Levitiko 6:20 - Iaai Bible 1901 (New Caledonia)

²⁰ Walang hut anyi Arona me je lakon odrin e he ka hudo kö Iehova hnyi bong adre me he ka hû e; khaca omer salawa hnân hudiny han nyiele balua, haf hnyi hnyomakatu, ke ke haf hnyi sahac.

Levitiko 6:20 ပူးပေါင်းရင်းမြစ်များ

I. Man Ûlabainy Je Than. 23:29

me areto minya hnân omanenâ, me falawa ae so hobi kâu hudiny han, ame ne je ong areto ae halelöû adre ca levenâ bi, ame ne ûnyi adre ölâ, me hna op, me je tulutiny ta je ûnyi, me kahmen je ûnyi wale ae ve bongon;

Esodo 16:36

Haba omer me wale ke keihen a libenyitainy efa.

Esodo 29:2

me areto adre ca levenâ bi, me je ong areto adre ca levenâ kʼ adre ûthueniken me wakaco, me je ong areto ae halelöû adre ca levenâ kʼ adre khinö wakacoiny: u me he ka ânyâ ge falawainy hwit adre omomono wia.

Levitiko 23:13

Ke haba hudiny han ame he ka lo li omer salawa adre ûthueniken me wakaco hnân hut a an ge meic ae bo so kö Iehova: ke haba hudiny ic, ame be ka tap waina a vakiny hin.

Levitiko 5:1

KE ame ne monu ke at a löng hnödra hna kunâ he ka khemanyin, ke e at ohnatho, a ne wâ, a ne khana, kʼ ame ne ca ha hofuc eling, me ame he ka takoû e anyin hulö:

Levitiko 5:11

Ke ame ne ca khana he ka hom li biny, ame ne li lakon meköta, me hamen at a ânyâ hulö he ka hom hnân anyin hut, khaca omer salawa hnân hudiny hulö; e ame ca he ka hû e ge wakaco, kʼ ame ca he ka ip libanu ka hnyi hon: anyin a e hudiny hulö.

Levitiko 6:11

Ke e ame he ka uny anyin je ûkhaû, me khavâ ke je ûkhaû, me hom dröu ka hnyi hoton hnyaba ka hnyi dok ae so.

Levitiko 6:19

Ke Iehova ame ha kö Mose, ka habe,

Numera 28:10

haba ûnyi e me hudiny leû hnyi ta je sabath hia, ke ca ha bi hudiny leû hnyi ta ogo bong, ke hudiny ic a hanen.

Numera 28:3

Ke u me he ka ha ködra, ka habe, Walang hut a an ge meic öbun e he ka hudo kö Iehova; a je lakon mamoe baga a khaca hunainy ae ba hnyikongon, ûse lo hnyi ke bong me ke bong, hnân hudiny leû hnyi ta ogo bong hia.

Numera 4:16

Ke haba Eleazara nöku Arona at bihut ame he ka tuö wakaco hnân umumelam, me je unyi ae be so hnân le, me hudiny han a e bala bi, me wakaco hnân hû, me hanymen uma mano hia, me ta je ûnyi hia hnyin, me dok ae kap, me omjehen hia.

Heberu 5:1

ANYIN a haba tavat bihut hia ae nua adre ûca unyin tavat, me adre otilâ hobi kâu tavat hnyi ta je ûnyi anyin Khong, me me he ka hudo ta je bwihlany me ta je hut can ta je hulo:

Heberu 7:27

ke ca ûnyi hnathu bi kâu hnyi je bong he ka helâ me tavat bihut eling ae nua he ka bân ka hudo can anyidra ta je hulo bi, ke biliny bi hobi kâu hulo anyin tavat; anyin e ame okhaca ânyâ eling, hnyi hnen hna hudo e bi.