Levitiko 5:7 - Iaai Bible 1901 (New Caledonia)

⁷ Ke ame ne ca khana he ka ham ke meno helâe can hulö e ame ânyâ, me hamen he ka hom hwaban kö Iehova, a lo li biny, ame ne li lakon meköta; hnân hudiny hulö khaca, ke hnân hudiny leû khaca.

Levitiko 5:7 ပူးပေါင်းရင်းမြစ်များ

Levitiko 12:6

Ke ka um dö je bongon obosoâ, ame ne da, ame ne hlu, me e ame he ka hom hnân hudiny leû nokon mamoe a khaca hunainy, me nokon meköta, ame ne biny, me me hudiny hulö ka hnyi hwanumen uma ûkhacaköu, ka at bihut:

Levitiko 12:8

Ke a ne ca khana momo he ka hom nokon mamoe, me so e ame hom lo li biny, ame ne li lakon meköta; khaca hnân hudiny leû, ke khaca hnân hudiny hulö; kʼ ame he at bihut ka bi hwaban anyin möt, me me bo so momo.

Levitiko 14:30

Ke e ame he ka hudo ke at hnyi li biny, ame ne ke nokon meköta, helâ me ûcû kâu:

Levitiko 14:31

wale ûnyi ae khana he ka hom, haba khaca hnân hudiny hulö, ke khaca hnân hudiny leû, tha e me hudiny han: kʼ ame he at bihut ka bi hwaban möt anyin at adre me he ka obosoâ hnyi hnyimakö Iehova.

Levitiko 15:30

Ke ame he at bihut ka hudo khaca hnân hudiny hulö, me khaca hnân hudiny leû; ke hamen at bihut ka bi hwaban anyin möt hnyi hnyimakö Iehova can hna hingölö ûnyi gan ae bo Kong.

Levitiko 16:5

Ke e ame he ka hom ûnyi ge ûkhacaköu anyin lakon Isaraela lo li got baga hnân hudiny hulö, me mamoe baga a khaca hnân hudiny leû.

Levitiko 27:8

Ke ame ne ba anyin ûnyi ae ûcû köu, me adre me he ka hom e ka hnyi hnyimakan at bihut, ke ame he at bihut ka ha ûnyi ae ûcû kâu, kʼ ame he at bihut he ka tuluto e hoton hna khana hnen at bi khöbi.

Levitiko 5:11

Ke ame ne ca khana he ka hom li biny, ame ne li lakon meköta, me hamen at a ânyâ hulö he ka hom hnân anyin hut, khaca omer salawa hnân hudiny hulö; e ame ca he ka hû e ge wakaco, kʼ ame ca he ka ip libanu ka hnyi hon: anyin a e hudiny hulö.

Levitiko 7:1

KE walang hnanyibuiny hudiny monu: wale ae ti kap.

Levitiko 9:3

Ke u ma he ka ha ka lakon Isaraela, ka habe, Hom dʼ öbun got baga me me hudiny hulö; me nokon kau, me nokon mamoe a khaca hunainy ae ba hnyikongon, me me hudiny leû;

Numera 5:6

Ha thö ka lakon Isaraela, ka habe, E ka he baga ame ne momo ka ânyâ ke hwakecin ae kong, kʼ ame monu hnyi hnyimakö Iehova, ke hulö but at eling;

Numera 6:10

Ke haba hnyi bong a eitiny, me e ame ke ka hom li biny, ame ne li nokon meköta, ka at bihut, ka hnyi hwanumen uma ûkhacaköu:

Numera 6:11

kʼ ame he at bihut ka hudo khaca hnân hudiny hulö, ke khaca hnân hudiny leû, me me bi hwaban anyin möt, anyin a kong ut ge ûnyi ae mok, kʼ adre me he ka okabâ hmeto ban hnyi bong eling.

Mataio 10:16

Wâ bi, inya oge me kunʼ öbun helâ me ta je mamoe hnyi wanben ta je luko: anyin a wale metâ but öbun helâ me ta je on, me menyik helâ me ta je biny.

Mataio 21:12

Ke haba Iesu ame didro hnyin uma kap umen Khong, me obâ hia tavat adre me ûcû hnyin uma kap, me hagutâ hnyikânâi ta je laulau anyin tavat wia mone, me je utap taben tavat adre me ûcû biny;

Mataio 3:16

A hia but bapataisoi Iesu, me e ame ölö thö ûheny hnyi köiö: ke wâ bi adre me khong ut kâu drany, ke e ame wâ Hanon Khong ame gâ but kâu helâ me biny, me o hnyi hon;

Luka 2:24

me ham ke hut helâ me hna ha hnyi hnanyibu anyin Than, ka habe, Lo li biny, ame ne li lakon meköta.

II. Korinito 8:12

Anyin a ne hu hnyok ae weny, adre me he ka kap e hoton hna hu hnen at, ke ca hoton bi hna ca hu gan bi.