Levitiko 5:4 - Iaai Bible 1901 (New Caledonia)

⁴ ke ame ne he ke at ka ie khemanyin ge li esongodiny he ka ânyâ ûnyi ae kong, ame ne ûnyi ae so, haba ta je ûnyi hia e ame ie ha me khemanyin, ke iyong kâu, haba hnyi ûen ae khana me e at hulö hnyi ke ûnyi eling:

Levitiko 5:4 ပူးပေါင်းရင်းမြစ်များ

II. Samuela 21:7

Ke than ame omeli Mefiboseth, nöku Jonathana nöku Saulo, can hna khemanyin anyi Iehova a wanbödru, wale wanbö Davita me Jonathana nöku Saulo.

II. Je Than 6:31

Ke e ame ha, ka habe, Ame he Khong ka ânyâ helâe könya me bi hanen dö minya, ame ne e bala bö Elisaia nöku Safata hnyi bong ang.

Salamo 106:33

Anyin adre me ovecâ hanon, Me e ame fuc monu ge li esongodiny.

Levitiko 5:13

Ke ame he at bihut ka bi hwaban anyin möt can hulö e ame ânyâ hnyi ta je ûnyi eling, kʼ adre me he ka hna e; ke hobi kâu at bihut kolon hnân hudiny han.

Levitiko 5:3

ke ame ne kâlâ bokonginy at, a ta je ûnyi hia ae ikiki ame obokongoâ, ke iyong e kâu; haba hnyi ûen a e khana e, me e at hulö:

Numera 30:6

Ke ame ne hu âiân, ke ka e bi anyin khöbi, ame ne ke hofuc ae ûhlöhlök ame he ûnyi hnyi li esongodiny, wale ame hia but ca hnyekon kâu;

Numera 30:8

Ke ame ne thawâ momo hnen âiân hnyi bong e ame löng hnyin; awe, e ame he ka oûnyibâûâ anyin khöbi, me hofuc ae ûhlöhlök unyi hnyi li esongodiny, waleji e ame ca hnyekon gan: ke Iehova ame he ka hna but e.

Mataio 14:7

Waleling me me khemanyin he ka ham kâu ûnyi e ame he ka sumâtâ.

Mataio 14:9

Me ame hmak ut than; ke ûnyi bi ge hna khemanyin, ke can ge tavat adre me tha laba mē, me e ame hûna he ka ham but;

Mareko 6:23

Me e ame khemanyin kâu, ka habe, Oge me he ka ham köu hnâm hna he ka ha könya ke ne o but hnyi ke keihen a hafiny dökhuk dokhu.

Ta je huliwa 23:12

Ke a lany jut haba at Juda adre me ûkhacaköu me bi khöbi ka habe, Adre me ca he ka han me ic ke ne o but adre me hia but hlingö Paulo.

Josua 2:14

Ke ame thu ka momo hnen li at, ka habe, Öhmu me he ka mok hwaböbun, öbun e ne ca he ka omanenâ ûhemnu eang; ke e ka āt bi a gʼ ame he Iehova ka ham kohmun hnyei; me öhmun e he ka ânyâ hwakecin ae betenge me hnathu köu.

Josua 9:15

Ke haba Josua ame ânyâ ûsoköu mödrin, me ûhihinyköu mödrin, me ödrin e möt: me ame khemanyin ködrin hnen je taben ûkhacaköu.

Owisa 11:31

ke iny ka o hmetu hnyi hnahic ûheny unyin laku Amona, me haba ûnyi ame he ka didrut ûheny hnyi hwanumen umök uma he ka ûkhanö mönya, me wale hobi kö Iehova, me oge me he ka hudo e me hudiny leû.

Owisa 21:18

Ke ca khanʼ ohmun he ka ham ködrin lakuhmun je hlu me laöiödrin: anyin a hia but khemanyin lakon Isaraela, ka habe, Hnaûhango at ame he ka ham momo kö Beniamina.

Owisa 21:7

Ieû otin e he ka ânyâ hobi ködrin je kolon, me me hu laöiödrin, anyin otin e hia but khemanyin hnyi iö Iehova a otin e ca he ka ham ködrin lakutin je hlu me me laöiödrin?

Owisa 9:19

ke ame ne hnathu me wisa hnobun hna ânyâ kö Jerubaala me anyin lap hnyi bong ang, Awe, senyini Abimelek dö öbun, ke e ame he ka senyin köbun:

I. Samuela 1:11

Ke e ame bi khöbi me ha, ka habe, Iehova tuhan sabaoth lö, u je ne he ka wâ vec anyin athnyabaem a momo, me ûnykûme könya, me ca hnying bi athnyabaem a momo, ke u je ne he ka ham könya a athnyabaem ke da, me oge me he ka ham e kö Iehova hnyi ta je bonginy hia thithö, ke ame ca he ka o heleûgi ka hnyi hon ban.

I. Samuela 25:22

E so Khong ame ânyâ helâe me bi hanen ka je iwahnaihmiony me Davita, oge me ne he ka bi kolon ke da a khaca hnyi ta je ûnyi hia thithö unyin e ka o thö lany hnyi hnyomakatu.