Levitiko 7:18 - Iaai Bible 1901 (New Caledonia)

¹⁸ Ke adre me ne he ka an ke keihen utiöiny hudiny ole hnyi bong we, waleji e ame hudo, me adre me ca lie ka kap e, ke adre me ca he ka aû e ka at ame hudo: ûnyi ae ikiki, ke haba at ame he ka an, me ame he ka takoû e anyin hulö.

Levitiko 7:18 ပူးပေါင်းရင်းမြစ်များ

Ta je Vejec 15:8

Hmiö Iehova hut anyin tavat ae kong; Ke e ame senyin ge hic hijin at ae wisa.

Isaia 65:4

tavat adre me laba hnyi wanben je erkemok, ke hnyi je dok ae iyong; tavat adre me han utioiny buaka, ke e hnyi anyidra je kaia dân ta je ûnyi ae ikiki;

Isaia 66:3

Haba at ame hlingâ bolok, me ame helâ me at ame hlingâ at; haba at ame hudo nokon mamoe, me ame helâ me at ame thu nyin kuli; haba at ame hudo bwihlany, me ame helâ me at ame hudo dren buaka; haba at ame leû libanu, me ame helâ me at ame hahnahicâ hnatheat: eke, adre hia but ûca dedra bi je gethen, ke ame senyin je hanudrin hnyi anyidra bi ta je ûnyi ae ikiki.

Jeremia 14:10

Walang hna ha hnö Iehova, ka tavat ang, ka habe, Helâe, e wedra he ka he baû: adre me ca hia but behânâ bi je cadra: anyin a wale ame ca he bi Iehova ka kop ödra; e ame he walang ang ka ûnykûme anyidra monu, me senâ anyidra je hulo.

Jeremia 14:12

Ödra ka he ka ânyâ ca han, oge me ca he ka löng ûtengiödra; ke ödra ka ha ke hudo je hudiny leû me bwihlany, me oge me ca he ka kop ödra: ke oge me he ka ohiʼ ödra ge hele vat, me hmiâ, me mok ae cap.

Ezekiela 18:20

Haba at ame ânyâ hulo, me ame he bi ka mok; kʼ adre me ca he ka bi hwaban hulo auyin kamen ka nokon, kʼ adre me ca he ka bi hwaban hulo anyin nokon ka kamen; ke haba hwakecin ae wisa anyin at ae wisa me ame ka he bi ka mokut hon, ke haba hwakecin ae kong anyin at ae kong me ame he bi ka mokut hon.

Hosea 8:13

Ke haba je bwihlany adre me hudo könya, adre me hudo utiö me an e; ke ame ca he Iehova ka kop ödra: e ame he walang ang ka ûnykûme anyidra hulo, me bi hwaban hwakecidra ae kong; adre me he ka hmetu Aigupito ai.

Levitiko 10:17

Ieû öbun e ca an gan hudiny hulö hnyi dok ae kap, anyin ae ti kap e, ke e ame hia but ham köbun he ka hom hulö anyin ûkhacaköu, me hnân bi hwaban anyidra möt hnyi hnyimakö Iehova?

Levitiko 10:19

Ke haingö Arona kö Mose, ka habe, Wâ bi, hnyi bong ang ödre hudo hudiny anyidru hulö, me anyidru hut adre le hnyi hnyimakö Iehova; ke a o könya je ûnyi eang; ke hawa, oge ne hia but han hudiny hulö hnyi bong ang, ame ne he ka kap soâ hnyi hnyimakö Iehova?

Levitiko 11:41

Ke haba ta je ûnyi adre me iyâû eang hmelen, adre me he ka ikikiâ, kʼ adre me ca he ka han.

Levitiko 17:16

Ke ame ne ca he ka hneû anyin je ûkhaû, me sûâ unyin, me ame he ka takoû e anyin hulö.

Levitiko 19:5

Ke öbun e ne he ka hudo hudiny ole kö Iehova, me hamöbun he ka hudo e me me he ka kap soi öbun.

Levitiko 20:17

Ke ame ne he ke baga ka hok haniny, ame ne nokon kamen, ame ne nokon hinyen, me ödru me ûwâköuâ ûhethuidru; me wale ûnyi ae ikiki; ke adre me he ka tha subâ degeci ödru hnyi hnyimakan aten idru hnyei: e a hia but hai hnamejin haniny; ame he ka takoû e hnen anyin hulö.

