adre me he ka owa kolon dra hmelen taben hut: haba e me hudiny hulö.

Levitiko 6:25

Ha thö kö Arona me lakon, ka habe Walang hnanyibuiny hudiny hulö: haba dok adre me labö hlingâ je hudiny leû hnyin, me adre me he ka hlingâ minya hnyin hudiny hulö hnyi hnyimakö Iehova: wale ae ti kap.

Levitiko 6:7

ke ame he at bihut ka bi hwaban anyin möt hnyi hnyimakö Iehova, ke adre me he ka hna e; wale hnyi ta je unyi hia e ame monu hnyin.

Numera 6:12

Ke e ame he ka okabâ kö Iehova je bong e ame okabâ e hnyin, me hom nokon mamoe baga a khaca hunainy hnân hudiny monu: ke ame he ka ûnyi baû je bong a bân anyin ae kong ut hnen hna okabâ e.

Heberu 11:28

Hnen labageju e ame ânyâ paseka me hna jijingâ dra, wâ e nye kâlʼ ödra hnen at ame ohia je atö.

Heberu 12:24

ke kö Iesu at ame ûsoköuâ hnyi ûhihinyköu ae teb ûnyi, ke ka hnyi dra hnân dukâiâ, kʼ ame ha ta je ûnyi ae nua hon drö Abela.

I. Peteru 1:2

tavat adre me ûca hoton hna wâbânâ hnen Khong a Kamen adrem, ûnyi ge hna okabâ ge Hanu, he ka löng hoton e, me dukâiâ hnen dro Iesu Keriso: E so e unyibun ibetengiö baû, me ûsoköu ae gan hmâ.