Levitiko 5:2 - Iaai Bible 1901 (New Caledonia)

² ke haba khaca, a ne he ke at ka kâlâ ûnyi ae bokong, ame ne unyin meno ae bokong a mokcu, ame ne meno a vak can ae bokong a mokcu, ame ne meno ame iyâû ae bokong a mokcu, ke ame ne ca manen kâu, me e ame he minya ka bokong, kʼ ame hulö but:

Levitiko 5:2 ပူးပေါင်းရင်းမြစ်များ

Salamo 19:12

Ie at ae khana he ka wâ monu unyin? Ö u degecâ but anyik ta je monu ae iyong.

Isaia 52:11

He thö, he thʼ öbun, he but ûhebun e, ca kâlâ bi ûnyi ae ikiki; he but ûnyi hnyi hnyin e; e so e kalaöt ut öbun, tavat öbun e kap tilâ je kaia anyi Iehova.

Levitiko 11:11

kʼ öbun e he ka ikiki ödra; ca he öbun ka han utiöidra, ke öbun e he ka ikikiâ je unyidra ae mok.

Levitiko 11:8

Ca he öbun ka han utiöidra, me kâlâ unyidra a mok; wale je ûnyi ae bo kong köbun.

Levitiko 4:13

Ke ame ne hanyâûâ tavat Isaraela hia, ke iyong ûnyi eling ka ûkhacaköu, kʼ adre me ne ânyâ ke ûnyi a ha Iehova a gʼ adre me ca he ka ânyâ, mʼ adre me hulö but;

Levitiko 5:17

Ke ame ne ke at ame ânyâ hulö me ânyâ ke je unyi hnyi ta je ûnyi a hûna hnö Iehova a gʼ adre me ca he ka ânyâ; kʼ ame ne ca khana e, me ame hulö but, kʼ ame he ka takoû e anyin hulö.

Levitiko 5:3

ke ame ne kâlâ bokonginy at, a ta je ûnyi hia ae ikiki ame obokongoâ, ke iyong e kâu; haba hnyi ûen a e khana e, me e at hulö:

Levitiko 5:4

ke ame ne he ke at ka ie khemanyin ge li esongodiny he ka ânyâ ûnyi ae kong, ame ne ûnyi ae so, haba ta je ûnyi hia e ame ie ha me khemanyin, ke iyong kâu, haba hnyi ûen ae khana me e at hulö hnyi ke ûnyi eling:

Levitiko 7:21

Ke haba at ame kâlâ ûnyi ae bo kong, ame ne bo konginy at, ame ne bo konginy meno, ame ne ke ûnyi bi ae ikiki ae bo kong, me han utiöiny hudiny ole, wale a anyi Iehova, me adre me he ka subâ degecâ at eling ûnyi hnyi iny hnyei.

Hagai 2:13

Haba Hagai ame ha, ka habe, A ne ke at ame bo kong ge ûnyi ae mok ame kâlâ khaca hnyi ta je ûnyi eling, hawa, ame he ka bo kong? Ke haingen tavat bihut, ka habe, E bo kong ut.

Numera 19:22

Ke ame he ka bo kong ta je ûnyi hia a kâlâ hnen at ae bo kong; ke haba at ame kâlâ ta je ûnyi e, me e ame he ka bo kong ke ne o but sahac.

Luka 11:44

Ekölö gabun anyin a öbun ûcû rae ta je erkemok ae iyong, kʼ ame he tavat hon, ke ca khanʼ ödra bi.

II. Korinito 6:17

Anyin a wale, haingen Than, ka habe, Didrut öbun gadra, ke ve laba but, Ke ca kâlâ bi ûnyi ae ikiki; Ke oge me he ka köp öbun,

Deuteronomi 14:8

me buaka, anyin a e ame kia luâ can, kʼ ame ca hoc hmeto bi hna han, wale ae bo kong köbun: ca he öbun ka han utiöidra, me kâlâ unyidra ae mok.