Levitiko 20:19

Ke u me ca he ka hai hnamejin liamekeiny me hinyâm, ame ne haniny kamâm; anyin a u me hai hnamejin hing liamekeiny mou: me ame he ka takû odrin hnen anyidrin hulö.

Levitiko 22:16

me takû odrin hulöinyanyidra monu, odrin ka he ka hnyi han anyidrin je ûnyi ae kap anyin a inya Iehova at ame okabâ ta je ûnyi eling.

Levitiko 22:23

Ame ne bolok, ame ne nokon mamoe ae hu ovejien, ame hia ke keihen unyin, me u me he ka hudi odrin hnân hut betenge; ke adre me ca he ka kap soâ hobi kâu khöbi.

Levitiko 22:25

Ke ca he öbun ka hudi odrin hnân an Khongubun ûnyi ge aten ke hnyei bi; anyin a e unyidrin hulö me hnyikongon: adre me ca he ka kap soi öbun hnyin.

Levitiko 5:17

Ke ame ne ke at ame ânyâ hulö me ânyâ ke je unyi hnyi ta je ûnyi a hûna hnö Iehova a gʼ adre me ca he ka ânyâ; kʼ ame ne ca khana e, me ame hulö but, kʼ ame he ka takoû e anyin hulö.

Levitiko 7:19

Ke adre me ca he ka an utiöiny ame kâlâ ge ûnyi ae bo kong: adre me he ka le degecâ e ge meic. Haba utiö ame he tavat thibi ae bo so ka hnyi han:

Amosa 5:22

Eke, öbun e ne hudo könya anyibun je hudiny leû me hudiny han, me oge me ca he bi nya ka kap: ke oge me ca he ka wâ anyibun je hudiny ûsoköu a halebun je meno ae pipikhenya.

Malaki 1:10

Nakainy ame ne hu ke at unyibun he ka hlöng je hwanuma, mʼ öbun e ca he ka vâc baûâ meic hon anyik taben hut! Haingö Iehova tuhan sabaoth, ka habe, Oge me ca senyin köbun, ke oge me ca he ka kap hnobun hna hudo.

Malaki 1:13

Ke haingöbun, ka habe, Wâ bi, ûnyi hnân höciâ! ke öbun e hia but hûkötiâ e, haingö Iehova tuhan sabaoth: ke öbun e hia but hom ûnyi adre me hûgûnâ, ke at ae kong can, ke hna takoû hnen mok; wale hut öbun e hom: hawa e ûcû könya he ka kap e ûnyi gabun? haingö Iehova.

Numera 18:27

Ke adre me he ka ûnykûme köbun hudiny anyibun kap goranyai, me me tha ûcû me hwit ûnyi hnyi hna huje hwit, ke helâ me hna hlec wan vine ae ûnöngöt.

Luka 16:15

Ke e ame ha kodra, ka habe, Öbun tavat öbun e owisʼ öbun bi hnyi hnyimakan tavat; ke khana bi Khong je hnyekubun: anyin a haba ûnyi ame oûnyihnathoâ at, me, ikiki bi ling hnyi hnyimakan Khong.

Roma 4:11

ke e ame kap haten, wale peritom, hnân bi haten hwakecin ae wisa, a anyin labageju kʼ adre tiga ca peritomonâ: me me he ka kamen tavat hia adre me labageju, kʼ adre ne ca peritomoni ödra, mʼ adre me hâiâ hwakecin ae wisa kodra;

Heberu 9:28

helâe minya Keriso, adre me okhaca hudo e he ka vadren ta je hulo anyin tavat ae se hia, me e ame he ka olo manen ka tavat adre me halubahingen e, ke ca ha bi ge hulö, ke hnân omelö.

I. Peteru 2:24

waleji at a hake vadren anyita ta je hulo ge unyin hon ûö, mʼ ate me he ka möt ka hwakecin ae wisa, anyin ate me mok ut ûnyi hnyi hulo; anyin adre me omeli öbun ge hwadeny hnân ta je osö.